डिलिव्हरी बॉय बनून वृद्धेला लुटल्याचा आरोप असलेल्या तरुणाचा नागपुरात संशयास्पद मृत्यू

नागपूर : डिलिव्हरी बॉय बनून घरात शिरून वृद्ध महिलेला भरदिवसा लुटल्याचा आरोप असलेल्या तरुणाचा संशयास्पद स्थितीत मृत्यू झाला आहे. काही जाणकार मारहाणीमुळे त्याचा मृत्यू झाल्याचे सांगत आहेत, मात्र पोलीस हे मान्य करत नाहीत. या प्रकारामुळे शहर पोलीस दलात खळबळ उडाली आहे. ही घटना मंगळवारी दुपारी बेलतरोडी पोलीस स्टेशनच्या हद्दीतील पृथ्वीराज सोसायटीत घडली.