अमृता, नेहा आणि सोनाली इटलीत; बॅगा ओढतानाचा व्हिडिओ चर्चेत

अमृता खानविलकर, नेहा पेंडसे आणि सोनाली खरे सध्या इटलीत फिरायला गेल्या आहेत. मैत्रिणींची ही गर्ल्स ट्रिप सोशल मीडियावर चांगलीच चर्चेत आली आहे. अमृता, नेहा आणि सोनाली या तिघी गर्ल्स ट्रिपसाठी इटलीला रवाना झाल्या आहेत.

मराठी इंडस्ट्रीत अनेक अभिनेत्री फक्त पडद्यावरच नाही, तर पडद्यामागेही चांगल्या मित्र-मैत्रिणी असतात. अमृता खानविलकर, नेहा पेंडसे, सोनाली खरे आणि प्रसाद ओक यांची पत्नी मंजिरी ओक यांची मैत्री हे त्याचंच एक उदाहरण आहे. अमृताने नुकतीच एका मुलाखतीत सांगितलं होतं की, आम्ही चौघी खूप चांगल्या बेस्ट फ्रेंड्स आहोत आणि आमची गर्ल्स गँग आहे. आता या मैत्रिणी फिरायला निघाल्या आहेत.

या ट्रिपचे फोटो अमृताने स्वतः शेअर केले आहेत. फोटोखाली तिने "आम्ही तीन तिघी" असं लिहिलं. सुरुवातीला या नेमक्या कुठे चालल्या आहेत, हे लोकांना समजत नव्हतं. मग अमृताने चाहत्यांना पिझ्झा, पास्ता, तिरामिसू असा एक इशारा दिला. त्यावरून सगळ्यांना कळलं की, या तिघी इटलीला गेल्या आहेत.

इटलीत पोहोचल्यावर अमृताने एक गंमतशीर व्हिडिओ शेअर केला. त्या व्हिडिओत तिघी आपापल्या बॅगा ओढताना दिसतात. अमृता म्हणते, "तुम्ही रील्समध्ये बघितलं असेल, स्वतःचं सामान उचलून प्रवास करायचा. तेच आम्ही करतोय आता. आम्ही आता बसने फ्लोरेन्सला चाललोय. या बॅगांचं काय सांगू? बॅगांनी पुरता दम काढलाय आमचा."

तिचं हे बोलणं ऐकून चाहत्यांनाही हसू आलं. मोठ्या हिरोइन्सही सामान्य माणसांसारख्याच बॅगा उचलून दमतात, हे पाहून लोकांना भारी वाटलं.

आता तिघी इटलीत पोहोचल्या आहेत आणि पुढे त्या काय धमाल करणार, याकडे सगळ्यांचं लक्ष आहे. इटली म्हणजे सुंदर जागा, जुन्या बिल्डिंग आणि चांगलं खाणं. तिघी मैत्रिणी एकत्र आल्या की धमाल होणारच. अमृता नेहमीच आपल्या ट्रिपचे फोटो आणि व्हिडिओ शेअर करत असते. यावेळीही ती रोज काही ना काही अपडेट देत आहे.

नेहा पेंडसे खूप दिवसांनी अशी मैत्रिणींसोबत फिरायला गेली आहे. सोनाली खरेही या ट्रिपमध्ये एकदम खुश दिसत आहे. कामाच्या टेन्शनमधून वेळ काढून या तिघींनी ही ट्रिप प्लॅन केली आहे. मराठी इंडस्ट्रीत अशी मैत्री बघायला मिळणं, हीच मोठी गोष्ट आहे. आता इटलीतून त्यांचे आणखी कोणते फोटो येतात आणि त्या काय मज्जा करतात, हे बघण्यासाठी चाहते वाट बघत आहेत. तिघींची ही मैत्री आणि ही इटली ट्रिप सध्या सोशल मीडियावर चर्चेचा विषय बनली आहे.