कमी पावसाचा फटका: चोपड्यात मका आणि सोयाबीनची आवक घटली, खरीप पिकांवर मोठा परिणाम

यंदा राज्यात पावसाचे प्रमाण कमी राहिले आहे. त्यामुळे शेतकऱ्यांच्या पिकांवर मोठा परिणाम झाला असून त्यांच्या उत्पादनात घट झाली आहे. जळगाव जिल्ह्यातील चोपडा तालुक्यातील शेतकऱ्यांच्या खरीप पिकांवर याचा मोठा परिणाम झाला आहे. त्यामुळे मक्याच्या उत्पादनात मोठी घट दिसून येत आहे. या सर्वाचा फटका मक्याच्या दरवाढीवर आणि दाणे भरण्यावर बसला आहे.

शेतकरी आपल्या शेतातला मका विक्रीसाठी कृषी उत्पन्न बाजार समितीत घेऊन येत आहेत. जळगाव येथील चोपडा कृषी उत्पन्न बाजार समितीत रोज मका आणि सोयाबीनची आवक होत आहे. सध्या या बाजार समितीत सोयाबीनची सुमारे 250 क्विंटलपर्यंत, तर मक्याची सुमारे 2 हजार क्विंटलपर्यंत आवक होत आहे. गेल्या वर्षाच्या तुलनेत यंदा पावसाअभावी मका आणि सोयाबीनची आवक कमी असल्याचे दिसत आहे. म्हणजेच पाऊस कमी पडल्याचा परिणाम बाजार समितीत येणाऱ्या मालावर दिसू लागला आहे.

गेल्या वर्षीच्या तुलनेत यंदा मका, सोयाबीन आणि इतर उत्पादनांवर परिणाम झाल्याचे चित्र आहे. मका आणि सोयाबीनची आवक कमी झाल्यामुळे बाजार समितीत मक्याला 1700 ते 2000 हजार असा भाव मिळत आहे. तसेच सोयाबीनला 05 हजार ते 5800 रुपये प्रति क्विंटलपर्यंत भाव मिळत आहे. ही माहिती बाजार समितीतील शेतकऱ्यांनी दिली आहे.

राज्यात पावसाचे प्रमाण कमी राहिल्याने शेतकऱ्यांच्या पिकांवर मोठा परिणाम झाला आणि त्यांचे उत्पादन घटले. जळगाव येथील चोपडा तालुक्यातील शेतकऱ्यांच्या खरीप पिकांवर याचा मोठा परिणाम झाल्याने मागच्या वर्षापेक्षा यंदा मक्याची आवक कमी झाली. त्यामुळे मक्याच्या उत्पादनावर परिणाम झाल्याचे दिसून येत आहे.

यंदा मक्याची आवक कमी झाली असून त्याचा परिणाम आता ज्वारी, बाजरी आणि मूग या उत्पादनांवरही दिसत आहे. म्हणजेच कमी पावसाचा फटका फक्त मका आणि सोयाबीनपुरताच मर्यादित राहिलेला नाही, तर इतर पिकांपर्यंतही पोहोचला आहे, असे चित्र चोपडा तालुक्यात आहे.