डोळ्यांभोवती काळे डाग का पडतात? झोपेचा अभाव, तणाव आणि आनुवंशिकता कारणीभूत

चेहरा सुंदर दिसावा म्हणून अनेक जण मेकअप करतात. मेकअपमुळे चेहऱ्यावरील काळे डाग, सुरकुत्या आणि त्वचेच्या इतर समस्या बऱ्यापैकी लपतात. पण डोळ्यांभोवती आलेले काळे डाग मात्र लवकर कमी होत नाहीत.

हे डाग कायमचे घालवण्यासाठी अनेक महिला वेगवेगळे उपाय करून पाहतात. कधी स्किन केअर रुटीनमध्ये बदल केला जातो, तर कधी बाजारात मिळणारे महागडे स्किन ट्रीटमेंट, नाईट क्रीम किंवा डार्क सर्कल्स घालवण्यासाठीचे वेगवेगळे क्रीम वापरले जातात. इतके करूनही हे डाग काही केल्या लवकर जात नाहीत.

जीवनशैलीत बदल झाला आणि झोपेच्या समस्या वाढल्या की चेहऱ्यावर डोळ्यांभोवती मोठ्या प्रमाणात काळे डाग दिसू लागतात. तासन्तास मोबाईल किंवा लॅपटॉप पाहत बसणे आणि जागरण यांमुळे डोळ्यांखाली काळे डाग येतात आणि त्वचा पूर्णपणे निस्तेज होते.

त्वचा पुन्हा मऊ आणि हायड्रेट करण्यासाठी उपचारांबरोबरच हे डाग कशामुळे येतात ते जाणून घेणेही तितकेच आवश्यक आहे, असे सांगितले जाते. त्वचेची रचना, आनुवंशिकता आणि जीवनशैलीत सतत होणारे बदल यांच्या परिणामामुळे डोळ्यांभोवतीची त्वचा काळी पडते.

रात्री उशिरापर्यंत जागे राहणे, पुरेशी झोप न होणे आणि सतत मानसिक तणाव यांमुळे डोळ्यांभोवती काळे डाग येतात. सुरुवातीच्या दिवसांत हे डाग अगदी सौम्य दिसतात. पण कालांतराने डोळे जास्त काळे दिसू लागतात आणि त्वचा निस्तेज होते.

शरीरात झोपेची कमतरता निर्माण झाली की चेहऱ्यावरील त्वचा फिकट होते. त्यामुळे डोळ्यांखालील रक्तवाहिन्या अधिक स्पष्ट दिसतात. डोळ्यांना सूज येत असेल किंवा काळी वर्तुळे जास्त गडद दिसत असतील, तर झोपेच्या सवयींमध्ये बदल करणे आवश्यक आहे. नियमितपणे साधारण ७ ते ८ तास झोप घेणे आवश्यक असल्याचे सांगितले जाते.

काही जणांच्या डोळ्यांखाली लहानपणापासूनच काळे डाग असतात. आनुवंशिकता, त्वचेतील रंगद्रव्याचे प्रमाण आणि डोळ्यांखालील त्वचेची नैसर्गिक रचना यामुळे ही त्वचा काळी पडू शकते.

डोळ्यांखालील रक्तवाहिन्या शरीरावरील इतर त्वचेपेक्षा खूपच पातळ असतात. त्वचेतील कोलेजन कमी झाले आणि डोळ्यांखालील भागात चरबीचे प्रमाण वाढले की या रक्तवाहिन्या स्पष्ट दिसू लागतात.

म्हणजेच डोळ्यांभोवतीचे काळे डाग फक्त झोपेच्या कमतरतेमुळे येतात असे नाही, तर शरीरात होणाऱ्या बदलांमुळेही ते येऊ शकतात.

हा मजकूर केवळ सामान्य माहितीसाठी असून त्यात कोणत्याही उपचाराचा दावा केलेला नाही. कोणताही उपाय करण्यापूर्वी आपल्या डॉक्टरांचा सल्ला घ्यावा, असे त्यात नमूद आहे.