ट्रान्सरेल लाइटिंगला ५७४ कोटी रुपयांपेक्षा जास्त किमतीच्या नवीन ऑर्डर्स; चालू वर्षातील ऑर्डर प्राप्ती १,६०९

ट्रान्समिशन अँड डिस्ट्रिब्युशन (टीअँडडी) क्षेत्रातील आघाडीची ईपीसी कंपनी ट्रान्सरेल लाइटिंग लिमिटेडला ५७४ कोटी रुपयांपेक्षा जास्त किमतीच्या नवीन ऑर्डर्स मिळाल्या आहेत. कंपनीने ही माहिती दिली आहे. या ऑर्डर्स प्रामुख्याने कंपनीच्या मुख्य देशांतर्गत ट्रान्समिशन आणि डिस्ट्रिब्युशन व्यवसायातील आहेत.

या ऑर्डर्समध्ये ट्रान्समिशन लाइन्सच्या रीकंडक्टरिंग कामांचा मोठा वाटा आहे. ही कामे सिल्वासा येथील प्लांटमध्ये तयार होणाऱ्या अत्याधुनिक कार्बन कोर एचटीएलएस कंडक्टरच्या साहाय्याने केली जाणार आहेत.

मिळालेल्या कामांमध्ये ट्रान्समिशन लाइन्सचे ईपीसी तसेच कंपनीच्या कारखान्यांमधून एचटीएलएस कंडक्टरच्या पुरवठ्यासह ट्रान्समिशन लाइन रीकंडक्टरिंग प्रकल्प यांचा समावेश आहे. त्याशिवाय पोल्स आणि इतर साहित्याचा पुरवठाही यात येतो. भारतातील अत्यंत मोठ्या खाजगी क्षेत्रातील विकासकाकडून ट्रान्समिशन लाइनच्या बांधकामासाठी एक ईपीसी करारही कंपनीला मिळाला आहे.

कंपनीच्या म्हणण्यानुसार, या नवीन ऑर्डर्स एचटीएलएस कंडक्टर उत्पादन आणि स्ट्रिंगिंगमधील कंपनीची क्षमता किती महत्त्वाची आहे, हे पुन्हा सिद्ध करतात. कंडक्टर उत्पादन क्षमतेत नुकतीच केलेली ७० टक्के वाढही यातून महत्त्वाची ठरते, असे कंपनी सांगते.

या नवीन ऑर्डर्समुळे चालू वर्षातील कंपनीची एकूण ऑर्डर प्राप्ती १,६०९ कोटी रुपयांवर पोहोचली आहे. याशिवाय कंपनी अतिरिक्त ६९४ कोटी रुपयांच्या ऑर्डर्समध्ये एल१ ठरली आहे.

देशांतर्गत आणि आंतरराष्ट्रीय बाजारपेठांमध्ये कंपनीकडे सशक्त बिडिंग पाइपलाइन आहे आणि तिचा लाभ कंपनी घेत आहे. प्रबळ ऑर्डर बुक, सक्षम बिडिंग पाइपलाइन आणि वाढलेली उत्पादन क्षमता यामुळे कंपनीच्या दीर्घकालीन वाढीचा दृष्टिकोन अधिक दृढ होतो, असे कंपनीचे म्हणणे आहे.

वाढत्या ऑर्डर बुकच्या गरजा पूर्ण करण्यासाठी कंपनीने आधीच आपली टॉवर उत्पादन क्षमता दुप्पट करून १,७२,४०० एमटीपीए केली आहे. तसेच कंडक्टर उत्पादन क्षमता ७० टक्क्यांनी वाढवून ४०,८०० केएमपीए करण्यात आली आहे.

कंपनीचे एमडी आणि सीईओ रणदीप नारंग यांनी या ऑर्डर्सबद्दल बोलताना म्हटले, "नुकतेच मिळालेल्या या ऑर्डर्स टीअँडडी क्षेत्रातील आमच्या अभियांत्रिकी, उत्पादन आणि प्रकल्प अंमलबजावणीच्या क्षमतेवर आमच्या अग्रगण्य ग्राहकांचा असलेला सातत्यपूर्ण विश्वास दर्शवतात. आम्हाला मिळालेल्या एचटीएलएस रीकंडक्टरिंग कामांमुळे मला खूप आनंद झाला आहे, कारण यामधून आमची बांधकाम उत्कृष्टतता, तसेच आमच्या प्रगत प्रॉडक्ट रेंजचेही सामर्थ्य दिसून येते. प्रबळ ऑर्डर बुक आणि सक्षम बिडिंग पाइपलाइन, तसेच टॉवर्स आणि कंडक्टर्समधील वाढलेल्या उत्पादन क्षमतेसह आम्हाला ट्रान्सरेलसाठी शाश्वत वाढीच्या महत्त्वपूर्ण संधी स्पष्टपणे दिसत आहेत."