अमेझॉन ग्रेट इंडियन फेस्टिव्हल 2026 ची विक्रमी सुरुवात, पहिल्या दिवशी सर्वाधिक खरेदी

अमेझॉन ग्रेट इंडियन फेस्टिव्हल 2026 ची सुरुवात या शॉपिंग फेस्टिव्हलच्या इतिहासातील आतापर्यंतची सर्वात मोठी सुरुवात ठरली आहे, असे अमेझॉनने आज जाहीर केले. Amazon.in वर ग्राहक अभूतपूर्व प्रमाणात खरेदी करत असून, गेल्या वर्षीच्या तुलनेत यंदा ग्राहकांनी 100 टक्क्यांहून अधिक उत्पादने ऑर्डर केली आहेत. फेस्टिव्हलचा पहिला दिवस आजवरचा सर्वाधिक खरेदीचा दिवस ठरला.

देशातील प्रत्येक पिनकोडवरून ऑर्डर आल्या. स्मार्टफोन, कन्झ्युमर इलेक्ट्रॉनिक्स, फॅशन, सौंदर्यप्रसाधने, गृहोपयोगी वस्तू, किचन उत्पादने आणि दैनंदिन गरजेच्या वस्तूंसह अनेक श्रेणींमध्ये ग्राहकांनी खरेदी केली. विक्रेते आणि ब्रँड्सनी उपलब्ध करून दिलेल्या लाखो उत्पादनांवर वर्षातील सर्वात कमी किमतींचा लाभ ग्राहकांना मिळत आहे.

प्रत्येक दोनपैकी एका ग्राहकाने ईएमआयच्या माध्यमातून खरेदी केली, तर खरेदी झालेल्या प्रत्येक तीनपैकी एका उत्पादनावर कॅशबॅक मिळाला. प्राइम सदस्यांनी गेल्या वर्षाच्या तुलनेत 100 टक्क्यांहून अधिक बचत केली आहे. त्यांना केवळ प्राइम सदस्यांसाठीच्या विशेष ऑफर्सचाही लाभ मिळत आहे.

ग्राहकांनी दिवसाची सुरुवात करताच लाखो ऑफर्समधील उत्पादने ऑर्डर केली आणि त्यापैकी लाखो ऑर्डर्स अवघ्या काही तासांत ग्राहकांपर्यंत पोहोचवण्यात आल्या. अमेझॉन नाऊ सेवा असलेल्या 120 हून अधिक शहरांमध्ये प्रत्येक दोनपैकी एक उत्पादन अवघ्या काही मिनिटांत ग्राहकांना मिळाले.

अमेझॉन इंडियाचे उपाध्यक्ष सौरभ श्रीवास्तव म्हणाले, "अमेझॉन ग्रेट इंडियन फेस्टिव्हल 2026 मधील सुरुवातीच्या ट्रेंडने आमच्या सर्वात आशावादी अपेक्षांनाही मागे टाकले आहे. मध्यरात्रीपासून सर्व ग्राहकांसाठी फेस्टिव्हल सुरू केल्यानंतर ग्राहकांचा सहभाग, ऑर्डर्सचे प्रमाण आणि डिलिव्हरीचा वेग या सर्व बाबतींत नवे विक्रम प्रस्थापित झाले आहेत. ऑर्डर केलेल्या उत्पादनांच्या संख्येत तब्बल 100 टक्के वाढ झाल्याचे पाहायला मिळाले आहे." त्यांनी पुढे म्हटले की, महानगरांपासून छोट्या शहरांपर्यंत ग्राहक सर्वोत्तम ऑफर्स, उत्पादनांची सर्वाधिक विविधता आणि जलद डिलिव्हरीसाठी Amazon.in ला पसंती देत आहेत. सणासुदीचा हंगाम नुकताच सुरू झाला असून, प्रत्येक ग्राहकाला सर्वोत्तम खरेदीचा अनुभव देण्यासाठी कंपनी कटिबद्ध आहे.

स्मार्टफोन आणि इलेक्ट्रॉनिक्समध्ये ग्राहकांनी अपग्रेडला पसंती दिली. प्रीमियम अँड्रॉइड स्मार्टफोनच्या विक्रीत गेल्या वर्षाच्या तुलनेत 70 टक्क्यांची वाढ झाली. एप्पल आयफोन 16, सैमसंग गॅलेक्सी एस 25 अल्ट्रा, वनप्लस नॉर्ड 6, शाओमी 17 आणि आयक्यूओओ 15आर हे प्रमुख स्मार्टफोन पसंतीला उतरले. लॅपटॉपमध्ये मॅकबुक निओची विक्री नियमित दिवसाच्या तुलनेत 65 पट झाली, तर प्रीमियम वेअरेबल्सची विक्री 80 पट वाढली.

होम एंटरटेनमेंट उत्पादनांची विक्री नियमित दिवसाच्या तुलनेत 77 पट वाढली. विकल्या गेलेल्या एकूण टीव्हींपैकी 55 इंच आणि त्याहून मोठ्या स्क्रीनच्या टीव्हींचा वाटा 65 टक्के राहिला. मोठ्या गृहोपयोगी उपकरणांची विक्री 50 पट वाढली. 9 किलो आणि त्याहून अधिक क्षमतेच्या प्रीमियम फ्रंट-लोड वॉशिंग मशीनची विक्री 80 पट झाली, तर रेफ्रिजरेटरची विक्री 60 पट वाढली.

फॅशनमध्ये नियमित दिवसाच्या तुलनेत विक्री 7 पट वाढली. दर सेकंदाला सात जोड्या शूजची विक्री झाली. दर तासाला 1500 हून अधिक जीन्सच्या जोड्या विकल्या गेल्या, तर दर मिनिटाला 100 हून अधिक कुर्त्यांची विक्री झाली. महिलांच्या एथनिक वेअरची विक्री 4 पट वाढली.

ब्युटी श्रेणीतील उत्पादने पहिल्या 12 तासांत खरेदी झालेल्या प्रत्येक चार उत्पादनांपैकी एक होती. प्रीमियम स्किनकेअर आणि हेअरकेअर उत्पादनांची दर मिनिटाला 150 हून अधिक युनिट्स विकली गेली. साबण आणि शॉवर जेलची विक्री नेहमीच्या दिवसाच्या तुलनेत 19 पट वाढली असून, दर मिनिटाला 800 हून अधिक उत्पादने विकली गेली. किचनमध्ये एअर फ्रायर आणि एअर प्युरिफायरची विक्री 30 पट, ज्यूसरची 23 पट आणि एस्प्रेसो मशीनची 16 पट वाढली.