पाठीवर बाळ बांधून पेट्रोल पंपावर ड्यूटी करणाऱ्या आईच्या जिद्दीला नेटकऱ्यांचा सलाम

सोशल मीडियावर सध्या एका महिलेचा व्हिडिओ खूप जास्त व्हायरल होत आहे. या व्हिडिओत ही महिला पेट्रोल पंपावर आपली ड्यूटी करताना दिसते. यातील खास गोष्ट म्हणजे तिने आपल्या बाळाला पाठीवर बांधलेले आहे आणि त्याच अवस्थेत ती आपले काम करत आहे. हा व्हिडिओ लडाखमधील असल्याचे सांगितले जात आहे.

व्हिडिओत दिसते की, महिलेने बाळाला ओढणीच्या मदतीने आपल्या पाठीवर बांधले आहे. कोणतीही तक्रार न करता ती आपली ड्यूटी निभावत राहते. कडाक्याच्या थंडीतही ती पूर्ण निष्ठेने आपले काम आणि मुलाला सांभाळण्याची जबाबदारी, या दोन्ही गोष्टी निभावत होती.

पेट्रोल पंपावर गाडीत पेट्रोल भरण्यासाठी आलेल्या एका व्यक्तीच्या नजरेला हे दृश्य पडले. महिलेची निष्ठा पाहून ती व्यक्ती भारावून गेली. त्यांनी महिलेच्या संघर्षाचा हा व्हिडिओ लगेच आपल्या फोनच्या कॅमेऱ्यात कैद केला आणि सोशल मीडियावर शेअर केला. हा व्हिडिओ @priyankasmiles नावाच्या इंस्टाग्राम अकाउंटवरून शेअर करण्यात आला आहे.

व्हिडिओत बाळ आईच्या पाठीवर शांतपणे झोपलेले दिसते. त्याच्या चेहऱ्यावर सुरक्षित आणि शांत भाव आहेत. आईच्या पाठीवर निवांत बसून ते इकडेतिकडे पाहत असते. हे हृदयस्पर्शी दृश्य पाहून अनेक यूजर्स भावूक झाले असून नेटकऱ्यांनी महिलेच्या धैर्याला सलाम केला आहे.

व्हिडिओवर अनेक यूजर्सनी कमेंट्स करून आपल्या प्रतिक्रिया व्यक्त केल्या आहेत. एका यूजरने म्हटले, "थोडी सहानभूती ठेवून, व्हिडिओ शूट नव्हता करायला पाहिजे". दुसऱ्या यूजरने लिहिले, "म्हणून म्हणतात की, खरी योद्धा ही आई असते". आणखी एका यूजरने लिहिले, "माझ्याकडे कोणतेही शब्द नाहीत, पण सलाम आहे तिला".

आईला मायेचे प्रतीक मानले जाते. जगातील सर्व अडचणींवर मात करून ती आपल्या मुलाचे संरक्षण करते. निस्वार्थी प्रेमही आईच करत असते. प्रत्येक आईच्या पाठीवर तिच्या घराची आणि मुलाची जबाबदारी असते, आणि त्याचे जिवंत उदाहरण या व्हिडिओतून पाहायला मिळाले, अशी भावना अनेकांनी व्यक्त केली आहे.

घरची जबाबदारी आणि कामाची ड्यूटी, या दोन्ही गोष्टी एकाच वेळी सांभाळणाऱ्या या महिलेचा व्हिडिओ पाहून नेटकरी भावूक झाले आहेत. पेट्रोल पंपावर ड्यूटी करणारी ही महिला आणि तिच्या पाठीवर बांधलेले बाळ, हे दृश्य लोकांच्या मनाला भिडले आहे.