प्राणीसंग्रहालयातून नववधू प्रियकरासोबत पळाली, पती गाडी पार्क करायला गेला आणि पोलीस स्टेशनला तक्रार दिली

मध्य प्रदेशातील ग्वाल्हेर येथे एका नववधूने पतीला चकवा देऊन प्रियकरासोबत पळ काढल्याचा व्हिडिओ सोशल मीडियावर चांगलाच व्हायरल होत आहे. नवविवाहित जोडपे प्राणीसंग्रहालय पाहायला आले होते आणि तिथेच हा प्रकार घडला. या घटनेमुळे पतीला मोठा धक्का बसला आहे.

सोशल मीडियावर रोज अनोख्या, हास्यास्पद आणि धक्कादायक घटना व्हायरल होत असतात. इंटरनेटवर सक्रिय असलेल्यांनी असे व्हायरल व्हिडिओ कधी ना कधी नक्कीच पाहिले असतील. त्यातलीच ही एक घटना आहे, जी काही सेकंदांत घडली.

मिळालेल्या माहितीनुसार, नववधू पतीसोबतच प्राणीसंग्रहालयात आली होती. मात्र तिथून परत जाताना ती प्रियकरासोबत निघून गेली. पती गाडी पार्क करायला जात आहे हे पाहून तिने संधी साधली आणि अवघ्या काही सेकंदांत प्रियकराच्या गाडीवर बसून ती तिथून निघाली. व्हिडिओमध्ये हा संपूर्ण घटनाक्रम स्पष्ट दिसतो. प्रियकर दुचाकी इतक्या वेगाने चालवतो की काही सेकंदांतच ती नजरेआड होते.

पती स्कूटर पार्क करायला गेला होता, त्यामुळे पत्नी निघून गेल्याचे त्याला कळलेच नाही. ती अचानक दिसेनाशी झाल्यावर आपली पत्नी हरवली आहे, असा त्याचा गैरसमज झाला आणि तो पोलीस स्टेशनला गेला. तिथे त्याने पत्नी हरवल्याची तक्रार नोंदवली. मात्र खरे प्रकरण पुढे जाऊन उलगडले.

हे जोडपे मध्य प्रदेशातील शिवपुरीचे रहिवासी असल्याचे समोर येत आहे. पत्नीचा शोध घेण्यासाठी, तसेच लग्नानंतर लगेचच हे का आणि कसे घडले हे निश्चित करण्यासाठी पोलिसांनी सीसीटीव्ही फुटेज आणि मोबाइल लोकेशन डेटा तपासायला सुरुवात केली. या तपासात उघड झाले की, नववधू हरवलेली नाही, तर ती प्रियकरासोबत पळून गेली आहे.

हा व्हिडिओ @unscripted.india_ नावाच्या इन्स्टाग्राम अकाउंटवरून शेअर करण्यात आला असून तो सध्या सोशल मीडियावर ट्रेंड करत आहे. अनेक यूजर्सनी कमेंट्स करून या अजब प्रकारावर आपल्या प्रतिक्रिया दिल्या आहेत. एका यूजरने म्हटले, "देशात खूप तेजस्वी लोकं आहेत". दुसऱ्या यूजरने लिहिले, "व्वा, ही तर लेटेस्ट न्यूज आहे". आणखी एका यूजरने लिहिले, "घरातल्यांनी जबरदस्तीने लग्न लावलं की असंच घडतं".