भुवया पातळ झाल्या असतील तर महागड्या प्रोडक्ट्सऐवजी घरगुती उपाय करा, डॉक्टरांचा सल्ला घ्या

चेहऱ्याचे सौंदर्य वाढवण्यात आणि डोळे आकर्षक दिसण्यात भुवयांची भूमिका खूप महत्त्वाची असते. चेहरा परिपूर्ण दिसावा, यासाठी आयब्रो दाट आणि सुंदर असणे फार गरजेचे आहे.

पण अनेकदा आयब्रो चुकीच्या पद्धतीने केल्या जातात आणि त्यामुळे त्यांचा शेप पूर्णपणे बिघडून जातो. थ्रेडिंग चुकीच्या पद्धतीने झाले, तर आयब्रो खूपच पातळ होतात. लेझरने आयब्रो करतानाही असेच होऊ शकते आणि केस पातळ होत जातात. काही जणांच्या भुवयांवरचे केस मुळातच खूप पातळ असतात, तर काहींच्या भुवयांवरचे केस अतिशय दाट असतात.

भुवयांचे केस पातळ झाले की त्या पुन्हा सुंदर दिसाव्यात म्हणून बाजारात मिळणारे महागडे आयब्रो सीरम किंवा वेगवेगळी रासायनिक उत्पादने वापरली जातात. मात्र या सीरमचा किंवा रासायनिक उत्पादनांचा परिणाम फक्त काही काळापुरताच दिसतो. शिवाय बाजारातल्या केमिकल्समुळे आयब्रोच्या केसांचे नुकसान होण्याची शक्यता जास्त असते. म्हणूनच महागडी प्रोडक्ट्स घेण्यापेक्षा स्वयंपाकघरात उपलब्ध असलेल्या पदार्थांचा वापर करावा, असे यात म्हटले आहे.

आयब्रो काही वेळापुरत्या दाट दिसाव्यात किंवा नीट सेट व्हाव्यात, यासाठी बाजारातले हेअर जेल किंवा वॅक्स वापरले जाते. पण त्यामुळे कधी कधी त्वचेवर वाईट परिणाम होण्याची शक्यता जास्त असते. त्वचेवर जळजळ होऊ शकते किंवा ॲलर्जी येऊ शकते आणि भुवयांचे केस कडक होऊन सहज तुटू शकतात. जेल सुकले की भुवयांवरचे केस खूपच कडक होतात. त्यामुळे नेहमी नैसर्गिक उपाय करणे फायदेशीर ठरेल.

भुवयांची वाढ सुधारण्यासाठी आणि नवीन केस वेगाने उगवण्यासाठी मिनोक्सिडिल वापरले जाते. पण मिनोक्सिडिल वापरताना डॉक्टरांचा योग्य सल्ला घेणे फार आवश्यक आहे.

मिनोक्सिडिल डोक्याच्या केसांप्रमाणेच शरीराच्या इतर भागांतल्या केसांची वाढ करायलाही मदत करते. हे औषध थेट केसांच्या मुळांवर लावले जाते. त्यामुळे रक्तवाहिन्या मोकळ्या होतात आणि हेअर फॉलिकल्समध्ये रक्ताचा पुरवठा सुरळीत व्हायला मदत होते. केसांच्या मुळांना गरजेची ताकद मिळते आणि नवीन केस झपाट्याने वाढायला लागतात.

केसांच्या वाढीसाठी मिनोक्सिडिलचे लिक्विड स्वरूप वापरले जाते. मस्करा ब्रशच्या मदतीने थोडेसे मिनोक्सिडिल घ्यावे आणि भुवयांवरच्या केसांना लावावे. याशिवाय विरळ आयब्रो शेपमध्ये आणायच्या असतील आणि नीटनेटक्या सेट करायच्या असतील, तर जेल किंवा वॅक्सऐवजी पेट्रोलियम जेली वापरता येते. त्यामुळे भुवयांचे कोणतेही नुकसान होणार नाही.

ही माहिती फक्त सामान्य माहितीसाठी आहे. यात कोणत्याही उपचाराचा दावा केलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.