नवरात्रीतील गरबा लूकचे फोटो गूगल जेमिनीवर तयार करता येतात, प्रॉम्प्टही उपलब्ध

सध्या सर्वत्र नवरात्रीचा उत्साह दिसत आहे. सोशल मीडियावरही अनेकजण गरबा लूकमधील आपले फोटो शेअर करत आहेत. गरबा खेळायला किंवा फोटोशूट करायला वेळ मिळत नाही, पण तुम्हालाही असे फोटो सोशल मीडियावर टाकायचे आहेत का? मग गूगल जेमिनीची मदत घ्यावी लागणार आहे.

यासाठी करायचे इतकेच की गूगल जेमिनी वेबसाईट उघडा, तिथे तुमचा फोटो अपलोड करा आणि खाली दिलेला प्रॉम्प्ट पेस्ट करा. त्यानंतर क्षणातच तुमचे गरबा लूकमधील फोटो तयार होतील.

आता यासाठीचे प्रॉम्प्ट पाहू. पहिल्या प्रॉम्प्टमध्ये दोन ते तीन वर्षांच्या भारतीय मुलीचा फोटो मागितला आहे. तिने जेन-झी स्टाइलचा गरबा चनिया चोली घातलेली असून त्यावर रंगीत पॉम-पॉम आणि बारीक मिरर वर्क आहे. केस लांब आणि रेशमी असून त्यांचा रंग बर्गंडीकडून काळ्याकडे जाणारा आहे. केसांत रंगीबेरंगी अॅक्सेसरीज, संपूर्ण ऑक्सिडाइज्ड सिल्व्हर दागिने, चेहऱ्यावर तेज आणि गालावर खळी असलेले गोड हसू, मागे नवरात्रीतील गरबाचा देखावा, नाचण्याची सुंदर पोज, सिनेमॅटिक रिम लायटिंग, फोटोरिअलिस्टिक 8K, फुल-लेंग्थ आणि व्हर्टिकल 9:16 असे तपशील त्यात दिले आहेत.

दुसऱ्या प्रॉम्प्टमध्ये मजेंटा आणि नेव्ही ब्लू रंगाचा, सोनेरी व बहुरंगी धाग्यांचे काम आणि सिक्विन्स असलेला मिरर वर्कचा लेहेंगा चोली घातलेल्या महिलेचे वर्णन आहे. कमरेला कवड्यांचा पट्टा आणि रंगीत पॉम-पॉम, रुबी हिरवे खडे व मोती असलेला जुन्या धाटणीचा ऑक्सिडाइज्ड चोकर, झुमके, मांग टिक्का, नथ आणि चांदीच्या बांगड्या, हातात सजवलेल्या दोन दांडिया स्टिक्स, मोकळे लांब काळे केस, कॅमेऱ्याकडे बघत सौम्य हसू, अशी ती उभी असते.

तिसरा प्रॉम्प्ट व्हर्टिकल 9:16 मधील मल्टी-पॅनल कोलाजसाठी आहे. त्यात गरबा साजरा करणारी आनंदी भारतीय महिला दिसते. तिने चमकदार मिरर वर्कचा लेहेंगा चोली आणि गुलाबी दुपट्टा घेतला असून हातात दांडिया स्टिक्स आहेत. ती आनंदाने नाचत आहे, केस लांब आणि मोकळे आहेत, मागे सणासुदीच्या दिव्यांच्या माळा आणि रंगीत बोके बॅकग्राउंड आहे.

चौथ्या प्रॉम्प्टमध्ये अपलोड केलेल्या फोटोवरून गुजराती गरबा पोर्ट्रेट तयार करायला सांगितले आहे. फोटोचा वापर फक्त चेहरा, वैशिष्ट्ये आणि रंग तसाच ठेवण्यासाठी करायचा आहे. एक हात डोक्याच्या वर जाऊन केसांना लागलेला आणि दुसरा हात शरीराच्या समोरून वळून खालच्या बाजूला टेकलेला, ही मूळ पोज, हातांची जागा, कॅमेरा अँगल आणि फ्रेमिंग जशीच्या तशी ठेवायची आहे.

पाचव्या प्रॉम्प्टमध्ये रात्रीच्या वेळी पारंपरिक दांडिया रास करणाऱ्या प्रौढ गुजराती महिलेचा अल्ट्रा-रिअलिस्टिक फोटो मागितला आहे. तिने लाल आणि पिवळा चनिया चोली घातलेली असून त्यावर मिरर वर्कची एम्ब्रॉयडरी आहे. ऑक्सिडाइज्ड सिल्व्हर दागिने आणि पांढऱ्या गजऱ्याने सजवलेली लांब काळी वेणी आहे. हातात रंगीत दांडिया स्टिक्स घेऊन ती सुंदर पोजमध्ये नाचते, चेहऱ्यावर उबदार हसू आणि बोलके डोळे आहेत.