बीएसएनएलच्या 1 रुपयांच्या प्लॅनची मुदत वाढली, 9 नोव्हेंबर 2026 पर्यंत मिळणार ऑफर

भारतातील सरकारी टेलिकॉम कंपनी भारत संचार निगम लिमिटेड, म्हणजेच बीएसएनएलने आपल्या यूजर्ससाठी अलीकडेच 1 रुपयांच्या प्रीपेड प्लॅनची ऑफर आणली होती. आता या ऑफरबाबत मोठी अपडेट समोर आली आहे. कंपनीने ही ऑफर आणखी काही काळ सुरू ठेवण्याचा, म्हणजेच तिची मुदत वाढवण्याचा निर्णय घेतला आहे. ही ऑफर बऱ्याच काळापासून यूजर्ससाठी उपलब्ध आहे.

मुदतवाढीबरोबरच कंपनीने प्लॅनमध्ये काही बदलही केले आहेत. यापूर्वी 1 रुपयांच्या फ्रीडम 2.0 प्लॅनमध्ये 30 दिवसांची व्हॅलिडीटी दिली जात होती. आता मात्र या प्लॅनमध्ये 24 दिवसांची व्हॅलिडीटी मिळणार आहे.

या 1 रुपयांच्या प्लॅनमध्ये अनलिमिटेड व्हॉईस कॉलिंग, रोज 100 एसएमएस आणि रोज 1GB डेटा मिळणार आहे. प्लॅनची सर्विस व्हॅलिडिटी फक्त 24 दिवसांची आहे. कंपनीने मुदत वाढवल्यामुळे ग्राहकांना ही ऑफर आता 9 नोव्हेंबर 2026 पर्यंत घेता येईल.

ऑफरचा फायदा घ्यायचा असेल तर ग्राहकांनी आपल्या घराजवळच्या बीएसएनएल कस्टमर सर्विस सेंटरला किंवा अधिकृत रिटेलरकडे जायचे आहे. मात्र एक गोष्ट लक्षात ठेवायला हवी. ही ऑफर फक्त नवीन यूजर्ससाठी आहे. नवीन सिम कार्डसोबत या फायद्यांचा लाभ घेतल्यानंतर कंपनी त्याच यूजरला हाच प्लॅन पुन्हा देणार नाही.

दुसरी महत्त्वाची बातमी कंपनीच्या नेतृत्वाबद्दल आहे. बीएसएनएलने फक्त 1 रुपयांच्या ऑफरची मुदतच वाढवलेली नाही, तर आपले सीएमडी (चेयरमॅन अँड मॅनेजिंग डायरेक्टर) रॉबर्ट जे रवि यांचा कार्यकाळही आणखी तीन महिन्यांसाठी वाढवला आहे. रवी हे कंपनीचे अंतरिम सीएमडी आहेत आणि त्यांचा कार्यकाळ गेल्या एका वर्षापेक्षा जास्त काळापासून सतत वाढवला जात आहे. त्यांच्या नेतृत्वाखाली कंपनीने प्रभावी कामगिरी केली असून पूर्णपणे स्वदेशी तंत्रज्ञान वापरून 1 लाख 4G साइट्स यशस्वीपणे सुरू केल्या आहेत.

बीएसएनएल ही सध्या संपूर्ण टेलिकॉम इंडस्ट्रीमध्ये सर्वात स्वस्त प्रीपेड प्लॅन्स देणारी सरकारी कंपनी आहे. याच कारणामुळे कंपनीचा ARPU (प्रति वापरकर्ता सरासरी महसूल) सर्वात कमी आहे. तरीही कंपनीची वाढ सतत दिसत आहे. कंपनी आपल्या प्रीपेड पोर्टफोलिओमध्ये, विशेषतः 4G वापरकर्त्यांच्या रूपाने, सतत नवीन वापरकर्त्यांची भर घालत आहे. त्यामुळे कंपनीच्या एकूण महसुलात वाढ होण्यास मदत होईल.