एकट्याने परदेशात फिरायचंय? मलेशिया, थायलंड आणि व्हिएतनाम हे आशियातील तीन देश सोलो ट्रिपसाठी चांगले पर्याय

तुम्हाला फिरण्याची आवड आहे आणि यावेळी कुणाला सोबत न घेता एकट्याने प्रवासाला निघायचा विचार असेल, तर ही बातमी तुमच्या कामाची आहे. सोलो ट्रिप म्हटलं की सुरक्षिततेचा मुद्दा आधी समोर येतोच. म्हणूनच आशियातील अशा तीन देशांची माहिती इथे दिली आहे, जिथे तुम्ही तुमची इंटरनॅशनल ट्रिप प्लॅन करू शकता.

सोलो ट्रिपचा फायदा असा की तुम्हाला हवं तिथे, हवं तेव्हा जाता येतं, हवं तिथे राहता येतं आणि आवडेल ते खाता येतं. म्हणजे प्रवासातले सगळे निर्णय तुमचे स्वतःचे असतात. आता परदेशवारीसाठी कोणती ठिकाणं योग्य ठरतील ते बघूया.

पहिला देश आहे मलेशिया. सोलो ट्रिपसाठी हा एक चांगला ऑप्शन ठरू शकतो. तुम्हाला फिरणं, फूड आणि शॉपिंगची आवड असेल तर हे ठिकाण तुमच्यासाठी सर्वोत्तम ठरेल. इथे तुम्ही Kuala Lumpur सारख्या ठिकाणांना भेट देऊ शकता. शिवाय मलेशियात पब्लिक ट्रान्सपोर्टचा वापर करून तुम्ही तुमचा खर्च काहीसा कमी करू शकता. Kuala Lumpur मध्ये सुंदर दृश्यांसोबत लोकल फूडचाही आनंद घेता येतो.

दुसरा पर्याय आहे थायलंड. इंटरनॅशनल ट्रिपसाठी थायलंडही चांगला पर्याय ठरू शकतो. तुम्हाला शॉपिंग, स्ट्रीट फूड आणि फिरण्याची आवड असेल आणि सुट्टी समुद्रकिनाऱ्यावर घालवायची असेल, तर थायलंड तुमच्यासाठी योग्य ठरेल. भारतातील अनेक पर्यटक दरवर्षी थायलंडला जात असतात.

थायलंडमध्ये तुम्ही स्थानिक बाजारपेठांमधून चांगली शॉपिंग करू शकता. मसाज सेंटरमध्ये जाऊन रिलॅक्स मसाजचा आनंद घेता येतो आणि स्ट्रीट स्टाईल फूडही चाखता येतं. येथील बँकॉक हे शहर पर्यटकांमध्ये खूप लोकप्रिय आहे.

तिसरा देश आहे व्हिएतनाम. कमी खर्चात आपली ट्रिप पूर्ण करायची असेल तर व्हिएतनाम हा चांगला पर्याय आहे. इथे समुद्रकिनारा आणि लोकल मार्केट्सपासून पर्वत आणि विविध सांस्कृतिक गोष्टींपर्यंत अनेक अनुभव घेता येतात.

व्हिएतनाममध्ये एका शहरातून दुसऱ्या शहरात प्रवास करण्यासाठी तुम्ही रेल्वे, बस अशा पब्लिक ट्रान्सपोर्टची मदत घेऊ शकता. इथे सुंदर समुद्रकिनारे आहेत, जिथे छान मोकळा वेळ घालवता येतो. तसंच इथे तुम्हाला स्थानिक जीवनाचा अनुभव घेता येईल.

व्हिएतनामची राजधानी हनोई इथे तुम्हाला प्राचीन मंदिरे, फ्रेंच वसाहतीच्या काळातील वास्तुकला, ओल्ड क्वार्टर आणि होआन कीम तलाव पाहायला मिळेल.