सेलमधून घेतलेला आयफोन खरा की बनावट? घरबसल्या अशी करा तपासणी

ॲमेझॉनवर ग्रेट इंडियन फेस्टिव्हल सेल आणि फ्लिपकार्टवर बिग बिलीयन डे सेल सुरू आहे. हे दोन्ही ई-कॉमर्स प्लॅटफॉर्म आहेत. या दोन्ही सेलमध्ये आयफोनवर मोठं डिस्काऊंट दिलं जात आहे. त्यामुळे ग्राहकांना महागडा आयफोन हजारो रुपयांची बचत करून घेण्याची संधी मिळते आहे. पण सेलमधून आयफोन घेताना काही महत्त्वाच्या गोष्टींची काळजी घेणं खूप गरजेचं आहे. नाहीतर तुमचं मोठं नुकसान होऊ शकतं.

मोबाईलचं पॅकेजिंग आणि फोनची बाहेरची डिझाईन बघून आयफोन खरा आहे की बनावट हे ओळखणं फार अवघड आहे. फोनची डिझाईन आणि मागच्या बाजूचा एप्पल लोगो पाहून आयफोन खरा की बनावट हे ठरवता येत नाही, हे नीट लक्षात ठेवा. म्हणून सेलमधून घेतलेला आयफोन खरा आहे का हे ओळखण्यासाठी इतर पद्धती वापराव्या लागतात. त्या आता सविस्तर एकेक करून पाहू.

पहिली पद्धत म्हणजे आयएमईआय नंबर तपासणं. यासाठी फोनच्या सेटिंगमध्ये जा, जनरलवर क्लिक करा आणि अबाऊट पर्याय निवडा. तिथे तुम्हाला आयएमईआय नंबर दिसेल. फोनवर *#06# डायल करूनही हा नंबर बघता येतो. त्यानंतर बॉक्सवर लिहिलेला आयएमईआय नंबर पाहा आणि तो फोनमधल्या नंबरशी जुळतो का ते बघा. दोन्ही नंबर वेगळे असतील, तर फोनची ऑथेंटिसिटी आणि सेलसंबंधित डिटेल्स तपासा.

दुसरी पद्धत ॲपलच्या वेबसाईटवरून तपासणीची आहे. फोनच्या सेटिंग्जमध्ये जनरल आणि मग अबाऊट सेक्शनमध्ये जा. तिथे तुम्हाला सिरीअल नंबर दिसेल. त्यानंतर ॲपलच्या अधिकृत चेक कव्हरेज वेबसाईटवर जाऊन तो सिरीअल नंबर एंटर करा. मग तुमच्यासमोर डिव्हाईसची सगळी माहिती येईल. ही माहिती काळजीपूर्वक तपासून घ्या.

तिसरी गोष्ट म्हणजे आयओएस आणि ॲप स्टोअर तपासणं. खऱ्या आयफोनमध्ये ॲपलची अधिकृत आयओएस ऑपरेटिंग सिस्टिम असते. फोनमध्ये ॲप स्टोअर, एप्पल अकाऊंट आणि आयओएस सॉफ्टवेअर अपडेट असे पर्याय दिसतील. गरज वाटली तर एप्पल सपोर्ट किंवा सर्विस सेंटरमधूनही तुमचा आयफोन खरा आहे की बनावट हे तपासता येईल.

चौथी गोष्ट म्हणजे बिल आणि सेलरच्या डिटेल्स. अमेज़न आणि फ्लिपकार्टवरून फोन घेताना सेलरचे डिटेल्स, प्रोडक्ट डिटेल्स आणि रिटर्न पॉलिसी तपासा. डिलीव्हरी मिळाल्यावर इनवॉइस सुरक्षित ठेवा आणि फोनचं पॅकेजिंग व सील नीट बघा. शक्य असेल तर पॅकेज उघडताना व्हिडिओ रेकॉर्ड करा. म्हणजे काही गडबड झाली तर तुमच्याकडे पुरावा राहील.