ओप्पो फाईंड एक्स 9 वर फ्लिपकार्टवर खास डील, 84,999 रुपयांचा फोन 77,995 रुपयांना

नवा कॉम्पॅक्ट फ्लॅगशिप स्मार्टफोन घ्यायचा विचार तुम्ही करत असाल, तर ओप्पो फाईंड एक्स 9 वर फ्लिपकार्ट सध्या खास डील देत आहे. या डीलमुळे हा फ्लॅगशिप फोन कमी किंमतीत घेण्याची संधी ग्राहकांना मिळणार आहे. फ्लिपकार्टवर उपलब्ध असलेल्या या डीलमुळे हजारो रुपयांची बचत करता येणार आहे. अशा ऑफर्स मर्यादित काळासाठी असतात, म्हणून ही ऑफर घ्यायची असेल तर घाई करावी लागणार आहे.

ओप्पो फाईंड एक्स 9 ची अधिकृत किंमत भारतात 84,999 रुपये आहे. फ्लिपकार्टवर मात्र हा फोन सध्या 77,995 रुपयांना उपलब्ध आहे. म्हणजेच ग्राहकांना थेट 7,004 रुपयांचे डिस्काऊंट मिळणार आहे. ही किंमत फोनच्या 12G रॅम आणि 256GB स्टोरेज व्हेरिअंटसाठी आहे. या फोनमध्ये 6.59-इंचाचा डिस्प्ले, मीडियाटेकचा डायमेन्सिटी प्रोसेसर आणि इतरही दमदार फीचर्स आहेत.

हा फक्त पहिला फायदा आहे. फ्लिपकार्ट ॲक्सिस बँक आणि फ्लिपकार्ट एसबीआय कार्ड वापरल्यास ग्राहकांना आणखी डिस्काऊंट मिळणार आहे. आयसीआयसीआय आणि ॲक्सिस बँकेचे क्रेडिट कार्ड वापरणाऱ्यांना 1500 रुपयांपर्यंत अधिक डिस्काऊंट मिळेल. ईएमआयचा पर्यायही ग्राहक निवडू शकतात. आणखी बचत करायची असेल तर ग्राहक त्यांचा जुना स्मार्टफोन एक्सचेंज करू शकतात.

आता फोनच्या फीचर्स आणि स्पेसिफिकेशन्सकडे येऊ. ओप्पो फाईंड एक्स 9 मध्ये 6.59-इंचाचा अमोलेड डिस्प्ले दिला आहे. त्याचे रेजोल्यूशन 1.5K (2760x1256) असून रिफ्रेश रेट 120Hz आहे. पीक ब्राइटनेस 3,600 निट्सचा आहे. डिस्प्लेच्या सुरक्षेसाठी कॉर्निंग गोरिला ग्लास विक्टस 2 चे प्रोटेक्शनही मिळणार आहे.

परफॉर्मंससाठी या फ्लॅगशिप फोनमध्ये मीडियाटेक डायमेन्सिटी 9500 चिपसेट बसवला आहे. बॅटरी 7,025mAh ची आहे. तिच्यासोबत 80W वायर्ड आणि 50W वायरलेस चार्जिंगचा सपोर्ट मिळतो. हा फोन 10W रिवर्स चार्जिंगलाही सपोर्ट करतो.

फोटोग्राफीसाठी बॅक पॅनलवर हॅसेलब्लॅड ट्यून्ड 50MP चा ट्रिपल कॅमेरा सेटअप आहे. त्यात ओआयएस आणि f/1.6 अपर्चरसह 50MP चा मुख्य कॅमेरा (सोनी एलवायटी-808) आहे. f/2.0 अपर्चरचा 50MP चा अल्ट्रा-वाईड कॅमेरा (सैमसंग जेएन5) आहे. तिसरी लेन्स 50MP चा पेरिस्कोप टेलीफोटो (सोनी एलवायटी-600) असून तिला 3x ऑप्टिकल झूम आणि ओआयएस सपोर्ट आहे. सेल्फी आणि व्हिडीओ कॉलिंगसाठी फोनच्या समोरच्या बाजूला 32MP चा फ्रंट कॅमेरा मिळणार आहे.