सायन हॉस्पिटलमध्ये निवासी डॉक्टरची आत्महत्या; हॉस्टेलच्या बाथरूममध्ये आढळला मृतदेह
छायाचित्रे सत्यापित केलेली नाहीत
मुंबईतील सायन हॉस्पिटलमध्ये शिवचरण आप्पा पाटील या निवासी डॉक्टरने आत्महत्या केल्याची घटना समोर आली आहे. हॉस्पिटलच्या हॉस्टेलमधील बाथरूममध्ये त्यांचा मृतदेह काल रात्री सापडला. ॲनास्थेशियाचा ओव्हरडोस घेऊन आत्महत्या केल्याचा संशय व्यक्त केला जात आहे.
शिवचरण आप्पा पाटील यांनी हॉस्टेलमधील त्यांच्या राहत्या खोलीत आत्महत्या केल्याचे सांगितले जात आहे, मात्र त्यांचा मृतदेह बाथरूममध्ये सापडला. ॲनास्थेशियाचा ओव्हरडोस घेऊन आत्महत्या केल्याची प्राथमिक माहिती सांगितली जात आहे. पोलीस घटनास्थळी दाखल झाले असून पुढील तपास सुरू आहे.
आत्महत्या केलेले निवासी डॉक्टर शिवचरण आप्पा पाटील हे सर्जरी विभागात पदव्युत्तर अभ्यासक्रमाच्या पहिल्या वर्षात शिकत होते.
निवासी डॉक्टरच्या आत्महत्येमुळे सायन हॉस्पिटलमध्ये सध्या खळबळ उडाली आहे. याआधी सुद्धा जे.जे. हॉस्पिटलच्या एका डॉक्टरने आत्महत्या केली होती. आता सायन हॉस्पिटलमधील डॉक्टरच्या आत्महत्येमुळे सायन हॉस्पिटलमध्ये खळबळ उडाली असल्याचे पाहण्यास मिळत आहे.
या आत्महत्येमुळे सायन हॉस्पिटलमध्ये आता भीतीचे वातावरण आहे. शिवचरण आप्पा पाटील यांच्या आत्महत्येमुळे निवासी डॉक्टरांमध्येही भीतीचे वातावरण निर्माण झाले असून पोलीस या घटनेचा तपास करत आहेत. हॉस्पिटलमधील निवासी डॉक्टरांची आत्महत्या होणे ही चिंतेची बाब असून ही आत्महत्या आहे की घातपात, असा अंदाज वर्तवला जात आहे. मात्र प्राथमिक माहितीनुसार ही आत्महत्याच असावी, असा अंदाज वर्तवला जात आहे.
मुंबई पोलिसांनी दिलेल्या प्राथमिक माहितीनुसार आत्महत्येचे नेमके कारण अद्याप स्पष्ट झालेले नाही आणि पोलीस या प्रकरणाचा तपास करत आहेत.
या मृत्यूप्रकरणी हॉस्पिटलचे अधिष्ठाता (डीन) डॉ. प्रमोद इंगळे यांनी सांगितले की, हॉस्पिटल प्रशासनातर्फे या घटनेची अंतर्गत चौकशी केली जाईल आणि पोलीस तपासातूनच या आत्महत्येमागील नेमके कारण काय आहे, ते स्पष्ट होईल.
थोडक्यात, सध्या समोर आलेली माहिती अशी की, सायन हॉस्पिटलमधील निवासी डॉक्टर शिवचरण आप्पा पाटील यांचा मृतदेह हॉस्टेलच्या बाथरूममध्ये काल रात्री सापडला, ॲनास्थेशियाचा ओव्हरडोस घेतल्याचा संशय आहे आणि पोलीस पुढील तपास करत आहेत. आत्महत्येचे कारण पोलीस तपासातून स्पष्ट होईल, असे डीन डॉ. प्रमोद इंगळे यांनी म्हटले आहे.
