रेनोच्या Kwid, Triber, Kiger आणि Duster वर ऑक्टोबरमध्ये 2.05 लाखांपर्यंतचे फायदे

सणासुदीचा हंगाम सुरू झाल्यामुळे कार आणि दुचाकी खरेदीला जोर आला आहे. नवीन कार घ्यायचा विचार करणाऱ्यांसाठी Renault India ने ऑक्टोबर 2026 साठी खास ऑफर आणली आहे. कंपनीच्या Kwid, Triber, Kiger आणि Duster या मॉडेल्सवर वेगवेगळ्या सवलती आणि फायदे मिळत आहेत. ही ऑफर 31 ऑक्टोबर 2026 पर्यंत लागू राहील, अशी माहिती आहे.

नवरात्र, दसरा आणि दिवाळी डोळ्यासमोर ठेवून Renault ने ग्राहकांना जवळपास 2.05 लाख रुपयांपर्यंतचे फायदे देऊ केले आहेत. यात कॅश डिस्काउंट, एक्सचेंज बेनिफिट, Renault Li.V.E स्क्रॅपेज सपोर्ट, लॉयल्टी बेनिफिट आणि निवडक फायनान्स योजनांचा समावेश आहे.

कुटुंबासाठी 7 सीटर एमपीव्ही हवी असेल तर Renault Triber हा महत्त्वाचा पर्याय आहे. Triber Ph2 VIN26 Authentic व्हेरियंटवर एक्सचेंजसाठी 10 हजार रुपये, Li.V.E स्क्रॅपेज प्रोग्रामअंतर्गत 25 हजार रुपये आणि 3 वर्षे किंवा 30 हजार किमीचा AMC, असा मिळून एकूण 41 हजार रुपयांचा फायदा आहे.

Triber च्या Evolution व्हेरियंटवर 15 हजार रुपये कॅश डिस्काउंट मिळतो. शिवाय 25 हजार रुपयांपर्यंत एक्सचेंज सपोर्ट, नॉन-रेनो कार दिल्यास 15 हजार रुपयांचा एक्सचेंज बेनिफिट, 25 हजार रुपयांचा स्क्रॅपेज बोनस आणि AMC असे फायदे आहेत. Techno आणि Emotion व्हेरियंटवर कॅश, एक्सचेंज, स्क्रॅपेज आणि AMC मिळून 71 हजार रुपयांपर्यंत फायदा होऊ शकतो. MY26 Triber च्या Evolution, Techno आणि Emotion व्हेरियंटवर कॅश बेनिफिट आणि एक्सचेंज ऑफर धरून 81 हजार रुपयांपर्यंत फायदा मिळू शकतो.

बजेट कार म्हणून ओळख असलेल्या Renault Kwid वरही ग्राहकांना चांगले फायदे आहेत. Pre-NBI Kwid Authentic वर 25 हजार रुपयांची स्क्रॅपेज ऑफर आहे. Evolution आणि Techno व्हेरियंटवर कॅश, NBI प्राइस बेनिफिट आणि स्क्रॅपेज मिळून 40 हजार रुपयांपर्यंत फायदा आहे. Kwid Climber वर सर्वाधिक म्हणजे 55 हजार रुपयांपर्यंत फायदा मिळत आहे. काही ऑनलाइन आणि ऑफलाइन युनिट्सवर कॅश बेनिफिट, NBI प्राइस बेनिफिट आणि स्क्रॅपेज यांचा त्यात समावेश आहे.

Renault Kiger च्या Ph2 Authentic व्हेरियंटवर एक्सचेंज सपोर्ट, 25 हजार रुपयांचा Li.V.E स्क्रॅपेज बेनिफिट आणि AMC मिळून सुमारे 44 हजार रुपयांचा फायदा आहे. Evolution व्हेरियंटवर 49 हजार रुपयांपर्यंत सवलत मिळू शकते. Kiger च्या Evolution+, Techno आणि Emotion व्हेरियंट्सवर Energy आणि Turbo पर्यायांनुसार 84 हजार रुपयांपर्यंत फायदे मिळत आहेत.

सर्वात मोठी ऑफर कंपनीने Renault Duster वर दिली आहे. नवीन Duster वर 10 हजार रुपयांचा लाभ मिळतो. Evolution आणि Adventure व्हेरियंटवर जुनी Duster देऊन नवी Duster घेतल्यास 1 लाख रुपयांपर्यंत, तर दुसरी कार दिल्यास 60 हजार रुपयांपर्यंत एक्सचेंज फायदा होऊ शकतो. नॉन-रेनो कारच्या एक्सचेंजवर 50 हजार रुपयांपर्यंतचा लाभ आणि 3 वर्षे किंवा 30 हजार किमीचा AMC देण्यात आला आहे. Duster Techno+ आणि Iconic व्हेरियंटवर तब्बल 2.05 लाख रुपयांपर्यंतचा फायदा मिळत असल्याची माहिती आहे.

ऑफरमधले फायदे आणि अंतिम किंमत शहर, राज्य, स्थानिक कर, डीलर आणि कारच्या व्हेरियंटनुसार बदलू शकतात. त्यामुळे कार घेण्यापूर्वी जवळच्या Renault डीलरशीपकडून अंतिम किंमत आणि सध्या उपलब्ध असलेल्या ऑफरची खात्री करून घेणे गरजेचे आहे.