नागपूर: १४ वर्षांच्या मुलीशी गैरवर्तनाचा आरोप, शांतीनगर पोलिसांनी एकाला अटक केली

नागपूर : शांतीनगर पोलीस स्टेशनच्या हद्दीत एका तरुणाने पाणी पिण्याच्या निमित्ताने घरी जाऊन अल्पवयीन मुलीशी गैरवर्तन केल्याचा आरोप आहे. शांतीनगर पोलिसांनी आरोपीला अटक केली असून त्याच्यावर पोक्सो तसेच विनयभंगाचा गुन्हा दाखल केला आहे.

१४ वर्षांच्या पीडित मुलीच्या आईने दिलेल्या तक्रारीनुसार, १० ऑक्टोबर रोजी आरोपी रवि केंद्रे हा त्यांच्या घरी आला. त्या वेळी मुलगी घराखाली उभी होती.

तक्रारीत म्हटल्याप्रमाणे, रविने मुलीला चॉकलेट आणि वाढदिवसाची भेट देतो असे सांगून आमिष दाखवले आणि घरी चल म्हणून सांगितले. तो ओळखीचा असल्यामुळे मुलीला त्याच्या बोलण्यावर संशय आला नाही आणि ती त्याच्यासोबत घरी गेली.

घरी गेल्यावर त्याने मुलीकडे प्यायला पाणी मागितले. घरात घरचे कोणीही नाही याची खात्री झाल्यानंतर त्याने मुलीशी आक्षेपार्ह वर्तन केले, असा आरोप आहे.

घडलेला प्रकार मुलीने तिच्या आईला सांगितला. त्यानंतर आईने शांतीनगर पोलीस स्टेशनमध्ये जाऊन तक्रार नोंदवली. तक्रारीवरून पोलिसांनी गुन्हा दाखल करून रविला अटक केली आहे. आरोपी अटकेत असून त्याच्यावर पोक्सो आणि विनयभंगाच्या गुन्ह्याची नोंद करण्यात आली आहे.