कोल्हापुरात ऊस दर आंदोलनावर तोडगा, ३९०० रुपये एकरकमी उचल देण्याचा निर्णय

कोल्हापुरात ऊस दरावरून सुरू असलेल्या आंदोलनावर अखेर तोडगा निघाला आहे. ऊस उत्पादक शेतकऱ्यांना ३९०० रुपये एकरकमी उचल देण्याचा निर्णय झाला आहे. कारखाने संपल्यानंतर त्यावर अतिरिक्त १०० रुपये दिले जाणार आहेत.

ऊस दराचे हे आंदोलन स्वाभिमानी शेतकरी संघटना आणि इतर संघटनांचे होते. ते मिटवण्याची जबाबदारी मुख्यमंत्र्यांनी आपल्यावर सोपवली होती, असे ते म्हणाले. गोकुळबद्दल काल सविस्तर मुलाखत दिली असल्याने त्यावर पुन्हा काही बोलणार नाही, असेही त्यांनी स्पष्ट केले.

काल मुंबईहून आल्यानंतर तीन-चार तास बैठक घेतली, असे त्यांनी सांगितले. त्या बैठकीत ३९०० रुपये एकरकमी उचल आणि कारखाने संपल्यानंतर १०० रुपये देण्याचा निर्णय झाला. म्हणजेच आधी ३९०० रुपये एकरकमी मिळतील आणि कारखाने संपल्यानंतर आणखी १०० रुपये मिळतील.

पुढचा टप्पाही ठरला आहे. वर्षभरात साखर ४५०० रुपयांच्या वर विकली गेली, तर २०० रुपये दिले जातील. दर त्याहूनही पुढे गेला, तर सत्तर-तीसचा फॉर्म्युला सगळ्यांनी एकत्र बसून ठरवायचा, असेही ठरलेले आहे.

सगळ्या शेतकरी संघटनांचे, विशेषतः राजू शेट्टी यांचे आपण अतिशय आभारी आहोत, कारण त्यांनी या तोडग्याला मान्यता दिली, असे ते म्हणाले. सन्मानजनक तोडगा निघाल्याबद्दल राजू शेट्टी यांनीही सगळ्यांचे आभार मानले.

दिवाळीच्या काळात तीन-चार दिवस वाहतूक कोंडी झाली होती आणि अनेक लोक दिवाळीच्या निमित्ताने अडकून पडले होते. त्या लोकांचीही दिवाळी गोड व्हावी म्हणून सहकार्य केल्याबद्दल आपणही मनापासून त्यांचे आभार मानतो, असे ते म्हणाले.