एअरटेल पोस्टपेड ग्राहकांसाठी मोफत इंटरनॅशनल रोमिंग सुरू, 8 ऑक्टोबर 2026 पासून सेवा
भारती एअरटेलने पोस्टपेड ग्राहकांसाठी मोफत इंटरनॅशनल रोमिंग सुरू केले आहे. ही सेवा 8 ऑक्टोबर 2026 पासून उपलब्ध आहे.
छायाचित्रे सत्यापित केलेली नाहीत
परदेशात फिरायला जाणाऱ्यांसाठी भारती एअरटेलने एक नवी सेवा आणली आहे. भारतातील आघाडीच्या टेलिकॉम कंपन्यांपैकी एक असलेल्या भारती एअरटेलने अलीकडेच आपल्या ग्राहकांसाठी एक मोठी घोषणा केली आहे. कंपनीने अधिकृतपणे मोफत इंटरनॅशनल रोमिंग सुरू केल्याची माहिती सर्वांसोबत शेअर केली आहे.
ही सेवा 8 ऑक्टोबर 2026 पासून ग्राहकांसाठी सुरू करण्यात आली आहे. या इंटरनॅशनल रोमिंग प्लॅनसह ग्राहकांना दरवर्षी आंतरराष्ट्रीय प्रवासात मोफत रोमिंगचा आनंद घेता येईल. त्यामुळे त्यांचा प्रवास आणखी मजेदार आणि सुखद होऊ शकणार आहे, असे कंपनीने म्हटले आहे.
कंपनीने सुरू केलेली मोफत इंटरनॅशनल रोमिंग सुविधा ही एअरटेल पोस्टपेड प्लॅनमधील नवीनतम भर आहे. या प्लॅनमध्ये फास्ट लेन तंत्रज्ञान आहे, जे वापरकर्त्यांना उत्कृष्ट अनुभव देते. त्याशिवाय अनलिमिटेड डेटा आणि स्पॅम तसेच फसव्या लिंक्सविरुद्ध नेटवर्क-स्तरीय संरक्षणही मिळते. 'एअरटेल पोस्टपेड ॲडव्हांटेज क्लब'च्या माध्यमातून ग्राहकांना विविध प्रकारचे मनोरंजन सबस्क्रिप्शन्स आणि एक्सक्लुझिव्ह अनुभव घेता येतात. त्यात कॉमेडी शो, चित्रपट प्रीमियर आणि कॉन्सर्ट यांचा समावेश आहे.
मोफत इंटरनॅशनल रोमिंगच्या लाँचबाबत माहिती देताना भारती एअरटेलचे डायरेक्टर, मार्केट ऑपरेशन्स, अमित त्रिपाठी म्हणाले की, त्यांच्यासाठी पोस्टपेड सुविधा म्हणजे ग्राहकांना भारतीय बाजारात बेस्ट-इन-क्लास अनुभव देणे. कंपनी देशातील सर्वोत्तम नेटवर्क अनुभव देते, असेही त्यांनी सांगितले.
त्रिपाठी यांच्या म्हणण्यानुसार, कंपनीच्या पोस्टपेड ग्राहकांना 5G वरील 'फास्ट लेन' तंत्रज्ञानाचा फायदा मिळतो. स्पॅम आणि फसवणुकीपासून अखंड संरक्षणही मिळते. ग्राहकांच्या दैनंदिन जीवनात भर घालणारे मनोरंजन आणि सेवा उपलब्ध करून देऊन कंपनी त्यांना सर्वोत्तम मूल्य देते. यानंतर आता ग्राहकांसाठी मोफत इंटरनॅशनल रोमिंगची सुविधाही सुरू करण्याचा निर्णय कंपनीने घेतला आहे, असे ते म्हणाले. सेवेचा दर्जा सतत सुधारण्यासाठी आणि ग्राहकांना 'एअरटेल पोस्टपेड' निवडण्याची अधिकाधिक कारणे देण्यासाठी कंपनी कटिबद्ध आहे, असेही त्यांनी नमूद केले.
आता प्रश्न असा की ही सुविधा कुणाला आणि कशी मिळणार. इंटरनॅशनल रोमिंगची सुविधा एअरटेल पोस्टपेड निवडणाऱ्या सर्व ग्राहकांसाठी उपलब्ध आहे. ही सुविधा 8 ऑक्टोबर 2026 पासून सुरू करण्यात आली आहे. सध्याचे एअरटेल ग्राहक, मग ते जुन्या पोस्टपेड प्लॅनवर असोत किंवा प्रीपेडवर, एअरटेल ॲपवरून किंवा जवळच्या एअरटेल स्टोअरमध्ये जाऊन सहजपणे या प्लॅनमध्ये अपग्रेड करू शकतात.
जे ग्राहक एअरटेलचे नाहीत, त्यांनाही यात सहभागी होता येईल. त्यांनी एअरटेल ॲपवरून किंवा एअरटेल स्टोअरमध्ये जाऊन एअरटेल पोस्टपेड सेवेवर स्विच करण्याची विनंती करायची आहे.
