एअरटेलच्या ९९९ रुपयांच्या फॅमिली पोस्टपेड प्लॅनमध्ये आता आयक्लाउड प्लसह एप्पल टीव्ही, आर्केडचाही लाभ
भारती एअरटेलने आपल्या फॅमिली पोस्टपेड प्लॅन्समध्ये ॲपलच्या सेवांचा समावेश करत ग्राहकांना अधिक व्हॅल्यू देण्याची घोषणा केली आहे.
भारतातील आघाडीची टेलिकॉम कंपनी भारती एअरटेलने आपल्या Rs ९९९ आणि त्याहून जास्त किमतीच्या फॅमिली पोस्टपेड प्लॅन्समध्ये मोठा बदल केला आहे. या प्लॅन्समध्ये आता ॲपलच्या आयक्लाउड प्लसचा समावेश करण्यात आला असून, त्यासोबतच एप्पल टीव्ही आणि एप्पल आर्केड या दोन सेवांचाही लाभ ग्राहकांना मिळणार आहे. कंपनीने ही घोषणा करत आपले पोस्टपेड प्लॅन्स आणखी सुधारल्याचे सांगितले आहे.
नव्याने विस्तारित झालेल्या या आयक्लाउड प्लस पॅकेजमध्ये फक्त स्टोरेजपुरती सुविधा मर्यादित नाही. ग्राहकांना आता एप्पल टीव्हीवरील पुरस्कारप्राप्त ओरिजिनल सीरिज आणि मुव्हीज पाहता येतील, तसेच एप्पल आर्केडवर उपलब्ध असलेल्या शेकडो गेम्सचाही आनंद घेता येईल. ही सुविधा Rs ९९९ आणि त्यापेक्षा जास्त किमतीचे फॅमिली पोस्टपेड प्लॅन वापरणाऱ्या एअरटेल ग्राहकांसाठीच उपलब्ध असेल.
आयक्लाउड प्लसमुळे एअरटेलच्या लाखो पोस्टपेड ग्राहकांना त्यांच्या एप्पल डिव्हाइसवरील फोटो, फाइल्स, पासवर्ड्स आणि कॉन्टॅक्ट्ससारखी महत्त्वाची माहिती सुरक्षितपणे स्टोअर, सिंक आणि ॲक्सेस करता येईल. या डेटाचा बॅकअपही आपोआप घेतला जाईल, त्यामुळे नवीन डिव्हाइस सेट करणे सोपे होईल आणि ग्राहकांचे डिजिटल आयुष्य कुठूनही सहज ॲक्सेस करता येण्याजोगे राहील. एप्पल टीव्हीमुळे प्रीमियम ओरिजिनल कंटेंटचा ॲक्सेस मिळतो, तर एप्पल आर्केडवर जाहिराती किंवा इन-ॲप पर्चेस न करता गेम्सच्या पूर्ण कॅटलॉगचा अमर्याद वापर करता येतो.
Rs ९९९ च्या फॅमिली पोस्टपेड प्लॅनमध्ये तीन जणांच्या कुटुंबासाठी फास्टलेन टेक्नॉलॉजीसह अनलिमिटेड डेटा, स्पॅम प्रोटेक्शन आणि वेगवेगळ्या एंटरटेनमेंट सब्स्क्रिप्शन्सचा ॲक्सेस आधीपासूनच दिला जात होता. त्यात आता आयक्लाउड प्लस, एप्पल टीव्ही आणि एप्पल आर्केड जोडले गेल्यामुळे या एकाच प्लॅनमधून कुटुंबांना कनेक्टिव्हिटी, मनोरंजन, गेमिंग आणि क्लाउड स्टोरेज अशा सगळ्या सुविधा एकत्र मिळणार आहेत. ग्राहक एअरटेल ॲपवरून किंवा जवळच्या कोणत्याही एअरटेल स्टोअरला भेट देऊन आपला प्लॅन सहज अपग्रेड करू शकतात.
भारती एअरटेलचे मार्केट ऑप्स डायरेक्टर अमित त्रिपाठी यांनी याबाबत सांगितले की, "एअरटेलमध्ये आम्ही आमच्या ग्राहकांचे आयुष्य सोपे करण्यासोबतच आमच्या प्रपोजिशन्समधून त्यांना वेगळी आणि उपयुक्त व्हॅल्यू कशी देता येईल, याचा सतत विचार करतो. आमचे फॅमिली पोस्टपेड प्लॅन्स याच विचारसरणीवर आधारित आहेत, ज्यात संपूर्ण कुटुंबासाठी गरजेची कनेक्टिव्हिटी, मनोरंजन आणि डिजिटल एक्सपीरियन्स एकाच प्लॅनमध्ये दिले जाते. आमच्या फॅमिली पोस्टपेड प्लॅन ऑफरिंगमध्ये ॲपलचे आयक्लाउड प्लस, एप्पल टीव्ही आणि एप्पल आर्केड जोडून आम्ही ही प्रपोजिशन आणखी पुढे नेली आहे. यामुळे ग्राहकांना अधिक व्हॅल्यू मिळेल आणि एअरटेलचा अनुभव आणखी समाधानकारक होईल."
