व्हॉल्व्हो EX90 इलेक्ट्रिक एसयूव्ही भारतात दाखल, एक्स-शोरूम किंमत 1.26 कोटी रुपये

व्हॉल्व्हो कार इंडियाने आपली नवी सर्व-इलेक्ट्रिक लक्झरी फ्लॅगशिप एसयूव्ही EX90 भारतात लाँच केली आहे. या गाडीची किंमत रु. 1.26 कोटी (एक्स-शोरूम) आहे. ही ६-सीटर लक्झरी फॅमिली एसयूव्ही असून भारतीय बाजारातील व्हॉल्व्होची ही पहिलीच सॉफ्टवेअर-डिफाइंड ऑफर आहे. व्हॉल्व्होच्या नव्या SPA2 प्लॅटफॉर्मवर ती विकसित करण्यात आली आहे. स्कॅन्डिनेव्हियन मिनिमलिस्ट डिझाइन, पारंपरिक सुरक्षा मानके, उत्कृष्ट ड्रायव्हिंग रेंज आणि अत्याधुनिक तंत्रज्ञान यांचा मेळ तिच्यात घातला आहे.

बुकिंग आता सुरू आहे. ग्राहक अनुभव आणि ड्राईव्ह अनुभव नोव्हेंबर २०२६ मध्ये सुरू होतील आणि डिलिव्हरी जानेवारी २०२७ पासून सुरू करण्याचे नियोजन आहे. ३१ डिसेंबर २०२६ पूर्वी केलेल्या सर्व बुकिंगवर सुरुवातीची ऑफर लागू आहे. त्यात ११ kW चा वॉल बॉक्स चार्जर आणि ३ वर्षांचे सर्व्हिस पॅकेज मिळणार आहे. शिवाय व्हॉल्व्हो कार्सच्या डीलरशिप्सतर्फे ३ वर्षांनंतर ६५% बायबॅक ऑफर दिली जात आहे.

दिल्लीतील ९०-९० शोमध्ये बोलताना व्हॉल्व्हो कार इंडियाचे व्यवस्थापकीय संचालक ज्योती मल्होत्रा म्हणाले, "अधिक इलेक्ट्रिक, सॉफ्टवेअर-डिफाइंड भविष्याकडील व्हॉल्व्हो कार इंडियाच्या कटिबद्धतेमध्ये EX90 चे लाँचिंग हा एक महत्त्वाचा टप्पा आहे. ही फ्लॅगशिप एसयूव्ही तिच्या अतुलनीय आराम, तंत्रज्ञानासह आणि उत्कृष्ट रेंजसह गतिशीलता (मोबिलिटी) चे एक नवीन युग घेऊन येत आहे. आम्हाला वाटते की ही एक परिपूर्ण लक्झरी फॅमिली एसयूव्ही आहे जी तुम्हाला मनःशांती देते, सुरक्षेला सर्वोच्च प्राधान्य देते आणि स्वीडिश लक्झरीचा सर्वोत्तम अनुभव देते."

व्हॉल्व्होचे आजवरचे सर्वात स्मार्ट वाहन म्हणून ही गाडी तयार केली आहे. ती NVIDIA DRIVE प्लॅटफॉर्म आणि Qualcomm Snapdragon 8155 कॉकपिट तंत्रज्ञानावर चालते. गाडीत १४.५ इंचाची मध्यवर्ती टचस्क्रीन आहे. त्यात गूगल मॅप्स, यूट्यूब आणि अमेज़न प्राईम व्हिडिओ असलेली अंतर्भूत गूगल इकोसिस्टम, वायरलेस एप्पल कारप्ले आणि सतत मिळणारे ओव्हर-द-एअर (OTA) अपडेट्स मिळतात. एकाच सिंगल कोअर कॉम्प्युटरच्या मदतीने EX90 प्रति सेकंद २५४ ते २८० ट्रिलियन ऑपरेशन्सपर्यंत प्रक्रिया करू शकते.

गाडीत १०६ kWh ची हाय-व्होल्टेज लिथियम-आयन बॅटरी आणि प्रगत ट्विन-मोटर सेटअप आहे. यातून ३३५ kW (४५६ hp) पॉवर आणि ६७० Nm टॉर्क निर्माण होतो. ही गाडी अवघ्या ५.५ सेकंदात ० ते १०० किमी/तास वेग गाठते. WLTP नुसार तिची अंदाजे रेंज ६२५ किमी पर्यंत आहे, तर ICAT नुसार ७२५ किमी पर्यंतची रेंज मिळते.

प्रवासी आणि पादचाऱ्यांच्या संरक्षणासाठी या एसयूव्हीत अत्याधुनिक सेफ स्पेस तंत्रज्ञान वापरले आहे. त्यात ५ कॅमेरे, ५ रडार आणि १२ अल्ट्रासोनिक सेन्सर्ससह ३D व्ह्यू असलेला ३६०-डिग्री कॅमेरा आहे. याशिवाय पायलट असिस्ट, ॲडॅप्टिव्ह क्रूझ कंट्रोल, ऑक्यूपंट सेन्सिंग तंत्रज्ञान आणि टक्कर टाळणारी यंत्रणा (collision avoidance systems) दिली आहे.

आतील भाग स्कॅन्डिनेव्हियन कारागिरीचे उत्कृष्ट उदाहरण आहे. बॅक-लिट लाकडी सजावट, डॉन (Dawn) रंगातील व्हेंटिलेटेड नॅपपा लेदर सीट्स, ४-झोन क्लायमेट सिस्टीम आणि विशाल पॅनोरामिक इलेक्ट्रोक्रोमिक सनरुफ त्यात आहे. तिसऱ्या रांगेत सहज प्रवेश मिळावा म्हणून ६-सीटर कॅप्टन सीट कॉन्फिगरेशन आहे, तर बूट स्पेस वाढवण्यासाठी पॉवर-फोल्डिंग रियर सीट्सची सोय आहे. ऑडिओ सिस्टीम उद्योगातील सर्वोत्तमांपैकी एक असून ती १६१०W पॉवर देणाऱ्या २५-स्पीकर बोवर्स अँड विल्किन्स हाय-फिडेलिटी साऊंड सिस्टीमने सज्ज आहे. डॉल्बी ऍटमॉस आणि ॲबे रोड स्टुडिओ मोड्सही त्यात आहेत.

गाडीची लांबी ५,०३७ मिमी, रुंदी (आरशांसह) २,११३ मिमी आणि उंची १,७४४ मिमी आहे. वजन (Curb Weight) २,५०४ ते २,७१२ किलो आहे. बाय-डायरेक्शनल चार्जिंगद्वारे प्रगत ऊर्जा-सामायिकरण (energy-sharing) क्षमतांना समर्थन देण्यासाठी ती पूर्णपणे सुसज्ज आहे. डेनिम ब्लू, सँड ड्यून, मलबरी रेड, क्रिस्टल व्हाईट, ऑनिक्स ब्लॅक आणि व्हेपर ग्रे अशा ६ रंगांमध्ये ती उपलब्ध आहे.