जो रूट विक्रमाच्या उंबरठ्यावर: ८,००० वनडे रन्ससाठी हव्यात फक्त 97 रन्स

इंग्लंडचा फलंदाज जो रूट सध्या एका नव्या विक्रमाच्या उंबरठ्यावर उभा आहे. रावळपिंडी येथे ट्राय सिरिजमध्ये इंग्लंड आणि पाकिस्तान आमनेसामने येणार आहेत. या सामन्यात क्रिकेटप्रेमींसह सगळ्यांच्या नजरा रूटच्या कामगिरीकडे लागलेल्या असतील, कारण त्याच्यासमोर एक नवा रेकॉर्ड रचण्याची संधी आहे.

इंग्लंडचा क्रिकेट संघ क्रिकेटविश्वात मजबूत आणि आक्रमक खेळ करणारा संघ म्हणून ओळखला जातो. त्या संघात रूट मात्र अत्यंत संयमी आणि खेळपट्टीवर टिकून राहणारा फलंदाज म्हणून नावाजला जातो. लवकरच हा संघ पाकिस्तानविरुद्ध मैदानात उतरणार आहे आणि यावेळी रूटकडे नवा रेकॉर्ड करण्याची संधी असणार आहे.

वनडे फॉरमॅटमध्ये ८,००० रन्स पूर्ण करण्यासाठी रूटला या सिरिजमध्ये आता फक्त 97 रन्स हव्यात. पाकिस्तानविरुद्धच्या सामन्यात त्याने ही कामगिरी करून दाखवली, तर एकदिवसीय क्रिकेटच्या इतिहासात ८,००० धावांचा टप्पा ओलांडणारा तो इंग्लंडचा पहिलाच फलंदाज ठरेल. 97 रन्स करताच हा रेकॉर्ड त्याच्या नावावर होणार आहे.

एकदिवसीय क्रिकेटचा इतिहास पाहिला, तर आतापर्यंत जगभरातील ३३ फलंदाजांनी ८,००० किंवा त्याहून जास्त रन्स केल्या आहेत. पण इंग्लंडच्या एकाही फलंदाजाला आतापर्यंत हा रेकॉर्ड करणे जमलेले नाही. म्हणूनच रूटकडे ही मोठी संधी आहे आणि असे केल्यास तो हा रेकॉर्ड करणारा इंग्लंडचा पहिला फलंदाज ठरेल.

ट्राय सिरिजमध्ये इंग्लंड आणि पाकिस्तान एकमेकांसमोर भिडणार आहेत. पाकिस्तानचा संघ विजयाच्या विश्वासाने मैदानात उतरणार आहे. पाकिस्तानने आपल्या पहिल्या सामन्यात श्रीलंकेविरुद्ध ३७ धावांनी दणदणीत विजय मिळवला होता, त्यामुळे संघाचा आत्मविश्वास उंचावलेला आहे आणि ती विजयी लय कायम ठेवण्याच्या उद्देशाने तो संघ उतरत आहे. दुसऱ्या बाजूला इंग्लंडचा संघही मजबूत आत्मविश्वासासह या मालिकेत दमदार खेळ करण्यासाठी सज्ज झाला आहे.

पाकिस्तानच्या आव्हानात्मक गोलंदाजीसमोर इंग्लंडचे अनुभवी खेळाडू कशी कामगिरी करतात, हे पाहणे औत्सुक्याचे ठरेल. वनडे क्रिकेटमध्ये ८,००० धावांच्या ऐतिहासिक टप्प्यापासून रूट केवळ 97 रन्स दूर आहे आणि तो आपला बहुप्रतिक्षित विक्रम पूर्ण करतो का, याकडेही सगळ्यांचे लक्ष असेल. रूट आणि इंग्लंडचा संघ रावळपिंडी येथे पाकिस्तानविरुद्ध लढणार आहे. या सिरिजमध्ये कोण जिंकणार, हेही पाहणे महत्त्वाचे असणार आहे.