फ्लिपकार्ट सेलमध्ये 34 हजारांपासून नवी स्कूटर आणि बाईक, शोरूमपेक्षा 15 ते 20 हजारांपर्यंत बचत
फ्लिपकार्ट बिग बिलियन डेज सेलमध्ये हीरो, टीव्हीएस, बजाज आणि ओलाच्या दुचाकींवर डिस्काउंट, बँक ऑफर आणि नो-कॉस्ट ईएमआयचा पर्याय दिला जात आहे.
छायाचित्रे सत्यापित केलेली नाहीत
सणासुदीच्या दिवसांत ऑनलाईन शॉपिंग प्लॅटफॉर्मवर सध्या मोठी लगबग सुरू आहे. फ्लिपकार्ट बिग बिलियन डेज सेलमध्ये आता फक्त मोबाईल, कपडे किंवा इलेक्ट्रॉनिक्सच नाही, तर दुचाकी घेणाऱ्यांसाठीही चांगली संधी उपलब्ध झाली आहे. फ्लिपकार्टवर 34 हजार रुपयांपासून सुरू होणाऱ्या किमतीत ब्रँड न्यू स्कूटर आणि बाईक मिळत असल्याने ग्राहकांमध्ये मोठी उत्सुकता दिसत आहे.
शोरूममधून दुचाकी घेताना ग्राहकांना एक्स-शोरूम किमतीबरोबरच मोठा इन्शुरन्स, आरटीओ चार्ज आणि इतर प्रोसेसिंग फी भरावी लागते. फ्लिपकार्टच्या सेलमध्ये मात्र हीरो, टीव्हीएस, बजाज आणि ओला या मोठ्या ब्रँडच्या गाड्यांवर थेट डिस्काउंट, बँक ऑफर आणि नो-कॉस्ट ईएमआयचा पर्यायही दिला जात आहे. त्यामुळे शोरूमच्या तुलनेत ग्राहकांची थेट 15 ते 20 हजार रुपयांपर्यंत बचत होत आहे.
इलेक्ट्रिक स्कूटरचा विचार केला, तर ओला आणि टीव्हीएसच्या एन्ट्री लेव्हल इलेक्ट्रिक स्कूटर बँक ऑफर आणि एक्सचेंज बोनस लागू केल्यानंतर अवघ्या 34 ते 40 हजार रुपयांच्या रेंजमध्ये मिळत आहेत. म्हणजेच ही सुरुवातीची किंमत या ऑफर लावल्यानंतरची आहे.
कुटुंबासाठी वापरायला लोकप्रिय असलेल्या टीव्हीएस ज्युपिटरवर फ्लिपकार्ट ॲक्सिस बँक क्रेडिट कार्ड वापरल्यास 5 टक्के अमर्याद कॅशबॅक आणि खास फेस्टिव्हल डिस्काउंट मिळत आहे. भारतात सर्वाधिक विकली जाणारी बाईक म्हणजे हीरो स्प्लेंडर. ती याच प्लॅटफॉर्मवर उपलब्ध असून कमी डाऊनपेमेंट आणि आकर्षक ईएमआय पर्यायांसह घेता येत आहे.
ई-कॉमर्स वेबसाईटवरून दुचाकी कशी घ्यायची, असा प्रश्न अनेकांना पडतो. त्याची प्रक्रिया अतिशय सोपी आहे. आधी फ्लिपकार्टवरून आवडती बाईक किंवा स्कूटर बुक करून ऑनलाईन पेमेंट करायचे. ऑर्डर देताना आपल्या जवळची अधिकृत डीलरशिप निवडायची. बुकिंगनंतर संबंधित शोरूममधून ग्राहकाला कॉल येतो. तिथे जाऊन आरटीओ रजिस्ट्रेशन आणि इन्शुरन्सची कागदपत्रे जमा करायची. सर्व प्रक्रिया पूर्ण झाल्यावर शोरूममधून थेट नव्या गाडीची डिलिव्हरी घ्यायची.
या सेलमध्ये खरेदी करताना एचडीएफसी, आयसीआयसीआय किंवा ॲक्सिस बँकेच्या क्रेडिट कार्डचा वापर केल्यास अतिरिक्त 10 टक्के तात्काळ डिस्काउंट मिळतो. याशिवाय जुनी दुचाकी देऊन एक्सचेंज ऑफरचा फायदा घेण्याचीही सोय देण्यात आली आहे. त्यामुळे यंदाची दिवाळी नवीन दुचाकी घरी आणण्यासाठी ग्राहकांना चांगली संधी घेऊन आली आहे.
