अभिनेता इम्रान खानला २८ ऑक्टोबरपर्यंत भारत सोडण्याची नोटीस, मुंबई पोलिसांची कारवाई

बॉलिवूड अभिनेता इम्रान खान गेल्या काही दिवसांपासून सतत चर्चेत आहे. आता त्याच्याबद्दल एक मोठी बातमी समोर आली असून त्याच्या अडचणी वाढत असल्याचे दिसत आहे.

मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी मुंबईतील क्रांती मैदानावर काही दिवसांपूर्वी आंदोलन झाले होते. या आंदोलनात इम्रान खान सहभागी झाला होता. त्यावेळी पोलिसांनी अनेक जणांना ताब्यात घेतले होते, आणि त्यात अभिनेता इम्रान खानही सामील होता.

यानंतर मुंबई पोलिसांनी इम्रान खानला २८ ऑक्टोबरपर्यंत भारत सोडून जाण्याची नोटीस बजावली आहे. खानकडे अमेरिकेचे नागरिकत्व आहे. त्यामुळे भारतीय नागरिक नसतानाही भारतात अशा आंदोलनात सहभागी झाल्याबद्दल इमिग्रेशन कायद्यातील संबंधित कलमांखाली अभिनेत्यावर ही कारवाई करण्यात आली आहे.

या नोटीसची प्रत अभिनेत्याला मिळाली आहे. या कारवाईमुळे इम्रान खानसमोरील अडचणी आणखी वाढल्याचे दिसत आहे.