Lava Aura Curve भारतात दाखल; कर्व्ह डिस्प्ले, मागे मिनी स्क्रीन आणि किंमत 23,999 रुपये

टेक कंपनी Lava ने भारतीय बाजारात कर्व्ह डिस्प्ले असलेला आपला नवा स्मार्टफोन आणला आहे. त्याचे नाव Lava Aura Curve असे आहे. या फोनची डिझाईन अतिशय आकर्षक आहे. कंपनीने आणलेल्या या नव्या फोनचे काही स्पेसिफिकेशन्स आणि डिझाईनचे काही घटक या वर्षी सप्टेंबर महिन्यात लाँच झालेल्या Lava Virat Curve शी काही प्रमाणात मिळतेजुळते आहेत.

या फोनचे एक खास वैशिष्ट्य म्हणजे मागच्या बाजूला असलेला छोटा म्हणजे मिनी डिस्प्ले. त्यावर यूजर्सना वेळ, नोटिफिकेशन्स आणि बॅटरीसारखी माहिती तपासता येणार आहे.

आता किंमतीबद्दल. हा फोन 6 जीबी रॅम आणि 128 जीबी स्टोरेज अशा फक्त एकाच व्हेरिअंटमध्ये लाँच झाला आहे. डिव्हाईसची किंमत 23,999 रुपये ठेवण्यात आली आहे. हिम सिल्व्हर आणि अंबर ब्लू अशा दोन रंगांच्या पर्यायांत तो खरेदीसाठी उपलब्ध आहे. ग्राहकांना हा नवा स्मार्टफोन ऑफलाइन लावा स्टोअरमधून खरेदी करता येईल.

स्क्रीनकडे पाहिले तर लावा ऑरा कर्व्हमध्ये 6.67 इंचांची फुल-एचडी+ 3D कर्व अमोलेड स्क्रीन मिळणार आहे. तिचा रिफ्रेश रेट 120Hz असून पीक ब्राइटनेस 1,100 निट्स इतका आहे.

प्रोसेसरचा विचार केला तर फोनमध्ये मीडियाटेक डायमेन्सिटी 7100 SoC असून सोबत 6GB एलपीडीडीआर 5 रॅम आहे. हा फोन अँड्रॉईड 16 सह लाँच झाला आहे. त्याला दोन वर्षांपर्यंत ऑपरेटिंग सिस्टिम अपडेट आणि तीन वर्षांपर्यंत सिक्योरिटी अपग्रेड मिळणार आहेत. याशिवाय या फोनमध्ये Vayu AI फीचर्स आहेत. त्यात एआय सर्कल सर्च, एआय कॉल समरी आणि एआय वॉयस ट्रान्सलेशन यांचाही सपोर्ट मिळणार आहे.

फोटोग्राफीसाठी या फोनमध्ये 50 मेगापिक्सेलचा डुअल एआय रियर कॅमेरा सेटअप देण्यात आला आहे. त्यातील प्रायमरी कॅमेरा सोनी IMX752 सेन्सरचा आहे. सेल्फीसाठी पुढच्या बाजूला 13 मेगापिक्सेलचा फ्रंट कॅमेरा दिला आहे. मागच्या बाजूचा मिनी डिस्प्लेही या फोनमध्ये मिळणार आहे.

बॅटरीबद्दल सांगायचे तर नव्या लावा ऑरा कर्व्हमध्ये 45W वायर्ड फास्ट चार्जिंगच्या सपोर्टसह 6,000mAh ची बॅटरी आहे. कंपनीचे म्हणणे आहे की, हा फोन एकदा चार्ज केल्यावर 60 मिनिटांपर्यंत युट्यूब प्लेबॅकला सपोर्ट करतो. मजबुतीबद्दल कंपनीने असा दावा केला आहे की, हा स्मार्टफोन MIL-STD-810H सर्टिफिकेशन आणि IP64 रेटिंगसह लाँच करण्यात आला आहे.