जिओचा ४५० रुपयांचा प्रीपेड प्लॅन: २८ किंवा ३० नाही, थेट ३६ दिवसांची व्हॅलिडीटी

देशातील आघाडीची टेलिकॉम कंपनी असलेल्या जिओने आपल्या यूजर्ससाठी एक नवा प्रीपेड रिचार्ज प्लॅन ऑफर केला आहे. या प्लॅनची किंमत ४५० रुपये आहे. या प्लॅनची सर्वात मोठी खासियत म्हणजे यात २८ दिवस नाही आणि ३० दिवसही नाही, तर थेट ३६ दिवसांची व्हॅलिडीटी दिली जाणार आहे. हा प्लॅन खरेदी करणाऱ्या ग्राहकांना ही ३६ दिवसांची व्हॅलिडीटी मिळणार आहे.

ज्या यूजर्सना एका महिन्यापेक्षा जास्त व्हॅलिडीटी हवी असते, त्यांच्यासाठी हा प्लॅन फायद्याचा ठरणार आहे. या प्लॅनमध्ये यूजर्सना रोज २GB हाय-स्पीड डेटा मिळणार आहे. म्हणजेच संपूर्ण प्लॅनमध्ये यूजर्सना एकूण ७२GB डेटा मिळणार आहे. रोज मिळणारा हाय-स्पीड डेटा संपला की इंटरनेटची स्पीड कमी होऊन ६४Kbps होणार आहे.

कॉलिंगसाठी या प्लॅनमध्ये अनलिमिटेड व्हॉईस कॉलिंग आणि रोज १०० एसएमएस मिळणार आहेत. याशिवाय एलिजिबल यूजर्सना अनलिमिटेड 5G डेटा देखील मिळू शकतो.

कॉलिंग आणि डेटासोबतच जिओहॉटस्टारचे मोबाईल सब्सक्रिप्शन या प्लॅनमध्ये मोफत मिळणार आहे. त्याचबरोबर जिओटिव्ही आणि जिओएआयक्लाऊडची सुविधाही ग्राहकांना मिळणार आहे. जिओएआयक्लाऊडवर ग्राहकांना ५०GB फ्री क्लाऊड स्टोरेज मिळणार आहे. त्यात ग्राहक आपले फोटो, व्हिडिओ आणि इतर फाइल्स ऑनलाइन साठवू शकतात.

या प्लॅनमध्ये गूगल जेमिनीचे १८ महिन्यांचे प्रो सब्सक्रिप्शन मोफत मिळणार आहे. या सब्सक्रिप्शनची किंमत ३५,१०० रुपये आहे. यात ५,०००GB क्लाउड स्टोरेज आणि नॅनो बनाना सारखे एआय बेनिफिट्स देखील मिळणार आहेत.

तसेच प्लॅनसोबत १२ महिन्यांचे कॅन्व्हा प्रो लाईट सब्सक्रिप्शनही मिळणार आहे. त्याची किंमत १,५९० रुपये आहे. पात्र ग्राहकांना गूगल जेमिनी आणि कॅन्व्हाशी संबंधित अतिरिक्त लाभही मिळू शकतात.