गोंडपिपरीत भाजपातर्फे कोजागिरी स्नेहमिलन, सजावट स्पर्धेतील विजेत्यांना बक्षिसे

गोंडपिपरी तालुका आणि शहर भारतीय जनता पार्टीतर्फे ३० ऑक्टोबर रोजी गोंडपिपरी येथे कोजागिरी पौर्णिमा व स्नेहमिलन सोहळा आयोजित करण्यात आला. याच कार्यक्रमात शारदोत्सव व दुर्गोत्सव सजावट स्पर्धेतील विजेत्यांना बक्षिसेही देण्यात आली. संपूर्ण कार्यक्रम आनंदाच्या वातावरणात पार पडला.

कार्यक्रमाचे अध्यक्षस्थान राजुरा विधानसभा क्षेत्राचे आमदार देवराव भोंगळे यांनी भूषवले. प्रमुख पाहुण्यांमध्ये भाजपा तालुकाध्यक्ष दीपक सातपुते, माजी जिल्हा परिषद सदस्य अमर बोडलावार, वैष्णवी बोडलावार, नगराध्यक्षा अश्विनी तोडासे आणि माजी नगराध्यक्षा सविता कुलमेथे यांचा समावेश होता.

त्यांच्यासोबत ज्येष्ठ नेते सुहास माडुरवार, दीपक बोनगिरवार, शिवसेना नेते सुनील संकुलवार, राष्ट्रवादी काँग्रेसचे नेते नितेश मेश्राम, तसेच परीक्षक प्रा. संतोष बांदुरकर आणि किशोर भोयर हेही प्रामुख्याने हजर होते.

भाषणात आमदार भोंगळे म्हणाले की, कोजागिरी आणि स्नेहमिलनासारख्या सोहळ्यांमुळे कार्यकर्ते व नागरिक यांच्यातला जिव्हाळा आणि सामाजिक सलोखा अधिक घट्ट होतो. राजकीय व सामाजिक जीवनात काम करताना कार्यकर्त्यांचे मनोबल वाढवण्यासाठी आणि लोकांशी थेट बोलण्यासाठी असे सोहळे हक्काचे व्यासपीठ ठरतात, असे त्यांनी सांगितले.

गोंडपिपरी तालुक्यातील प्रत्येक गावात केंद्र व राज्य सरकारच्या जनकल्याणकारी योजनांतून विकासकामांना गती दिली जात आहे, असे भोंगळे यांनी सांगितले. नागरिकांच्या अडचणी सोडवण्यासाठी आपण नेहमीच कटिबद्ध आहोत, असा ठाम विश्वासही त्यांनी यावेळी व्यक्त केला.

कार्यक्रमात भाजपातर्फे शारदोत्सव व दुर्गोत्सव सजावट स्पर्धेतील विजेत्यांना बक्षिसांचे वाटप झाले. बक्षीस मिळालेल्या स्पर्धकांचा आनंद ओसंडून वाहत होता. तालुकाध्यक्ष दीपक सातपुते यांनी प्रास्ताविक केले, तर ॲड. अरुणा जांभूळकर यांनी उपस्थितांचे आभार मानले. शेरोशायरीचा वापर करत राजेश डोंगरे यांनी बहारदार सूत्रसंचालन करून कार्यक्रमात रंगत आणली.

उपस्थितांमध्ये भाजपाचे गोंडपिपरी तालुका महामंत्री निलेश संगमवार, भाजयुमो तालुकाध्यक्ष राकेश पून, राकेश साखलवार, वैभव बोनगिरवार, शिथिल लोणारे, प्रवीण धोडरे, शांताराम काळे, मनोज वनकर, भास्कर गायकवाड, अनिल झाडे, जितेश वेगीनवार, संतोष मुगलवार, अमित वेगीनवार, गणेश डहाले, कुशाब कानकाटे आणि सचिन चिंतावार यांचा समावेश होता. भाजपा महिला मोर्चा तालुकाध्यक्षा स्वाती वडपल्लीवार, नगरसेविका शारदा गरपल्लीवार, कलावती पुप्पलवार, तेजस्विनी भगत, भारती साकलवार, मनीषा मडावी, रंजना रामगिरकर, रंजना अम्मावार, अनुजा बोनगिरवार आणि शुभांगी वनकर याही हजर होत्या. त्यांच्यासह भाजपाचे पदाधिकारी, कार्यकर्ते व नागरिक मोठ्या संख्येने उपस्थित होते.