अमेझॉनच्या सणासुदीच्या सेलच्या पहिल्या आठवड्यात छोट्या विक्रेत्यांची विक्री ३.५ पट

अमेझॉन इंडियाच्या 'ग्रेट इंडियन फेस्टिव्हल' २०२६ च्या पहिल्या आठवड्यात देशभरातील लहान व्यवसायांनी दमदार विक्री नोंदवली आहे. नेहमीच्या व्यवसायाच्या तुलनेत विक्रेत्यांच्या एकूण विक्रीत ३.५ पट वाढ झाली, तर उत्पादनांची विक्री दुप्पट वेगाने झाली. नवीन विक्रेत्यांनी विकलेल्या युनिट्समध्ये २.५ पटीहून अधिक वाढ झाली. १० लाख रुपयांपेक्षा जास्त विक्री करणाऱ्या सूक्ष्म, लघू आणि मध्यम व्यवसायांची (एसएमबी) संख्या ४ पटीने वाढली.

या महोत्सवात अमेझॉनवर आतापर्यंतचा सर्वाधिक विक्रेत्यांचा सहभाग दिसला. त्यात वार्षिक सुमारे ३०% वाढ झाली आहे. सहभागी व्यवसायांपैकी ७०% पेक्षा जास्त व्यवसाय टियर-२ आणि टियर-३ शहरांतील होते. १,००० रुपयांपेक्षा कमी किमतीच्या उत्पादनांवर शून्य रेफरल शुल्क आकारण्यासारख्या उपक्रमांमधून अमेझॉन विक्री सोपी आणि परवडणारी करत असतानाच ही कामगिरी समोर आली आहे.

अमेझॉन इंडियाच्या सेलिंग पार्टनर सर्व्हिसेसचे व्हाईस प्रेसिडेंट सचिन कौशिक म्हणाले, "प्रत्येक सणासुदीच्या काळात आम्हाला नवीन ग्राहकांपर्यंत पोहोचणाऱ्या आणि उल्लेखनीय यश मिळवणाऱ्या उद्योजकांच्या प्रेरणादायी कथा पाहायला मिळतात. या वर्षी नवीन विक्रेते, महिला उद्योजक, कारागीर आणि लहान व्यवसायांच्या यशाने आम्हाला विशेष प्रोत्साहन दिले आहे. सहभागी एसएमबी पैकी ७०% पेक्षा जास्त व्यवसाय टियर-२ आणि टियर-३ शहरांतील आहेत."

कौशिक पुढे म्हणाले, "जयपूर, कोटा यांपासून ते नागौर आणि नादियापर्यंतचे उद्योजक स्थानिक बाजारांच्या पलीकडे ग्राहकांपर्यंत पोहोचणारे व्यवसाय उभे करत आहेत. अमेझॉनमध्ये आमचा असा विश्वास आहे की जेव्हा आमचे विक्रेते यशस्वी होतात, तेव्हाच आम्ही यशस्वी होतो. म्हणूनच कमी विक्री शुल्क, साधने आणि मार्गदर्शनाद्वारे विक्री सुलभ व परवडणारी करण्यावर आमचा भर आहे, ज्यामुळे सर्व आकारांच्या व्यवसायांना त्यांची पूर्ण क्षमता सिद्ध करता येईल."

नवीन विक्रेत्यांसाठी हा काळ अत्यंत फायदेशीर ठरला. १ लाख रुपयांपेक्षा जास्त विक्री करणाऱ्या नवीन विक्रेत्यांची संख्या २.४ पटीने वाढली, तर १० लाख रुपयांची विक्री पार करणाऱ्या नवीन विक्रेत्यांमध्ये ४ पटीहून अधिक वाढ झाली. पहिल्या आठवड्यात १० लाख रुपयांहून अधिकचा व्यवसाय करणाऱ्या लहान व्यवसायांची संख्या ४.६ पटीने वाढली. १ कोटी रुपयांपेक्षा जास्त विक्री करणाऱ्या विक्रेत्यांची संख्या १.५ पटीहून अधिक वाढल्याचेही दिसून आले.

महिला उद्योजक आणि पारंपरिक कारागिरांनीही नव्या बाजारांपर्यंत पोहोचत व्यवसाय वाढवला. 'अमेझॉन सहेली'शी जोडलेल्या महिला उद्योजकांनी चुरू, भोपाळ, जयपूर आणि कोटा यांसारख्या शहरांतून विक्रीत १० पट वाढ नोंदवली. 'अमेझॉन कारागीर' उपक्रमांतर्गत जोधपूर, नागौर, सहारनपूर, अजमेर आणि नादिया येथील शिल्पकारांच्या हस्तकला उत्पादनांना मोठी मागणी मिळाली आणि त्यांच्या विक्रीत १.५ पटीहून अधिक वाढ झाली.

पहिल्या आठवड्यात दागिने, शूज, ऑटोमोटीव्ह, मोठी गृहोपयोगी उपकरणे आणि वायरलेस उत्पादने या विक्रेत्यांसाठी सर्वाधिक विक्री होणाऱ्या पाच श्रेणी ठरल्या. विक्रेत्यांना सणासुदीसाठी तयार करण्यासाठी अमेझॉन इंडियाने सप्टेंबरमध्ये १५० हून अधिक शहरांमध्ये 'सेल ऑन अमेझॉन' ही मोहीम राबवली. ई-कॉमर्स इन्फ्लुएन्सर्स आणि अमेझॉन ॲड्स तज्ञांच्या मदतीने 'फेस्टिव्ह रेडीनेस सेलर अकादमी'अंतर्गत १० विशेष सत्रे झाली. त्यात एआयच्या वापरापासून जाहिरात आणि व्यवसाय वाढीपर्यंत मार्गदर्शन दिले गेले. या उपक्रमांना ४.५/५ रेटिंग मिळाले आहे.