विवोचा नवा Vivo Y32 ग्लोबल मार्केटमध्ये लाँच, 8,000mAh बॅटरी आणि 44W चार्जिंग

टेक कंपनी विवोने ग्लोबल मार्केटमध्ये आपला नवा स्मार्टफोन Vivo Y32 लाँच केला आहे. कंपनीने हा फोन गुपचूप बाजारात आणला असून तो विवोच्या Y-सीरीज लाइनअपमध्ये समाविष्ट झाला आहे. मोठी बॅटरी आणि हाय-रिफ्रेश-रेट डिस्प्ले हे या फोनचे वैशिष्ट्य आहे.

याआधी विवोने अलीकडेच त्यांचा सर्वात प्रिमियम फोल्डेबल स्मार्टफोन Vivo X Fold 6 भारतात आणला होता. त्याच्यासोबत Vivo V80 आणि Vivo S2 FE हे दोन स्मार्टफोनही भारतात लाँच झाले होते. या लाँचिंगनंतर आता कंपनीने हा नवा फोन ग्लोबल मार्केटमध्ये आणला आहे.

ज्या यूजर्सना कमी किंमतीत मोठी बॅटरी असलेला स्मार्टफोन पाहिजे आहे, अशा यूजर्ससाठी हा फोन एक चांगला पर्याय ठरणार आहे.

किंमत आणि उपलब्धता : विवो वाय 32 हा फोन 'ट्वाइलाइट रेड' आणि 'सनसेट ऑरेंज' या दोन कलर ऑप्शनमध्ये लाँच झाला आहे. कंपनीने बांग्लादेश आणि नेपाळमध्ये आपल्या अधिकृत वेबसाईटवर हा फोन लिस्ट केला आहे. मात्र या फोनची किंमत कंपनीने अद्याप जाहीर केलेली नाही.

डिस्प्ले आणि परफॉर्मन्स : या फोनमध्ये 6.87-इंच एलसीडी डिस्प्ले आहे. या डिस्प्लेला 120Hz पर्यंत रिफ्रेश रेट आणि 1,300 निट्स पर्यंत पीक ब्राइटनेस मिळणार आहे. फोनमध्ये युनिसॉक टी 7300 चिपसेट असून त्याच्यासोबत 4GB किंवा 6GB एलपीडीडीआर4एक्स रॅम आणि 128GB यूएफएस 2.2 स्टोरेज मिळणार आहे. मायक्रोएसडी कार्डच्या मदतीने हे स्टोरेज 2TB पर्यंत वाढवता येऊ शकते.

सुरक्षा आणि कनेक्टिविटी : धूळ आणि पाण्यापासून सुरक्षेसाठी या फोनला IP68 आणि IP69 रेटिंग मिळणार आहे. डिव्हाईसमध्ये अँड्रॉईड 16 मिळणार आहे. हा स्मार्टफोन 4G कनेक्टिविटीला सपोर्ट करतो.

जाडी आणि वजन : फोनच्या 'ट्विलाइट रेड' वर्जनची जाडी 8.69 मिमी आणि वजन 229 ग्रॅम आहे. तर 'सनसेट ऑरेंज' मॉडेलची जाडी 8.79 मिमी असून वजन 230 ग्रॅमपर्यंत आहे.

कॅमेरा आणि बॅटरी : फोटोग्राफीसाठी या फोनमध्ये 50-मेगापिक्सेलचा प्रायमरी रियर कॅमेरा मिळणार आहे, तसेच 2-मेगापिक्सेलचा सेकेंडरी कॅमेराही असेल. फोनच्या समोरच्या बाजूला 8-मेगापिक्सेलचा सेल्फी कॅमेरा आहे. फोनमध्ये स्टीरियो स्पीकर आणि पावर बटनमध्ये इंटीग्रेटेड साइड-माउंटेड फिंगरप्रिंट स्कॅनर मिळणार आहे. फोनमध्ये 44W वायर्ड चार्जिंग सपोर्टसह 8,000mAh बॅटरी मिळणार आहे.