एशियन गेम्स 2026 मधील पदकविजेत्यांची पंतप्रधान मोदींनी घेतली भेट; हॉकी संघांनी दिली जर्सी भेट

पंतप्रधान नरेंद्र मोदी यांनी आज राजधानी नवी दिल्लीतील मेजर ध्यानचंद नॅशनल स्टेडियमवर एशियन गेम्स 2026 स्पर्धेतील भारतीय पदकविजेत्या खेळाडूंची भेट घेतली. यावेळी त्यांनी खेळाडूंशी संवाद साधला आणि त्यांचे अभिनंदन केले.

ही स्पर्धा नुकतीच जपानमध्ये पार पडली. स्पर्धा जपानमधील 'आइची-नागोया' येथे झाली होती. या स्पर्धेत भारताच्या खेळाडूंनी शानदार कामगिरी केली आहे. या ऐतिहासिक भेटीदरम्यान खेळाडूंचा उत्साह वाढवत पंतप्रधानांनी त्यांच्या उज्ज्वल भविष्यासाठी शुभेच्छा दिल्या.

यंदाच्या एशियन गेम्समध्ये भारताने आतापर्यंतची सर्वोत्तम आणि ऐतिहासिक कामगिरी नोंदवली आहे. भारताकडून तब्बल ३०१ खेळाडूंनी या स्पर्धेत सहभाग घेतला होता. या सर्व खेळाडूंनी मिळून भारतासाठी तब्बल 85 पदके जिंकली आहेत. तसेच पॉईंट्स टेबलमध्ये भारताने टॉप 5 मध्ये आपले स्थान निश्चित केले आहे.

पदकांची आकडेवारी अशी आहे: सुवर्णपदके २१, रौप्यपदके २७ आणि कांस्यपदके ३७. म्हणजेच भारताची एकूण पदके ८५ झाली आहेत.

नवी दिल्लीतील मेजर ध्यानचंद नॅशनल स्टेडियमवर पंतप्रधान नरेंद्र मोदी यांची भेट घेतल्यानंतर भारतीय पुरुष आणि महिला हॉकी संघांनी पंतप्रधानांना विशेष जर्सी भेट दिल्याचे समजते. पंतप्रधान नरेंद्र मोदी यांनी सर्व खेळाडूंचे मनापासून अभिनंदन करत त्यांना पुढील वाटचालीसाठी शुभेच्छा दिल्या.

मोदी यांनी 15 ऑक्टोबर 2026 रोजी समाजमाध्यमावर लिहिले की, आपल्या एशियन गेम्समधील विजेत्यांनी तिरंगा उंच फडकवला आहे. त्यांच्या कामगिरीतून जिद्द, चिकाटी आणि विश्वास काय साध्य करू शकतात, हे दिसते, असे त्यांनी म्हटले आहे.

एशियन गेम्स 2026 मध्ये भारतीय खेळाडूंनी चमकदार कामगिरी करत क्रीडाविश्वात नवा इतिहास रचला आहे. या बहुप्रतिष्ठित स्पर्धेत भारतीय संघाने उत्कृष्ट खेळ करत एकूण 85 पदकांची कमाई केली असून, पदकतालिकेत भारताने चौथे स्थान पटकावले आहे. भारतीय खेळाडूंनी आपल्या अफाट कौशल्याचे प्रदर्शन करत २१ सुवर्ण, 27 रौप्य आणि 37 कांस्य पदके जिंकली आहेत.