ॲपलचा 13 ऑक्टोबरला वेलकम होम कार्यक्रम, स्मार्ट होम हब आणि होमपॉड मिनीची शक्यता

क्यूपर्टिनोतील टेक कंपनी ॲपलने आणखी एका नव्या कार्यक्रमाची घोषणा केली आहे. कंपनीने सप्टेंबर महिन्यात आपला मोठा लाँच कार्यक्रम घेतला होता. त्यानंतर आता पुढील आठवड्यात कंपनी पुन्हा एकदा मोठा कार्यक्रम आयोजित करणार आहे. या कार्यक्रमाला कंपनीने वेलकम होम असे नाव दिले आहे.

ॲपलचे सीनियर वाइस प्रेसिडेंट ऑफ वर्ल्डवाइड मार्केटिंग Greg Joswiak यांनी एक्सवर पोस्ट शेअर करून ही घोषणा केली. त्यांच्या पोस्टमध्ये "Welcome home. October 13." एवढेच म्हटले आहे. कार्यक्रमाचा एक व्हिडीओही सोशल मीडियावर शेअर करण्यात आला आहे. याशिवाय यूट्यूबर आणि टेक रिव्यूअर मार्केस ब्राउनली (@MKBHD) यांनी माध्यमांना पाठवल्या जाणाऱ्या ॲपलच्या निमंत्रण पत्रिकेचा फोटो शेअर केला आहे.

हा कार्यक्रम न्यूयॉर्कच्या ट्रायबेकामध्ये होणार आहे. भारतीय वेळेनुसार तो संध्याकाळी 6.30 वाजता सुरू होईल, तर ईस्टर्न वेळेनुसार तेव्हा सकाळचे 9 वाजलेले असतील. कंपनी आपल्या अधिकृत युट्यूब चॅनेलवरून कार्यक्रमाचे लाईव्हस्ट्रिम करण्याची शक्यता व्यक्त केली जात आहे.

कंपनी आपल्या की-नोट प्रेझेंटेशनदरम्यान स्मार्ट होम आणि मनोरंजन उपकरणांची नवी श्रेणी सादर करणार असल्याचे सांगितले जात आहे. टिझर व्हिडीओवरून असे संकेत मिळत आहेत की सध्या चर्चेत असलेली होम डिव्हाईस कंपनी या कार्यक्रमात लाँच करू शकते. कंपनीचा पहिला स्मार्ट होम हब, होमपॉड मिनी (2026) आणि एप्पल टिव्ही 4K (2026) हे लाँच होण्याची शक्यता आहे. स्मार्ट होम हब, सेकेंड-जेनरेशन होमपॉड मिनी आणि नवा एप्पल टिव्ही 4K सेट-टॉप बॉक्स यांच्याबद्दल सोशल मीडियावर गेल्या अनेक महिन्यांपासून चर्चा सुरू आहे.

स्मार्ट होम हबबद्दल आलेल्या लीक्सनुसार, त्यात 6-इंच किंवा 7-इंचाचा स्क्वेअर टचस्क्रीन डिस्प्ले असू शकतो. हा डिस्प्ले एका गोलाकार बेसला जोडलेला असण्याची शक्यता आहे. त्या बेसमध्येच इन-बिल्ट स्पीकर असण्याचीही शक्यता आहे. हे स्मार्ट होम डिव्हाईस कथितपणे सिरी एआय क्षमता आणि ॲपलच्या ए18 चिपसेटसह लाँच होऊ शकते.

एका रिपोर्टनुसार, एप्पल 27 ऑक्टोबरला आणखी एका कार्यक्रमाचे आयोजन करणार आहे. तसे झाले तर हा कंपनीचा या वर्षातील तिसरा कार्यक्रम असू शकतो. या कार्यक्रमात कंपनी M6 चिपसेटवाला नवीन मॅकबुक प्रो, M6 चिप अपग्रेडवाला नेक्स्ट-जेनरेशन आयमॅक आणि नवीन आयपॅड मिनी मॉडेल लाँच करण्याची शक्यता आहे. टचस्क्रीन असलेले मॅकबुक बाजारात मॅकबुक अल्ट्रा या नावाने लाँच केले जाऊ शकते. कंपनीने अद्याप या गॅझेट्सचे कोणतेही डिटेल्स शेअर केलेले नाहीत.