Vivo V80 स्मार्टफोन 6 ऑक्टोबरला भारतात लाँच होणार, आधीच फीचर्स आणि किंमत लीक
विवोच्या आगामी व्ही-सीरीज 5G स्मार्टफोनचे फीचर्स आणि अपेक्षित किंमत लाँचिंगपूर्वीच समोर आली आहे.
टेक कंपनी विवो त्यांच्या व्ही-सीरीजमधील आणखी एक नवीन 5G स्मार्टफोन लवकरच भारतात लाँच करण्याच्या तयारीत आहे. या आगामी स्मार्टफोनचे नाव Vivo V80 असण्याची शक्यता आहे आणि कंपनी हा फोन पुढील महिन्यात म्हणजे 6 ऑक्टोबर रोजी दुपारी 12 वाजता लाँच करणार आहे. फोनची घोषणा कंपनीच्या वेबसाईटवर आधीच करण्यात आली असून, अधिकृत लाँचिंगपूर्वीच त्याचे काही फीचर्स आणि स्पेसिफिकेशन्स समोर आले आहेत.
स्मार्टफोनच्या कॅमेऱ्याशी संबंधित एआय फीचर्सचीही माहिती लीक झाली आहे, त्यामुळे हा फोन फोटोग्राफी आणि व्हिडीओसाठी खास बनवलेला डिव्हाईस ठरू शकतो असा अंदाज व्यक्त केला जात आहे.
रिपोर्ट्सनुसार, Vivo V80 हा 8GB रॅम आणि 128GB स्टोरेज या व्हेरिअंटमध्ये येऊ शकतो, ज्याची बॉक्स एमआरपी 1,19,999 रुपये सांगितली जात आहे. मात्र प्रत्यक्ष विक्री किंमत यापेक्षा बरीच कमी असण्याची शक्यता आहे. भारतात हा स्मार्टफोन 60 हजार रुपयांहून अधिक किंमतीत लाँच होऊ शकतो असे बोलले जात आहे, तरी कंपनीने अद्याप अधिकृतपणे किंमतीची घोषणा केलेली नाही. लाँचिंगनंतर हा फोन विवोच्या वेबसाईटशिवाय अमेझॉन, फ्लिपकार्ट आणि ऑफलाईन रिटेल स्टोअर्समध्येही खरेदीसाठी उपलब्ध असेल. सनराईज अँथम, होरायझन ब्लू आणि स्टेलर ब्लॅक अशा तीन रंगांमध्ये हा फोन येणार आहे.
स्पेसिफिकेशन्सबद्दल बोलायचे झाले तर, फोनमध्ये 6.59 इंचाचा 1.5K ओएलईडी डिस्प्ले असू शकतो, ज्यात 144Hz रिफ्रेश रेट आणि 5,000 निट्सपर्यंत पीक ब्राइटनेस मिळू शकते. सॉफ्टवेअरच्या बाबतीत हा फोन अँड्रॉईड 17 वर आधारित ओरिजिनओएस 7 सोबत येऊ शकतो. डिझाईनमध्ये वन-पीस कोल्ड-कार्व्ड ग्लास आणि फ्लोटिंग कॅमेरा मॉड्यूल दिले जाऊ शकते. परफॉर्मंससाठी स्नॅपड्रॅगन 7 जेन 4 चिपसेट, एलपीडीडीआर4एक्स रॅम आणि यूएफएस 3.1 स्टोरेज मिळण्याची शक्यता आहे.
कॅमेऱ्याच्या बाबतीत Vivo V80 मध्ये 50MP ओआईएस प्रायमरी कॅमेरा, 50MP नाइट टेलीफोटो कॅमेरा आणि 50MP ग्रुप सेल्फी कॅमेरा दिला जाऊ शकतो. यासोबतच 3x ऑप्टिकल झूम आणि 100x पर्यंत झूम सपोर्ट मिळू शकतो. फोनमध्ये 4K सिनेमेटिक व्हिडीओ, 4K 60fps व्हिडीओ, एआय क्रिएटिव कॅमेरा, लाइव स्टिकर कोलाज आणि एआय दिवाळी पोर्ट्रेट 2.0 यांसारखे फीचर्सही असण्याची शक्यता आहे. याशिवाय 8MP अल्ट्रावाइड कॅमेराही यात दिला जाऊ शकतो.
धूळ आणि पाण्यापासून संरक्षणासाठी या डिव्हाईसला IP68 आणि IP69 रेटिंग मिळू शकते. बॅटरीच्या बाबतीत, फोनमध्ये 90W फ्लॅशचार्ज सपोर्टसह 7200mAh बॅटरी दिली जाऊ शकते.
