तुर्भे जलबोगदा कामासाठी एम पूर्व, एम पश्चिम भागात 24 तास पाणीपुरवठा बंद
तुर्भे निम्नस्तरीय ते तुर्भे उच्चस्तरीय जलाशयादरम्यान नवीन जलबोगदा कार्यान्वित करण्याचे काम बीएमसी हाती घेणार, त्यामुळे मंगळवारपासून पाणीपुरवठा विस्कळीत होणार.
मुंबईतील एम पूर्व आणि एम पश्चिम विभागातील रहिवाशांसाठी बृहन्मुंबई महानगरपालिकेने (बीएमसी) महत्त्वाची सूचना दिली आहे. या दोन्ही विभागातील पाणीपुरवठा व्यवस्था सुधारण्यासाठी तुर्भे निम्नस्तरीय जलाशय ते तुर्भे उच्चस्तरीय जलाशय यादरम्यान एक नवीन जलबोगदा कार्यान्वित करण्यात येणार आहे. हे काम आता प्रत्यक्षात हाती घेतले जाणार असून त्यासाठी काही काळ पाणीपुरवठा पूर्णपणे बंद ठेवावा लागणार आहे.
बीएमसीने दिलेल्या माहितीनुसार, मंगळवार, 29 सप्टेंबर 2026 रोजी सकाळी 10 वाजल्यापासून ते बुधवार, 30 सप्टेंबर 2026 रोजी सकाळी 10 वाजेपर्यंत, म्हणजेच तब्बल 24 तास हे काम सुरू राहणार आहे. या संपूर्ण कालावधीत एम पूर्व व एम पश्चिम विभागातील अनेक भागांचा पाणीपुरवठा पूर्णतः विस्कळीत राहील. काम पूर्ण झाल्यानंतरही लगेच पूर्वीसारखा पाणीपुरवठा सुरळीत होणार नाही; पुढील सलग 7 दिवस या भागांना कमी दाबाने पाणी मिळण्याची शक्यता बीएमसीने वर्तवली आहे.
या पार्श्वभूमीवर महानगरपालिका प्रशासनाने नागरिकांना आधीच पुरेसा पाणीसाठा करून ठेवण्याचे आणि उपलब्ध पाणी जपून वापरण्याचे आवाहन केले आहे.
ज्या भागांना या पाणीकपातीचा आणि नंतरच्या कमी दाबाचा फटका बसणार आहे, त्यात एम पूर्व विभागातील लल्लूभाई संकुल, कमला रमणनगर, रमण मामा नगर, शिवाजीनगर, लोटस वसाहत, गौतमनगर, गायकवाड नगर, अयोध्या नगर, वाशीनाका, मानखुर्द, बेंगणवाडी, भारत नगर, म्हाडा इमारत, चिता कॅम्प, साठेनगर, झाकीर हुसेन नगर, देवनार गाव, देवनार वसाहत, नवीन भारत नगर, हशू आडवाणी नगर, नटवर पारेख संकुल, सह्याद्री नगर, वाढवली गाव, बी.ए.आर.सी. वसाहत, डम्पिंग सप्लाय, रफिक नगर, मंडाळागाव, नवीन मंडाळा, पद्मानगर, विष्णूनगर, एल. यू. गडकरी मार्ग, आर. एन. ए पार्क, कुकरेजा इमारती, महाराष्ट्र नगर, इंडियन ऑइल नगर आणि बी. डी. पाटील मार्गावरील रीफायनरी विभाग यांचा समावेश आहे.
तर एम पश्चिम विभागात मैत्री पार्क, घाटला, चेंबूर गावठाण, सुभाष नगर, सुमन नगर, चिखलवाडी, आंबेडकर नगर, वामनवाडी, आनंद नगर, लालडोंगर, सिद्धार्थ वसाहत, स्वस्तिक पार्क, पोस्टल वसाहत, डब्लू. टी. पाटील मार्ग, मुक्ती नगर, काशीनाथ पाटील वाडी, संतोष नगर, केळकर वाडी, डायमंड उद्यान, सेंट्रल अव्हेन्यू मार्ग, एन. बी. पाटील मार्ग, जर्नादन पाटील मार्ग, घाटला गाव, एन. जी. आचार्य मार्ग, एस. टी. ऍन्थोनी रोड, चंद्रोदय सोसायटी, स. गो. बर्वे मार्ग, चरई गाव, बोरला सोसायटी, चेंबूर कॅम्प, सिंधी कॅम्प, विजय विहार, भक्ती भवन, समर्थ नगर, बसंत पार्क, सी. जी. गिडवाणी मार्ग, गांधी बाजार, जनता मार्केट, इंदिरा नगर, नवजीवन सोसायटी, गोल्फ क्लब, रामटेकडी, तोलाराम टॉवर, चेंबूर वसाहत, कोकण नगर, गणेश नगर, विजय नगर, अशोक नगर, अण्णाभाऊ साठे मार्ग, सिंधी सोसायटी, जिल्हाधिकारी वसाहत, मारवली चर्च, आर. सी. मार्ग, माहूल गाव, आंबापाडा गाव, म्हैसूर वसाहत, वाशी गाव, डी. बी. रियालिटी इमारत, वाडवली, शरद नगर, लक्ष्मी नगर, जनता नगर, वाशी नाका, जिजामाता नगर, जयहिंद नगर, फारूक गल्ली, पटेल नगर, बी.पी.सी.एल., माझगाव डॉक, टाटा पॉवर, एजिस लिमिटेड, बी. पी. टी, भक्ति पार्क येथील सर्व इमारती, एम.एम.आर.डी.ए. इमारत, टिळक नगर, ठक्करबाप्पा वसाहत, पेस्तम सागर, सहकार नगर, वत्सलाताई नाईक नगर, श्रमजीवी नगर, शेल वसाहत, पी. एल. लोखंडे मार्ग, एकता मित्रमंडळ, मालेकर वाडी, पी. वाय. थोरात मार्ग, रमाबाई वसाहत, अमीर बाग, मोतीलाल रहिवाशी संघ, कादरिया नगर, महात्मा फुले नगर, अजंठा वसाहत, सहदीप वसाहत, मुकुंद नगर, पंजाबी चाळ, नागेवाडी आणि छेडा नगर या भागांचा समावेश होतो.
