टाटा मोटर्सची नवी सेदान एरिस दाखल, किंमत ५.२९ लाखांपासून सुरू
टाटा.कार्सने पेट्रोल आणि सीएनजी पर्यायांतील ऑल-न्यू एरिस सेदान लाँच केली असून ती केवळ वैयक्तिक व कौटुंबिक ग्राहकांसाठी डिझाइन करण्यात आली आहे.
टाटा.कार्सने ऑल-न्यू टाटा एरिस या कॉम्पॅक्ट सेदानच्या लाँचची घोषणा केली आहे. ही कार खास वैयक्तिक कार खरेदीदारांसाठी डिझाइन करण्यात आली असून पेट्रोल आणि सीएनजी अशा दोन्ही पॉवरट्रेन पर्यायांत उपलब्ध आहे. पेट्रोल व्हेरिएंटची सुरुवातीची किंमत ५.२९ लाख रुपयांपासून, तर आयसीएनजी व्हेरिएंटची किंमत ६.२९ लाख रुपयांपासून सुरू होते.
कंपनीच्या म्हणण्यानुसार, एरिस आरामदायीपणा, स्थिरता, एैसपैस जागा, कार्यक्षमता आणि सेदानची पारंपरिक आकर्षकता ही वैशिष्ट्ये आधुनिक डिझाइन, तंत्रज्ञान, सुरक्षा आणि आजच्या ग्राहकांना अपेक्षित असलेल्या मालकीच्या अनुभवाशी जोडते.
एक्स-शोरूम दिल्ली किंमतीनुसार, पेट्रोल मॅन्युअल ट्रान्समिशनमध्ये 'स्मार्ट' ट्रिम ५.२९ लाख रुपयांना, 'प्युअर' ६.१४ लाख रुपयांना, 'प्युअर +' ६.७४ लाख रुपयांना, 'क्रिएटिव्ह' ७.४९ लाख रुपयांना तर सर्वात वरचा 'अकम्प्लिश्ड' ट्रिम ८.१९ लाख रुपयांना मिळतो. ऑटोमॅटिक पर्याय निवडणाऱ्या ग्राहकांसाठी पेट्रोल एएमटी 'प्युअर' ट्रिमपासून ६.६९ लाख रुपयांना सुरू होतो, 'प्युअर +' ७.२९ लाख रुपयांना, 'क्रिएटिव्ह' ८.०४ लाख रुपयांना आणि 'अकम्प्लिश्ड' व्हेरियंट ८.७४ लाख रुपयांना उपलब्ध आहे.
टाटा मोटर्स पॅसेंजर वेईकल्स लिमिटेडचे मॅनेजिंग डायरेक्टर व सीईओ शैलेश चंद्रा यांनी सांगितले की, सेदान कार हा नेहमीच काळाच्या पुढे राहणारा प्रकार राहिला आहे, ज्याचे ग्राहक आरामदायीपणा, एैसपैस जागा, ड्रायव्हिंग डायनॅमिक्स आणि व्यावहारिकता यांचा मेळ महत्त्वाचा मानतात. एरिसच्या माध्यमातून विविध बॉडी स्टाईल्स आणि पॉवरट्रेन पर्यायांत अर्थपूर्ण पर्याय देण्याचे टाटा.कार्सचे धोरण प्रत्यक्षात आणले जात आहे, असे त्यांनी नमूद केले. एरिस अशा ग्राहकांसाठी बनवली आहे जे आपली कार स्वतःच्या प्रगतीचे, यशाचे आणि व्यक्तिमत्त्वाचे प्रतीक मानतात, असेही ते म्हणाले.
कंपनीने नमूद केले की कॉम्पॅक्ट सेदान सेगमेंटमध्ये सुमारे ६५ टक्के वाटा असूनही वैयक्तिक ग्राहकांना आतापर्यंत मुख्यतः फ्लीट वापरासाठी बनवलेल्या गाड्यांमधूनच निवड करावी लागत होती. फ्लीट ऑपरेटर्स ऑपरेटिंग खर्च, टिकाऊपणा आणि अपटाइमला प्राधान्य देतात, तर वैयक्तिक ग्राहकांना आकर्षक डिझाइन आणि वैशिष्ट्ये असलेली कार हवी असते. एरिस या दोन गरजा वेगळ्या ठेवत वैयक्तिक व कौटुंबिक वापरासाठी खास डिझाइन व इंजिनिअर करण्यात आली आहे. कंपनीने स्पष्ट केले की एरिस फ्लीट सेगमेंटमध्ये कधीही उतरवली जाणार नाही; फ्लीट ग्राहकांसाठी टाटा.कार्सचा स्वतंत्र एक्सप्रेस-टी ब्रँड पूर्वीप्रमाणेच कार्यरत राहील.
एरिसमध्ये सिग्नेचर एलईडी हेडलॅम्प्स, डीआरएल्स, रुंद लोअर ग्रिल, डायमंड-कट एरो अलॉय व्हील्स, इन्फिनिटी कनेक्टेड एलईडी टेल लॅम्प्स, ड्युअल-टोन ब्लॅक रूफ आणि क्रोम-लाइन डोअर हँडल्स दिले आहेत. केबिनमध्ये एरोलक्स व्हेंटिलेटेड लेदरेट सीट्स, ड्युअल स्क्रीन्स, २६.०३ सेमी एचडी टचस्क्रीन इन्फोटेनमेंट सिस्टीम, १२.७ सेमी डिजिटल आयलंड क्लस्टर, वायरलेस चार्जिंगसह ड्युअल स्मार्टफोन डेक, वायरलेस अ‍ॅपल कारप्ले व अँड्रॉइड ऑटो, ३५ हून अधिक कनेक्टेड फीचर्ससह आयआरए, ऑटोमॅटिक क्लायमेट कंट्रोल, रिअर एसी व्हेंट्स, ६५ वॅट टाइप-सी फास्ट चार्जर आणि ४१९ लिटर बूट स्पेस देण्यात आले आहे.
सुरक्षेच्या बाबतीत अल्ट्रा हाय स्ट्रेंथ स्टीलचा वापर, ६ एअरबॅग्ज स्टँडर्ड, इलेक्ट्रॉनिक स्टेबिलिटी प्रोग्राम, ईबीडीसह एबीएस, हिल होल्ड कंट्रोल, आयएसओफिक्स अँकर्स, ब्लाइंड व्ह्यू मॉनिटर, मल्टिव्ह्यू डिजिटल व्हिडिओ रेकॉर्डर आणि ३६०-डिग्री कॅमेरा यांचा समावेश आहे. आयसीएनजी व्हेरिएंट्समध्ये गॅस लिक डिटेक्शन, लिक-प्रूफ मटेरिअल्स, थर्मल इन्सिडेंट प्रोटेक्शन आणि रिअर क्रॅश प्रोटेक्शनसारख्या स्वतंत्र सुरक्षा यंत्रणाही देण्यात आल्या आहेत.
पॉवरट्रेनमध्ये १.२-लिटर रेव्होट्रॉन पेट्रोल इंजिन ५-स्पीड मॅन्युअल आणि एएमटी अशा दोन्ही पर्यायांत उपलब्ध आहे. सीएनजी ग्राहकांसाठी आयसीएनजी एएमटी आणि ड्युअल-सिलिंडर आयसीएनजी तंत्रज्ञान देण्यात आले असून यामुळे बूट स्पेसचेही कार्यक्षम नियोजन होते.
