वाशी एपीएमसीत भाजीपाल्याची आवक घटली, पालेभाज्या महागल्या, गृहिणींचे बजेट कोलमडले

सध्या महाराष्ट्रात दुष्काळाची परिस्थिती निर्माण झाली आहे आणि त्यामुळे शेतकऱ्यांवर मोठे संकट आले आहे. या दुष्काळाचा फटका थेट नवी मुंबईतील वाशी येथील एपीएमसी मार्केटला बसलेला दिसतो आहे. अवकाळी पावसामुळे शेतातील भाजीपाल्याचे नुकसान झाले. त्याचा परिणाम मुंबईतील मोठमोठ्या भाजी मार्केटमध्ये दिसून येत आहे.

पाऊस नसल्यामुळे भाजीपाल्याचा पुरवठा झाला नाही आणि त्यामुळे सामान्य नागरिकांच्या खिशाला फटका बसतो आहे. एपीएमसी मार्केटमध्ये आधी 600 ते 700 गाड्यांची आवक होत होती. पण महाराष्ट्रात दुष्काळजन्य परिस्थिती निर्माण झाल्याने गाड्यांची आवक कमी झाली आणि त्यामुळे भाज्यांचे भाव वाढले आहेत.

सध्या पितृपक्ष सुरू असल्याने भाज्यांची मागणी वाढते. अशा वेळी सर्वसामान्यांच्या खिशाला कात्री लागली आहे. भाजीपाल्याचे दर गगनाला भिडले आहेत. आवक 25 ते 30 घटल्याने किरकोळ बाजारात पालेभाज्या महाग झाल्या. कोथिंबीर, गवार, मेथी, भेंडी आणि टोमॅटो यांचे दर 100 पार गेले आहेत. त्यामुळे घाऊक बाजारात आणि किरकोळ बाजारात, अशा दोन्ही ठिकाणी पालेभाज्या महाग झाल्या आहेत. यामुळे सामान्य नागरिकांच्या खिशाला कात्री लागली आहे.

ऐन सण-उत्सवाच्या काळात आणि वाढत्या महागाईत भाजीपाला महागल्यामुळे सामान्य गृहिणींचे बजेट कोलमडले आहे. आवक कमी आणि मागणी जास्त असल्याने किरकोळ बाजारात भाज्यांचे दर 100 रुपये किलो पार गेले आहेत. याचा परिणाम सामान्य नागरिकांवर झालेला दिसतो आहे.

भाज्यांचे सध्याचे दर पुढीलप्रमाणे आहेत: वांगी 80 रुपये किलो, दोडका 100 रुपये किलो, कारली 100 रुपये किलो, कोबी 60 रुपये किलो, प्लोवर 100 रुपये किलो, गाजर 80 रुपये किलो, काकडी 70 रुपये किलो, वाटाणा 200 रुपये किलो, टोमॅटो 50 रुपये किलो आणि कांदा 70 रुपये किलो. लिंबू एक नग 12 रुपयांना मिळत आहे. कोथिंबीर, मेथी आणि पालक प्रत्येकी 50 रुपये जुडी या दराने विकले जात आहेत.

थोडक्यात, पाऊस नसल्यामुळे भाजीपाल्याचा पुरवठा झाला नाही, एपीएमसी मार्केटमध्ये गाड्यांची आवक कमी झाली, मागणी मात्र जास्त आहे, आणि त्यामुळे घाऊक तसेच किरकोळ बाजारात पालेभाज्या महाग झाल्या आहेत. त्याचा थेट फटका सामान्य नागरिकांना आणि गृहिणींना बसतो आहे.