सोने-चांदी सलग तिसऱ्या दिवशी स्वस्त; चांदी पुन्हा 2 लाखांच्या खाली

सोने आणि चांदीच्या दरात सातत्याने चढ-उतार दिसत आहेत. पण गेल्या काही दिवसांपासून सोन्याचा भाव एका विशिष्ट पातळीत राहून घसरत आहे. आता सोने-चांदीच्या बाजारात सलग तिसऱ्या दिवशी मंदी दिसली असून मौल्यवान धातूंच्या किमतीत मोठी घसरण नोंदवली गेली आहे.

इंडिया बुलियन अँड ज्वेलर्स असोसिएशनच्या (IBJA) आकडेवारीनुसार 10 ग्रॅम 24 कॅरेट सोन्याच्या किमतीत 1411 रुपयांची घसरण झाली आणि त्यामुळे सोन्याचा भाव 1.43 लाख रुपयांवर आला आहे. गेल्या तीन दिवसांत सोन्याच्या दरात एकूण सुमारे 3732 रुपयांची घसरण झाली आहे.

दुसरीकडे चांदीच्या दरातही मोठी पडझड झाली आहे. एक किलो चांदीची किंमत 7006 रुपयांनी कमी होऊन 1,99,777 रुपयांवर पोहोचली आहे. गेल्या तीन दिवसांत चांदी तब्बल 11,141 रुपयांनी स्वस्त झाली आहे.

विशेष म्हणजे, 17 डिसेंबर 2025 रोजी चांदीने पहिल्यांदा 2 लाख रुपयांचा टप्पा ओलांडला होता. त्यानंतर बरोबर 10 महिन्यांनी चांदीचे दर पुन्हा एकदा 2 लाख रुपयांच्या खाली आले आहेत.

बाजारातील तज्ज्ञांच्या मते, अमेरिकन डॉलरच्या तुलनेत भारतीय रुपया मजबूत होत आहे आणि कच्च्या तेलाच्या किमतीत वाढ झाली आहे. त्यामुळे सोने-चांदीच्या बाजारात ही मंदी दिसून येत आहे. याआधी सप्टेंबर महिन्यातही सोन्यात 8 हजार रुपयांची आणि चांदीत 15 हजार रुपयांची घसरण नोंदवली गेली होती. त्यामुळे ग्राहकांना काहीसा दिलासा मिळाला आहे.

IBJA नुसार शुक्रवारी, 23 ऑक्टोबरला सकाळी 24 कॅरेट सोन्याचा भाव 10 ग्रॅमसाठी 1,42,694 रुपये आहे. त्याच वेळी 22 कॅरेट सोने 10 ग्रॅमसाठी 142123 रुपये, 20 कॅरेट सोने 130708 रुपये, 18 कॅरेट सोने 107021 रुपये आणि 14 कॅरेट सोने 83476 रुपये आहे.

शहरांचा विचार केला तर मुंबई, ठाणे, रत्नागिरी, पुणे, नागपूर, कोल्हापूर, छत्रपती संभाजीनगर, जळगाव, सांगली आणि बारामती या सगळ्या शहरांत सोन्याचा आजचा दर 10 ग्रॅमसाठी 142694 रुपये आहे.

चांदीबद्दल सांगायचे तर, IBJA नुसार शुक्रवारी, 23 ऑक्टोबरला सकाळी चांदीचा दर प्रति किलोग्रॅम 1,99,777 रुपये इतका आहे. म्हणजेच गेल्या तीन दिवसांत सोने आणि चांदी दोन्ही स्वस्त झाले आहेत.