Samsung Galaxy A08 4G ची किंमत लाँचआधीच लीक, F08 आणि M08 चीही माहिती समोर
Samsung Galaxy A08 4G भारतात लाँच होण्याआधीच त्याची संभाव्य किंमत लीक झाली आहे. सोबतच Galaxy F08 आणि Galaxy M08 या रिब्रँडेड मॉडेल्सचीही किंमत समोर आली आहे.
सैमसंग कंपनी आपल्या A-Series पोर्टफोलिओमध्ये सातत्याने नवे मॉडेल आणत असते. आता याच सीरिजमधला Galaxy A08 4G हा फोन भारतात लाँच होणार असल्याची चर्चा आहे. हा फोन ग्लोबल मार्केटमध्ये आधीच आला असून आता भारतीय ग्राहकांचे लक्ष त्याच्या एंट्रीकडे लागले आहे. दरम्यान एका नव्या लीकमधून Galaxy A08 4G सोबतच Samsung Galaxy F08 आणि Galaxy M08 या फोनच्या संभाव्य किमतीही समोर आल्या आहेत.
टिप्स्टर संजू चौधरी यांनी शेअर केलेल्या माहितीनुसार, Galaxy A08 4G च्या 4GB RAM आणि 64GB स्टोरेज असलेल्या व्हेरिएंटची किंमत 18,999 रुपये असू शकते. तर Galaxy F08 आणि Galaxy M08 हे Galaxy A08 4G चेच रिब्रँडेड व्हर्जन असून भारतीय बाजारात ते 16,999 रुपयांना मिळण्याची शक्यता वर्तवली जात आहे. मात्र सॅमसंगने या तिन्ही फोनच्या भारतातील लाँचबाबत अद्याप कोणतीही अधिकृत घोषणा केलेली नाही, त्यामुळे लीकमधल्या किमती अंतिम मानता येणार नाहीत. फोन प्रत्यक्ष लाँच झाल्यावरच खरी किंमत स्पष्ट होईल.
लीक झालेल्या फोटोमध्ये सॅमसंगच्या अंतर्गत कम्युनिकेशन डॉक्युमेंटसारखं दिसणारं एक पान शेअर करण्यात आलं असून, त्यानुसार या किमती 25 सप्टेंबर 2026 पासून लागू असल्याचं दाखवण्यात आलं आहे. तरीही सॅमसंगकडून भारतातील लाँच तारीख किंवा अधिकृत किंमत अद्याप जाहीर झालेली नाही, त्यामुळे सध्या ही माहिती केवळ शक्यता म्हणूनच बघायला हवी.
Galaxy F08 आणि Galaxy M08 हे भारतात Galaxy A08 4G चेच रिब्रँडेड व्हर्जन म्हणून येण्याची शक्यता आहे. त्यामुळे ग्लोबल मार्केटमधल्या Galaxy A08 च्या स्पेसिफिकेशन्सवरून या दोन्ही फोनमध्ये काय मिळू शकतं याचा अंदाज बांधता येतो. मात्र भारतीय व्हेरिएंटच्या स्पेसिफिकेशन्समध्ये काही बदल होणार का, याची माहिती अजून उपलब्ध नाही.
ग्लोबल व्हेरिएंटनुसार, Samsung Galaxy A08 मध्ये 6.7 इंचाचा HD+ LCD डिस्प्ले देण्यात आला असून त्याला 120Hz रिफ्रेश रेटचा सपोर्ट आहे. फोनमध्ये 6nm प्रोसेसवर आधारित MediaTek Helio G99 हा ऑक्टा-कोर चिपसेट बसवण्यात आला आहे. यात 4GB RAM आणि 128GB इंटरनल स्टोरेज मिळतं, जे मायक्रोएसडी कार्डच्या मदतीने 2TB पर्यंत वाढवता येतं. सॉफ्टवेअरच्या बाबतीत हा फोन Android 16 वर आधारित One UI 8 वर चालतो, आणि कंपनीने याला 2032 पर्यंत सॉफ्टवेअर सपोर्ट देण्याचं आश्वासन दिलं आहे.
कॅमेऱ्याबाबत बोलायचं झालं तर Galaxy A08 मध्ये ड्युअल रिअर कॅमेरा सेटअप असून त्यात 50MP चा मुख्य कॅमेरा आहे, जो ऑटोफोकस आणि 10x डिजिटल झूमला सपोर्ट करतो. यासोबत 2MP चा सेकंडरी कॅमेरा दिलेला आहे. सेल्फी आणि व्हिडिओ कॉलिंगसाठी 8MP चा फ्रंट कॅमेरा असून हा फोन 120fps पर्यंत HD व्हिडिओ रेकॉर्डिंग करू शकतो. पॉवर बॅकअपसाठी फोनमध्ये 6000mAh क्षमतेची मोठी बॅटरी बसवण्यात आली आहे.
सध्या तरी Samsung Galaxy A08 4G, Galaxy F08 आणि Galaxy M08 यांच्या भारतातील किमतीबाबत लीकमधूनच माहिती मिळतेय, कंपनीने कोणतीही अधिकृत घोषणा केलेली नाही. त्यामुळे किंमत, लाँच तारीख आणि भारतीय व्हेरिएंटचे अंतिम स्पेसिफिकेशन्स याबाबत सॅमसंगच्या अधिकृत जाहिरातीची वाट पाहावी लागणार आहे.
