अथिया शेट्टी झाली प्राइड ऑफ काऊजची नवी चेहरा, 'ग्रीनर साइड'ची जाहिरात मोहीम सुरू

पराग मिल्क फूड्स लिमिटेडच्या प्राइड ऑफ काऊज या प्रीमियम फार्म-टू-होम डेअरी ब्रँडने अभिनेत्री आणि उद्योजक अथिया शेट्टीला सोबत घेऊन आपली नवी जाहिरात मोहीम जाहीर केली आहे. या मोहिमेचं नाव आहे 'कम ओव्हर टू द ग्रीनर साइड'. ब्रँडचं आपल्या फार्मशी असलेलं खास नातं या मोहिमेचा गाभा आहे आणि त्यातून ग्राहकांनी रोजच्या धावपळीतून थोडं बाजूला होत निसर्ग, पोषण आणि आरोग्यदायी जगण्याशी पुन्हा जोडून घ्यावं, असं आवाहन केलं जातं आहे.

आजच्या आधुनिक जीवनशैलीच्या पार्श्वभूमीवर प्राइड ऑफ काऊजने आपलं तत्त्वज्ञान या मोहिमेतून मांडलं आहे. समजून-उमजून, विचारपूर्वक जगणं हा या तत्त्वज्ञानाचा गाभा असून, खरंच महत्त्वाच्या गोष्टींसाठी वेळ आणि जागा काढावी, असं ब्रँडला ग्राहकांना सांगायचं आहे.

या मोहिमेत ब्रँडची फार्म परिसंस्था आणि आरोग्यदायी जगण्याकडे बघण्याचा आधुनिक दृष्टिकोन हे दोन्ही एकत्र आणले गेले आहेत. अथिया शेट्टी आपल्या सहज, अस्सल आणि साध्या राहणीतून हा विचार पडद्यावर उतरवते. रोजच्या आयुष्यात समतोल शोधणं हा मोहिमेचा जो मध्यवर्ती मुद्दा आहे, तो तिच्या उपस्थितीतून दिसून येतो असं सांगण्यात आलं आहे.

त्याचबरोबर प्राइड ऑफ काऊजचं जग आणि जीवनाकडे अधिक विचारपूर्वक बघू इच्छिणारे ग्राहक यांच्यात एक नैसर्गिक नातं यातून जोडलं जातं, असा ब्रँडचा दावा आहे. नेहमीच्या डेअरी जाहिरातींच्या पलीकडे जाऊन, आपलं अन्न कुठून येतं हे माहीत असण्याचं भावनिक महत्त्व आणि त्याभोवतीचा अनुभव या मोहिमेतून मांडला जातो आहे.

पराग मिल्क फूड्स लिमिटेडच्या कार्यकारी संचालक श्रीमती अक्षाली शाह यांनी याबाबत सांगितलं की, "या मोहिमेतून आम्हाला रोजच्या धावपळीपासून थोडं दूर जाऊन अधिक नैसर्गिक आणि समाधान देणाऱ्या गोष्टींशी पुन्हा जोडलं जाण्याची भावना मांडायची होती. अथियाच्या व्यक्तिमत्त्वात या विचाराला साजेशी सहजता आणि साधेपणा आहे, त्यामुळे ती या भूमिकेसाठी योग्य वाटली. तिची स्वतःची वेगळी ओळख आहे आणि तिचा जगण्याकडे बघण्याचा दृष्टिकोन कृत्रिम न वाटता विचारपूर्वक स्वीकारलेला वाटतो."

त्या पुढे म्हणाल्या, "प्राइड ऑफ काऊजसाठी आम्ही जे जग उभं करत आहोत, त्याच्याशी हे पूर्णपणे जुळणारं आहे. तिच्या माध्यमातून ही मोहीम नेहमीच्या सेलिब्रिटी जाहिरातीपेक्षा वेगळी, आमच्या फार्मचं प्रतिनिधित्व करणारा अनुभव घेण्याचं निमंत्रण वाटावी अशी आमची इच्छा होती. थोडी मोकळी जागा, थोडी शांतता आणि निसर्गाशी अधिक जवळचं नातं अनुभवण्याचं हे निमंत्रण आहे."

पोषण, आरोग्यदायी जगणं आणि निसर्गाशी जोडलेली व्यापक जीवनशैली या संकल्पनेवर आधारित प्रीमियम डेअरी ब्रँड म्हणून प्राइड ऑफ काऊजची वाटचाल या मोहिमेमुळे पुढे जाते आहे. ब्रँडचं सिंगल-ओरिजिन तत्त्वज्ञान कायम असलं, तरी आपल्या फार्मचा अनुभव आणि त्यामागची मूल्यं ग्राहकांपर्यंत अधिक जवळून कशी पोहोचवता येतील, यासाठी ब्रँड सातत्याने नवे मार्ग शोधत असल्याचं सांगण्यात आलं आहे. या नव्या मोहिमेतून प्राइड ऑफ काऊज ग्राहकांना जगण्याचा वेग थोडा कमी करण्याचं, निसर्गाशी पुन्हा जोडलं जाण्याचं आणि रोजच्या छोट्या छोट्या गोष्टींमध्ये आनंद शोधण्याचं महत्त्व सांगत आहे.