फ्लिपकार्टवर 'बिग बँग दिवाळी सेल' सुरू, स्मार्टफोनपासून टीव्हीपर्यंत इलेक्ट्रॉनिक्स वस्तूंवर मोठी सूट

फ्लिपकार्टवर आजपासून 'बिग बँग दिवाळी सेल' सुरू झाला आहे. या सेलमध्ये अनेक इलेक्ट्रॉनिक्स वस्तूंवर मोठ्या प्रमाणात डिस्काउंट मिळण्याची शक्यता आहे. यंदा दिवाळीची खरेदी करणाऱ्यांसाठी हा चांगला पर्याय ठरू शकतो.

फ्लिपकार्टने यंदाच्या सेलमध्ये स्मार्टफोन, लॅपटॉप, स्मार्ट टीव्ही, स्मार्टवॉच आणि इतर इलेक्ट्रॉनिक वस्तूंवर आकर्षक ऑफर्स ठेवल्या आहेत. ग्राहकाच्या बजेटनुसार साध्या स्मार्टफोनपासून अगदी प्रीमियम स्मार्टफोनपर्यंत वेगवेगळ्या ब्रँड्सवर फ्लिपकार्टने डिस्काउंट डिल्स उपलब्ध केल्या आहेत. काही फोनवर बँक ऑफर्स मिळू शकतात, तसेच जुना फोन एक्स्चेंज करण्याचा फायदाही मिळू शकतो.

स्मार्टफोनशिवाय टीव्ही, लॅपटॉप, हेडफोन आणि स्मार्टवॉच घेणाऱ्या ग्राहकांसाठीही यंदाच्या फ्लिपकार्टच्या सेलमध्ये अनेक चांगले पर्याय आहेत. नवीन टीव्ही किंवा लॅपटॉप घ्यायचा विचार असेल, तर सेलदरम्यान मिळणाऱ्या किमती आणि ऑफर्सची तुलना करणे फायद्याचे ठरणार आहे.

ब्रँडेड लॅपटॉप्सवर (HP, Dell, Lenovo, Apple) 30% ते 50% पर्यंत सूट मिळण्याची शक्यता आहे. विद्यार्थ्यांसाठी एक्स्चेंज ऑफर्स आणि नो-कॉस्ट ईएमआयचा (No-Cost EMI) अतिरिक्त फायदा मिळेल. ॲक्सेसरीजमध्ये माऊस, कीबोर्ड आणि हेडफोन्सवर ७०% पर्यंतचा बंपर डिस्काउंट असणार आहे.

स्मार्ट टीव्हीच्या बाबतीत, ३२ इंचापासून ६५ इंचापर्यंतच्या 4K स्मार्ट टीव्हीवर (Samsung, LG, Sony, Xiaomi) बजेट किमतीत विशेष सवलत आहे. निवडक बँकांचे क्रेडिट किंवा डेबिट कार्ड वापरल्यास १०% पर्यंत इन्स्टंट डिस्काउंट (Instant Discount) मिळेल.

रेफ्रिजरेटर आणि होम अप्लायन्सेसमध्ये सिंगल डोअर आणि डबल डोअर फ्रीजवर एक्स्चेंज बोनससह हजारो रुपयांची सूट असणार आहे. वॉशिंग मशीन आणि एअर कंडिशनरवर सणासुदीच्या किंवा विशेष सेलच्या निमित्ताने मोफत इन्स्टॉलेशन आणि वाढीव वॉरंटी मिळणार आहे.

खरेदी करताना काळजी घ्यावी, असेही सांगितले आहे. हवी असलेली इलेक्ट्रॉनिक्स वस्तू सेल सुरू होण्यापूर्वी किंवा खरेदीच्या वेळी इतर वेबसाइटवरही नक्की तपासून पाहा, म्हणजे सेलमध्ये मिळणारा डिस्काउंट खरोखर फायद्याचा आहे का, ते स्पष्ट होईल. वस्तूवर उपलब्ध असलेले बँक डिस्काउंट, एक्स्चेंज ऑफर्स आणि प्रॉडक्टचे रेटिंग आवर्जून बघा.

फक्त मोठा डिस्काउंट दिसला म्हणून वस्तू घेऊ नका. ती वस्तू तुम्हाला खरंच हवी आहे का आणि योग्य आहे का, ते तपासा. वेगवेगळ्या ऑफर्सच्या अटी व शर्ती वाचूनच ऑर्डर फायनल करा.