Oppo Reno 16t चीनमध्ये लाँच, दमदार फीचर्ससह किंमत किती?
टेक कंपनी ओप्पोने आपल्या होम मार्केट चीनमध्ये मिड-रेंज सेगमेंटमधला नवा स्मार्टफोन बाजारात आणला आहे. या स्मार्टफोनचं नाव Oppo Reno 16t असं आहे. कंपनीने हा फोन खास चीनच्या बाजारपेठेसाठी लाँच केला असून यात फॅशन फोकस डिझाईन, मोठी बॅटरी आणि ट्रिपल रियर कॅमेरा सेटअप ही या फोनची खासियत सांगितली जाते.
किंमतीबद्दल बोलायचं झालं तर हा फोन चीनमध्ये दोन व्हेरिअंटमध्ये उपलब्ध करून देण्यात आला आहे. पहिला व्हेरिअंट 12 जीबी रॅम अधिक 256 जीबी स्टोरेजचा आहे, तर दुसरा व्हेरिअंट 16 जीबी रॅम अधिक 512 जीबी स्टोरेजचा आहे. या फोनची सुरुवातीची किंमत 3,699 युआन म्हणजेच सुमारे 52,819 रुपये इतकी ठेवण्यात आली आहे. ग्राहकांना हा फोन हार्टबीट, गॅलेक्सी पर्पल आणि मूनलाइट ब्लॅक अशा तीन रंगांच्या पर्यायांत खरेदी करता येणार आहे.
डिस्प्लेच्या बाबतीत बोलायचं झालं तर या फोनमध्ये 6.32 इंचाचा फ्लॅक्सीबल अमोलेड डिस्प्ले देण्यात आला आहे. याचं रेजोल्यूशन 2640x1216 पिक्सेल इतकं असून रिफ्रेश रेट 120Hz आहे. पिक्सेल डेनसिटी 460 पीपीआय इतकी असून हा डिस्प्ले तब्बल 1.07 बिलियन कलर सपोर्ट करतो. या डिस्प्लेची पीक ब्राइटनेस 1800 निट्स इतकी असून टच सँपलिंग रेट 240Hz इतका आहे.
परफॉर्मन्ससाठी या फोनमध्ये मीडियाटेकचा डायमेन्सिटी 8550 सुपर चिपसेट बसवण्यात आला आहे. हा फोन 12GB एलपीडीडीआर5एक्स/एलपीडीडीआर5 रॅम आणि 512GB पर्यंत यूएफएस 3.1 स्टोरेजसह येतो. बॅटरीच्या बाबतीत या फोनमध्ये 6700mAh क्षमतेची बॅटरी देण्यात आली असून त्याला 80W सुपरवूक आणि 80W यूएफसीएस या फास्ट चार्जिंगचा सपोर्ट देण्यात आला आहे.
कॅमेरा सेटअपबद्दल बोलायचं झालं तर यात 200 मेगापिक्सेलचा प्रायमरी कॅमेरा असून त्याला ओआयएसचा सपोर्ट आहे. यासोबतच 50 मेगापिक्सेलचा अल्ट्रा वाइड कॅमेरा आणि 50 मेगापिक्सेलचा टेलफोटो कॅमेरा देण्यात आला आहे. हा कॅमेरा सेटअप 3.5x पर्यंत ऑप्टिकल झूम आणि 120x डिजिटल झूमला सपोर्ट करतो. सेल्फीसाठी 50 मेगापिक्सेलचा ऑटोफोकस कॅमेरा देण्यात आला असून हा फोन डुअल व्यू व्हिडिओ रेकॉर्डिंगलाही सपोर्ट करतो.
कनेक्टिविटीसाठी फोनमध्ये वायफाय 6, ब्लूटूथ आणि एनएफसी देण्यात आले आहे. यासोबतच इन-डिस्प्ले फिंगरप्रिंट सेन्सर, यूएसबी टाइप सी आणि डुअल सिम सपोर्टही यात मिळतो. एआय फीचर्ससाठी फोनमध्ये वेगळं बटन देण्यात आलं आहे. हा स्मार्टफोन IP68 आणि IP69K रेटिंगसह लाँच करण्यात आला आहे.
