2026 Mahindra Thar फेसलिफ्ट टेस्टिंगमध्ये स्पॉट, थार रॉक्ससारखे एक्सटीरियर फीचर्स लीक
ऑफरोडिंगसाठी प्रसिद्ध असलेल्या Mahindra Thar च्या फेसलिफ्ट व्हर्जनची टेस्टिंग सुरू असून डिझाइन आणि फीचर्सबाबत माहिती समोर आली आहे.
ऑफरोडिंगसाठी नावाजलेल्या Mahindra Thar चं नवं रूप लवकरच पाहायला मिळू शकतं. मीडिया रिपोर्ट्सनुसार महिंद्रा कंपनी सध्या Thar च्या फेसलिफ्ट व्हर्जनवर काम करत असून लॉन्चआधी या SUV ची टेस्टिंग सुरू आहे. नुकतीच टेस्टिंगदरम्यान 2026 Mahindra Thar दिसून आली असून तिच्या डिझाइन आणि फीचर्सबाबत काही महत्त्वाची माहिती पुढे आली आहे.
Mahindra Thar ही भारतीय बाजारातील लोकप्रिय ऑफरोड SUV पैकी एक आहे. कंपनी या SUV च्या फेसलिफ्ट व्हर्जनची तयारी करत असल्याचं मीडिया रिपोर्ट्समध्ये सांगितलं जातंय. लॉन्चआधी गाडीची वेगवेगळ्या परिस्थितीत चाचणी घेतली जात असून याच दरम्यान नवी Thar पुन्हा एकदा स्पॉट झाली आहे. टेस्टिंगवेळी दिसलेली ही SUV पूर्णपणे कव्हर करण्यात आली होती, त्यामुळे डिझाइनमधले सगळे बदल स्पष्टपणे दिसू शकले नाहीत. मात्र समोर आलेल्या रिपोर्ट्सनुसार नव्या Thar च्या डिझाइनमध्ये Mahindra Thar Roxx ची झलक दिसू शकते.
2026 Mahindra Thar च्या फेसलिफ्टमध्ये फ्रंट डिझाइनमध्ये बदल होण्याची शक्यता आहे. रिपोर्ट्सनुसार Thar Roxx सारखे काही डिझाइन एलिमेंट्स नव्या मॉडेलमध्ये दिले जाऊ शकतात. SUV च्या मागच्या भागाच्या डिझाइनमध्येही बदल होण्याची शक्यता वर्तवली जातेय. याशिवाय नव्या Thar मध्ये गोलाकार LED DRL दिले जाऊ शकतात, त्यामुळे सध्याच्या मॉडेलच्या तुलनेत फेसलिफ्ट व्हर्जनला अधिक अपडेटेड लूक मिळण्याची शक्यता आहे.
फक्त बाह्य डिझाइनच नाही, तर केबिन आणि टेक्नॉलॉजीच्या बाबतीतही अपडेट मिळू शकतं. रिपोर्ट्सनुसार या SUV मध्ये Level-2 ADAS, अपडेटेड इंटीरियर आणि नवी इंफोटेनमेंट सिस्टम दिली जाऊ शकते. महिंद्राने याआधीही Thar मध्ये काही महत्त्वाचे फीचर्स अपडेट केले होते, त्यात 10.25-इंच इंफोटेनमेंट सिस्टम, रूफ स्पीकर्स, रिअर AC व्हेंट्स, वायरलेस चार्जिंग आणि Type-C चार्जिंग पोर्टचा समावेश होता. त्यामुळे आगामी फेसलिफ्टमध्ये आणखी टेक्नॉलॉजीवर आधारित फीचर्स मिळण्याची अपेक्षा आहे.
इंजिन पर्यायांमध्ये मात्र मोठा बदल होण्याची शक्यता कमी असल्याचं रिपोर्ट्समध्ये म्हटलंय. सध्याच्या पॉवरट्रेन पर्यायांसह ही SUV बाजारात येऊ शकते. यात 2.0-लिटर पेट्रोल टर्बो, 1.5-लिटर डिझेल आणि 2.2-लिटर डिझेल इंजिन पर्याय कायम राहण्याची शक्यता आहे, त्यासोबतच Thar ची ऑफरोडिंग क्षमताही कायम राहील अशी अपेक्षा आहे.
महिंद्राने अजून 2026 Mahindra Thar Facelift च्या लॉन्चबाबत कोणतीही अधिकृत घोषणा केलेली नाही. पण मीडिया रिपोर्ट्सनुसार ही अपडेटेड SUV 2026 च्या मध्यापर्यंत भारतीय बाजारात येऊ शकते. लॉन्चची अधिकृत तारीख, किंमत आणि फीचर्सबाबतची अंतिम माहिती कंपनीकडूनच स्पष्ट होणार आहे. त्यामुळे Thar खरेदी करण्याचा विचार करणाऱ्या ग्राहकांचं लक्ष आता या फेसलिफ्ट मॉडेलकडे लागलं आहे.
