Lotus Eletre हायपर-एसयूव्हीचे कोल्हापुरात सादरीकरण, दोन दिवसांचा ब्रँड अनुभव कार्यक्रम

लोटस कार्स इंडियाने देशभर सुरू केलेल्या 'ग्राहक संपर्क आणि ब्रँड एक्सपिरियन्स' अभियानाचा एक भाग म्हणून कोल्हापूर शहराची निवड करण्यात आली आहे. या अभियानाअंतर्गत कंपनीची पुरस्कार विजेती इलेक्ट्रिक परफॉर्मन्स कार 'लोटस इलेट्रे' भारतातील प्रमुख लक्झरी ऑटोमोबाईल मार्केटमधील ग्राहकांसमोर सादर केली जात आहे. या पश्चिम भारत दौऱ्यातील महत्त्वाच्या टप्प्यांमध्ये आता कोल्हापूरचा समावेश झाला आहे.

या बहु-शहरी दौऱ्याचा भाग म्हणून लोटस कार्स इंडिया कोल्हापुरात २६ आणि २७ सप्टेंबर २०२६ रोजी विशेष 'ब्रँड अनुभव' कार्यक्रम आयोजित करत आहे. संभाव्य ग्राहक, उद्योजक, व्यावसायिक नेते, लक्झरी जीवनशैलीचे ग्राहक आणि वाहनप्रेमी यांच्यासाठी हा कार्यक्रम खास तयार करण्यात आला आहे. पश्चिम भारताचा हा दौरा पुण्याहून सातारामार्गे कोल्हापुरात पोहोचला असून त्यानंतर तो गोव्याकडे जाणार आहे. यासोबतच दक्षिण आणि पूर्व भारतातही दौरा सुरू असून त्यात चेन्नई, त्रिशूर, कोची, कालिकत, मंगळूरू, बेंगळुरू, भुवनेश्वर, कोलकाता आणि हैदराबाद या शहरांचा समावेश आहे.

कोल्हापुरातील कार्यक्रमात लोटसच्या सर्वात महत्त्वाच्या वाहन असलेल्या 'लोटस इलेट्रे'वर मुख्य भर दिला जाणार आहे. लोटस कार्स इंडियाच्या संचालिका एमी अरोरा यांनी सांगितले की, चोखंदळ प्रेक्षकांसाठी सर्वोत्तम ब्रँड्स आणि अनुभव देण्याचा कंपनीचा नेहमीच प्रयत्न असतो. उद्योगात सर्वोच्च मानके आणि नवे मापदंड प्रस्थापित करण्यावर कंपनीचा विश्वास आहे, असेही त्या म्हणाल्या. दृढ निश्चय आणि 'ग्राहक प्रथम' हे तत्त्व कंपनीला वेगळे ठरवते आणि ग्राहकांशी नाते अधिक घट्ट करण्याची प्रेरणा देते, असे त्यांनी नमूद केले. संपूर्ण भारतात विक्री आणि विक्रीनंतरची सर्वंकष सेवा देत ग्राहकांना मालकीचा उत्तम अनुभव देण्यासाठी कंपनी कटिबद्ध असल्याचेही एमी अरोरा यांनी सांगितले.

लोटस इलेट्रे ही ब्रँडची 'ऑल-इलेक्ट्रिक हायपर-एसयूव्ही' असून उत्कृष्ट परफॉर्मन्स, प्रगत तंत्रज्ञान आणि दैनंदिन उपयुक्तता यांचा मेळ ती साधते. लोटससाठी नव्या पर्वाची सुरुवात करणारी ही कार ब्रँडचा मूळ डीएनए जपतानाच लक्झरी एसयूव्हीकडून अपेक्षित असलेली सर्व वैशिष्ट्ये देते. कोल्हापुरातील या कार्यक्रमात खास आमंत्रित पाहुण्यांना वाहन चालवण्याचा अनुभव, उत्पादनाचे वैयक्तिक सादरीकरण आणि ब्रँडची सविस्तर माहिती दिली जाणार आहे.

केवळ वाहनांचे प्रदर्शन करण्यापलीकडे जाऊन कोल्हापुरातील हा कार्यक्रम लोटस कार्स इंडियाची देशभरात विस्तार करण्याची आणि प्रमुख लक्झरी मार्केट्समधील ग्राहकांशी नाते दृढ करण्याची बांधिलकी दर्शवतो. याआधी अनेक शहरांमध्ये झालेल्या अशा रोड शोला ग्राहक आणि वाहनप्रेमींचा उत्स्फूर्त प्रतिसाद मिळाला असून त्यामुळे संपूर्ण भारतात ग्राहकांशी सखोल संवाद साधण्याच्या ब्रँडच्या ध्येयाला बळकटी मिळाली आहे.

कोल्हापुरातील हे सादरीकरण लोटस कार्स इंडियाचा 'ग्राहक-प्रथम' दृष्टिकोन पुन्हा एकदा अधोरेखित करते. देशभरातील ग्राहकांना उत्तम अनुभव देण्यासाठी कंपनी आपले विक्री आणि विक्रीनंतरचे नेटवर्क सातत्याने मजबूत करत आहे. या रोड शोच्या माध्यमातून कोल्हापुरातील संभाव्य ग्राहकांशी अर्थपूर्ण संवाद साधणे आणि आपली नवीन पिढीची इलेक्ट्रिक वाहने ब्रिटिश परफॉर्मन्सचा वारसा, प्रगत तंत्रज्ञान आणि दैनंदिन उपयुक्तता यांचा कसा उत्तम मेळ साधतात हे ग्राहकांना दाखवून देणे, हा लोटस कार्सचा मुख्य उद्देश आहे.