हातावर जखमा, डोळ्यांवर गॉगल आणि जबरदस्त स्वॅग; 'लव्ह अँड वॉर'मधील रणबीरचा लूक चर्चेत

संजय लीला भन्साळी दिग्दर्शित 'लव्ह अँड वॉर' या चित्रपटाची प्रेक्षक बरेच दिवसांपासून वाट बघत आहेत. या चित्रपटात रणबीर कपूर, आलिया भट्ट आणि विकी कौशल असे तीन मोठे कलाकार पहिल्यांदाच एकत्र दिसणार आहेत, त्यामुळे चित्रपटाची घोषणा झाल्यापासूनच याबद्दल मोठी उत्सुकता होती. आता निर्मात्यांनी रणबीर कपूरचं फर्स्ट लुक पोस्टर रिलीज केल्यामुळे ही उत्सुकता आणखी वाढली आहे.

या पोस्टरमध्ये रणबीर कपूर एका वेगळ्याच स्टाईलमध्ये दिसतोय. असा लूक त्याच्या चाहत्यांनी याआधी कधीच बघितला नव्हता. हातावर जखमांच्या खुणा, डोळ्यांवर गॉगल आणि एकंदर अंदाजातून जबरदस्त स्वॅग दिसणारा हा लूक बघितल्यावर चित्रपटाबद्दलची उत्सुकता अजूनच वाढल्याचं बोललं जातंय.

संजय लीला भन्साळींच्या इतर चित्रपटांसारखीच भव्यता आणि बारीकसारीक डिटेल्सवर दिलेला भर या पोस्टरमध्येही जाणवतो. रणबीरचा लूक, पोस्टरची एकंदर मांडणी आणि त्यासोबत वाजणारं बॅकग्राउंड म्युझिक यामुळे हे फर्स्ट लुक सगळ्यांचं लक्ष वेधून घेतंय.

रणबीरच्या लूकइतकीच पोस्टरमधल्या बीजीएमचीही चर्चा सुरू आहे. या म्युझिकमुळे चित्रपटाचा माहोल आणि रणबीरच्या भूमिकेची झलक अजून जास्त प्रभावीपणे समोर येते, असं म्हटलं जातंय. रणबीरला याआधी अशा रूपात कधीच बघितलेलं नसल्यामुळे त्याची नेमकी भूमिका काय असेल, याबद्दल चाहत्यांमध्ये उत्सुकता आहे. पोस्टर बघून प्रत्येकजण आपापल्या पद्धतीने अंदाज बांधताना दिसतोय, पण रणबीरचं नेमकं पात्र काय आहे हे अजून तरी उघड झालेलं नाही.

'लव्ह अँड वॉर'मध्ये रणबीर कपूर, आलिया भट्ट आणि विकी कौशल हे तिघेही मुख्य भूमिकेत आहेत. या तिघांचं एकत्र स्क्रीनवर येणं, हेच या चित्रपटाचं मोठं आकर्षण मानलं जातंय. तिन्ही कलाकार आपापल्या करिअरमधले मोठे स्टार असल्यामुळे त्यांचा एकत्र स्क्रीन प्रेझेन्स कसा असेल, याचीही चर्चा आधीपासूनच सुरू आहे. शिवाय संजय लीला भन्साळींचं दिग्दर्शन असल्यामुळे चित्रपटाकडून अपेक्षाही मोठ्या आहेत. त्यामुळे या चित्रपटाशी संबंधित प्रत्येक नवीन पोस्टर, लूक किंवा अपडेटकडे प्रेक्षकांचं लक्ष लागलेलं असतं.

'लव्ह अँड वॉर' हा चित्रपट २१ जानेवारी २०२७ रोजी जगभरात प्रदर्शित होणार आहे. हा चित्रपट हिंदी, तमिळ आणि तेलुगू या भाषांमध्ये प्रेक्षकांसाठी येणार आहे, त्यामुळे वेगवेगळ्या भाषिक प्रेक्षकांपर्यंत तो पोहोचणार आहे. रणबीर कपूरचं फर्स्ट लुक पोस्टर समोर आल्यानंतर आता आलिया भट्ट आणि विकी कौशल यांचे लूकही कधी समोर येतात, याची उत्सुकता चाहत्यांना लागून राहिली आहे.