तब्बल 200 दिवसांची व्हॅलिडिटी अन् भरपूर डेटा, जिओच्या 2,025 रुपयांच्या प्लॅनमध्ये मिळणार बंपर फायदे

देशातील आघाडीची टेलिकॉम कंपनी जिओने त्यांच्या यूजर्ससाठी एक लाँग टर्म प्रीपेड प्लॅन आणला आहे, ज्याची किंमत 2,025 रुपये आहे. या प्लॅनचं सगळ्यात मोठं वैशिष्ट्य म्हणजे याची व्हॅलिडिटी तब्बल 200 दिवसांची आहे. त्यामुळे वारंवार रिचार्ज करण्याची डोकेदुखी नसणाऱ्यांसाठी हा प्लॅन फायद्याचा ठरू शकतो. एवढ्या मोठ्या कालावधीसाठी एकदाच रिचार्ज करून यूजर्स निश्चिंत राहू शकतात, हे या प्लॅनचं वैशिष्ट्य आहे.

या प्लॅनमध्ये यूजर्सना व्हॉईस कॉलिंग आणि डेली एसएमएसच्या सोबतीने भरपूर डेटा देखील मिळतो, जेणेकरून गेमिंग असो किंवा सोशल मीडियावर स्क्रोलिंग, यूजर्सना कुठलीही अडचण येणार नाही. प्लॅन घेतल्यावर रोज 2.5GB हाय-स्पीड डेटा मिळणार आहे. रोजचा डेटा संपल्यानंतर मात्र इंटरनेट स्पीड कमी होऊन 64Kbps पर्यंत खाली येईल. म्हणजेच दिवसभराचा वेगवान डेटा वापरून झाल्यावरही इंटरनेट पूर्णपणे बंद होणार नाही, फक्त त्याचा वेग कमी होईल. यातही पात्र यूजर्सना अनलिमिटेड 5G डेटाची सुविधा मिळणार आहे.

डेटा आणि कॉलिंगच्या फायद्यांसोबतच या प्लॅनमध्ये OTT कंटेंटचाही आनंद घेता येणार आहे. जिओहॉटस्टारचं मोबाईल+ हॉलीवूड सब्सक्रिप्शन या प्लॅनमध्ये समाविष्ट असल्यामुळे यूजर्सना वेगळं सब्सक्रिप्शन विकत घ्यायची गरज पडणार नाही. एकाच रिचार्जमध्ये डेटा, कॉलिंग आणि OTT कंटेंट अशा तिन्ही सुविधा एकत्रित मिळत असल्याने यूजर्सचा वेगळा खर्च वाचणार आहे.

याशिवाय जिओने या प्लॅनसोबत AI वापरणाऱ्या यूजर्ससाठीही खास ऑफर दिली आहे. या प्लॅनमध्ये गूगल जेनिमीचा प्रो प्लॅन 18 महिन्यांसाठी मोफत मिळणार आहे. कंपनीने दिलेल्या माहितीनुसार, या ऑफरची किंमत 35,100 रुपये इतकी आहे. यासोबतच यूजर्सना 5,000GB क्लाउड स्टोरेज आणि नॅनो बनाना सारखी AI फीचर्सही वापरता येतील. एआय टूल्स वापरणाऱ्या यूजर्ससाठी हा भाग विशेष फायद्याचा ठरू शकतो.

या सगळ्या फायद्यांव्यतिरिक्त प्लॅनमध्ये जिओएआयक्लाऊडचं 50GB फ्री स्टोरेज देखील दिलं जाणार आहे. तसंच यूजर्सना 12 महिन्यांसाठी कॅन्व्हा प्रो लाईट सब्सक्रिप्शन मिळणार असून त्याची किंमत 1,590 रुपये आहे. म्हणजे स्टोरेज आणि डिझाईनसाठी लागणाऱ्या सब्सक्रिप्शनचाही खर्च या एकाच प्लॅनमध्ये सामावला जातो.

थोडक्यात, दीर्घकाळ टिकणारी व्हॅलिडिटी आणि भरपूर डेटासह अनेक जादा फायदे शोधणाऱ्या जिओ यूजर्ससाठी 2,025 रुपयांचा हा प्लॅन एक चांगला पर्याय ठरू शकतो. या प्लॅनमध्ये केवळ इंटरनेट डेटा आणि दीर्घ व्हॅलिडिटी इतकंच नाही, तर OTT सब्सक्रिप्शन, AI टूल्स आणि क्लाउड स्टोरेजसारखे इतरही अनेक दमदार फायदे एकत्रित मिळत आहेत. त्यामुळे वारंवार रिचार्ज न करता दीर्घकाळ अनेक सुविधांचा लाभ घेऊ इच्छिणाऱ्या यूजर्ससाठी हा प्लॅन उपयुक्त ठरू शकतो.