iPhone 18 Pro साठी क्रेझ, मुंबई-दिल्लीत Apple Store बाहेर रात्रीपासून रांगा

Apple चा नवीन फोन आला की काय होतं, हे परत एकदा दिसून आलं. iPhone 18 Pro आणि iPhone 18 Pro Max घेण्यासाठी लोक अक्षरशः वेडे झाले आहेत. काल रात्रीपासूनच मुंबई आणि दिल्लीतल्या Apple Store बाहेर लोकांनी रांगा लावल्या होत्या. भारतात iPhone चे किती दिवाने आहेत, हे या गर्दीवरून कळतंय. नवीन फोन हातात घेण्यासाठी लोक रात्रभर जागे राहिले.

दिल्लीच्या साकेतमधल्या Select Citywalk Mall मधल्या Apple Store बाहेर सकाळपासूनच लोकांची तुफान गर्दी होती. iPhone 18 Pro घेण्यासाठी लांबच लांब रांगा लागल्या होत्या. काही लोक तर रात्रीपासूनच तिथे येऊन बसले होते, कारण त्यांना पहिल्या 10 लोकांमध्ये फोन घ्यायचा होता. सकाळी 8 वाजता स्टोअर उघडणार होतं आणि विक्री सुरू होणार होती, पण लोक पहाटे 4-5 वाजल्यापासूनच तिथे येऊन थांबले होते.

यात फक्त ग्राहकच नव्हते, तर मोठे YouTubers आणि Tech Reviewers पण होते. त्यांना सगळ्यात आधी फोनचा व्हिडिओ बनवायचा होता, त्यामुळे त्यांनी पण रात्रभर तिथेच काढली. लोकांना या नवीन iPhone मधला कॅमेरा, त्याची स्पीड आणि नवीन डिझाईन बघायची खूप उत्सुकता आहे.

फक्त दिल्लीतच नाही, तर मुंबईतही हीच परिस्थिती होती. मुंबईतल्या Apple Store बाहेर तर जत्राच भरली होती असं वाटत होतं. स्टोअरचं शटर उघडायच्या आधीच शेकडो लोक रांगेत उभे होते. अनेकांनी आधीच ऑनलाईन पैसे भरून फोन बुक केला होता, पण तरीही तो फोन सगळ्यात आधी हातात घेण्यासाठी ते सकाळीच रांगेत येऊन उभे राहिले. कोणी कॅश घेऊन आलं होतं, तर कोणी EMI वर घेण्याचा विचार करत होतं, पण फोन घ्यायचाच, हा सगळ्यांचा निश्चय होता.

आता सगळ्यात महत्त्वाची गोष्ट म्हणजे किंमत. iPhone 17 भारतात 82,900 रुपयांना लॉन्च झाला आहे. त्याचा 256GB वाला फोन 99,900 रुपयांना मिळतोय आणि 512GB साठी 1 लाख 24 हजार 900 रुपये मोजावे लागतील. कंपनीने आधीच्या फोनपेक्षा यावेळी 17 हजार रुपये जास्त ठेवले आहेत.

iPhone 16 ची किंमत आता 79,900 रुपये आहे आणि त्याचं 128GB मॉडेल 89,900 रुपयांना मिळतंय. किंमत जास्त असली तरी लोकांचं iPhone घेण्याचं वेड काही कमी होत नाहीये. जुना असो वा नवीन, iPhone म्हटलं की लोक पैसे मोजायला तयारच असतात. हेच काल रात्रीपासूनच्या गर्दीने पुन्हा एकदा दाखवून दिलं.