दरमहा 5,000 रुपयांच्या SIP मधून 10 लाखांचा फंड उभा राहायला किती वर्षे लागतात

पुढच्या काही वर्षांत 10 लाख रुपयांचा मोठा फंड उभा करायचा असेल, पण एकदम मोठी रक्कम गुंतवणे जमत नसेल, तर एसआयपी (SIP) हा सोपा आणि चांगला मार्ग ठरतो. दरमहा फक्त 5,000 रुपये बाजूला टाकून शिस्तीने गुंतवणूक करत गेल्यास मोठा फंड उभा राहू शकतो. त्यासाठी फार वाट पाहावी लागत नाही, हे विशेष.

लॉन्ग टर्ममध्ये इक्विटी म्युच्युअल फंड्सचा सरासरी परतावा (Avarage Returns) साधारणपणे 12 टक्के गृहीत धरला जातो. या दराने दरमहा 5,000 रुपयांची नियमित गुंतवणूक केली, तर 10 लाखांचा फंड तयार व्हायला साधारणपणे 8 वर्षे 10 महिने, म्हणजे सुमारे 9 वर्षे लागतात. या संपूर्ण प्रवासात एकूण 4 लाख 75 हजार रुपयांपेक्षा जास्त वेल्थ गेन मिळतो.

12 टक्के परताव्याच्या आधारावर पूर्ण हिशेब असा मांडला आहे. मासिक SIP 5,000 रुपये आहे आणि वार्षिक परतावा अंदाजे 12 टक्के गृहीत धरला आहे. एकूण कालावधी 8 वर्षे 10 महिने, म्हणजे 106 महिने आहे. या काळात एकूण गुंतवणूक 5,30,000 रुपये होते, तर एकूण परतावा किंवा फायदा 4,75,800 रुपये आहे. अंतिम मॅच्युरिटी फंड 10,05,800 रुपये होतो.

शेअर बाजाराची कामगिरी चांगली राहिली आणि परताव्याचा दर वाढला, तर हे लक्ष्य आणखी कमी वेळात गाठता येऊ शकते. 12 टक्के परताव्यावर सुमारे 8 वर्षे 10 महिने लागतात. 15 टक्के परताव्यावर सुमारे 7 वर्षे 9 महिने आणि 18 टक्के परताव्यावर सुमारे 6 वर्षे 11 महिने लागतात.

10 लाखांचे लक्ष्य याहूनही लवकर गाठायचे असेल, तर 'स्टेप-अप एसआयपी' हा सर्वोत्तम पर्याय आहे. यात दरवर्षी गुंतवणुकीच्या रकमेत ठराविक टक्केवारीने, उदाहरणार्थ 10 टक्क्यांनी, वाढ केली जाते. समजा पहिल्या वर्षी दरमहा 5,000 रुपये, दुसऱ्या वर्षी 5500 रुपये आणि तिसऱ्या वर्षी 6050 रुपये अशी गुंतवणूक वाढवली, तर 12 टक्के वार्षिक परताव्याच्या हिशेबाने 10 लाखांचे लक्ष्य अवघ्या 6 वर्षे 8 महिन्यांतच पूर्ण होऊ शकते.

हा मजकूर इंटरनेटवर उपलब्ध असलेल्या माहितीच्या आधारे लिहिलेला आहे. एसआयपी किंवा इतर कोणत्याही योजनेत गुंतवणूक करण्याचा सल्ला दिलेला नाही. गुंतवणूक करण्यापूर्वी बाजारातील जोखमींचा अभ्यास करणे आवश्यक आहे आणि कोणतीही आर्थिक जोखीम पत्करण्यापूर्वी वित्तीय तज्ज्ञांचा सल्ला घेणे नेहमीच फायदेशीर ठरते.