GATE परीक्षेनंतर पुढे काय? एम.टेकसाठी देशातील ही आहेत टॉप कॉलेज
GATE परीक्षा दिल्यानंतर एम.टेकसाठी कोणत्या संस्थांमध्ये प्रवेश घ्यावा, असा प्रश्न अनेक विद्यार्थ्यांना पडतो. IISc बंगळूर, IIT आणि NIT हे तीन पर्याय आहेत.
GATE म्हणजे ग्रॅजुएट एप्टीट्यूड टेस्ट इन इंजिनिअरिंग. ही परीक्षा प्रामुख्याने इंजिनिअरिंग आणि विज्ञान शाखेच्या विद्यार्थ्यांसाठी घेतली जाते. या परीक्षेच्या आधारावर विद्यार्थ्यांना देशातल्या सर्वोच्च शिक्षण संस्थांमध्ये एम.टेक किंवा एम.ई.साठी प्रवेश मिळतो.
परीक्षा दिल्यानंतर आता पुढे काय करायचे, हा प्रश्न अनेक विद्यार्थ्यांना पडतो. GATE परीक्षा उत्तीर्ण झाल्यानंतर चांगले करिअर आणि उत्तम पॅकेज हवे असेल, तर खाली सांगितलेल्या कॉलेजांमध्ये प्रवेश घेणे खूप फायदेशीर ठरते.
पहिला पर्याय आहे भारतीय विज्ञान संस्थान, म्हणजे IISc बंगळूर. ही संस्था जगातल्या आणि देशातल्या सर्वोत्कृष्ट शिक्षण संस्थांपैकी एक मानली जाते. तिथे प्रवेश मिळवणे हे अनेक इंजिनिअरिंग विद्यार्थ्यांचे स्वप्न असते. GATE स्कोरच्या आधारावर तिथे एम.टेक, एम.ई. आणि Ph.D. या कार्यक्रमांमध्ये प्रवेश मिळतो.
IISc मधल्या विद्यार्थ्यांना भारत सरकारतर्फे फेलोशिप आणि दर महिन्याला स्टायपेंड दिला जातो. देशातल्या आणि परदेशातल्या मोठ्या टेक कंपन्या तसेच संशोधन संस्थांकडून या विद्यार्थ्यांना खूप आकर्षक जॉब पॅकेज मिळतात. शिवाय आधुनिक प्रयोगशाळा आणि नामवंत वैज्ञानिकांसोबत काम करण्याची मोठी संधीही तिथे मिळते.
दुसरा पर्याय आहे भारतीय तंत्रज्ञान संस्था, म्हणजे IIT. IIT बॉम्बे, दिल्ली, मद्रास, कानपूर अशा संस्थांमधून एम.टेक किंवा Ph.D. केले, तर करिअरसाठी खूप फायदा होतो. आयआयटीमध्ये एम.टेक करणाऱ्या विद्यार्थ्यांना सरकारतर्फे दरमहा १२,४०० रुपयांची स्कॉलरशिप दिली जाते.
या टॉप संस्थांमध्ये उच्च दर्जाचे शिक्षण, अत्याधुनिक लॅब, अनुभवी प्राध्यापक आणि चांगले रिसर्चचे वातावरण मिळते. त्यामुळे जागतिक पातळीवरच्या कंपन्यांमध्ये लाखांचे जॉब पॅकेज मिळतात.
तिसरा पर्याय आहे राष्ट्रीय तंत्रज्ञान संस्था, म्हणजे NIT. या संस्थेतून उच्च शिक्षण घेणे हा विद्यार्थ्यांसाठी एक चांगला आणि सुरक्षित करिअर पर्याय आहे. त्रिची, वारंगल, सुरतकल, राउरकेला येथील टॉप NIT मधून एम.टेक पूर्ण केल्यानंतर सरकारकडून दरमहा १२,४०० रुपयांची स्कॉलरशिप मिळते.
या कॉलेजांमधून शिक्षण घेतल्यानंतर विद्यार्थ्यांना नामांकित कंपन्यांकडून चांगल्या जॉब ऑफर मिळतात.
