दिवाळीत बाईक घ्यायची आहे? खिशाला परवडणाऱ्या कम्युटर बाईक, एक्स-शोरूम किंमत 58 हजारांपासून
दिवाळी आणि दसरा तोंडावर आलाय. नवीन मोटरसायकल घेणाऱ्यांसाठी बाजारात कम्युटर बाईक उपलब्ध आहेत. त्यांची एक्स-शोरूम किंमत सुमारे 58 हजारांपासून सुरू होते.
दिवाळी आणि दसरा आता अवघ्या काही दिवसांवर आलाय. या काळात बाजारात बाईक, कार, कम्युटर, लॅपटॉप अशा वस्तू मोठ्या प्रमाणात दाखल होतात आणि ग्राहकही त्या खरेदी करायला पसंती देतात. दिवाळी आणि फेस्टिव्ह सिझनमध्ये नवीन मोटरसायकल घेणाऱ्यांसाठी एक खूशखबर आहे. सध्या बाजारात कम्युटर बाईक उपलब्ध आहेत.
या कम्युटर बाईकची एक्स-शोरूम किंमत सुमारे 58 हजारांपासून सुरू होते. त्यात 100 सीसीपासून ते 110 सीसीपर्यंतच्या इंजिनाच्या बाईकचा समावेश आहे. या बाईकना चांगले मायलेजही देण्यात आले आहे. Hero HF 100 आणि Hero MotoCorp या भारतातील एन्ट्री-लेव्हल आणि खिशाला परवडणाऱ्या, म्हणजे बजेट-फ्रेंडली कम्युटर मोटरसायकल आहेत. Hero HF 100 ही सर्वात कमी बजेटमधली आणि परवडणारी नवीन बाईक आहे.
आता फिचर आणि पॉवरबद्दल. या बाईकचे इंजिन 97. 2 सीसीचे, एअर-कूल्ड, 04 -स्ट्रोक, सिंगल-सिलेंडर आहे. त्यात xSens FI म्हणजे प्रोग्राम्ड फ्युएल इंजेक्शन तंत्रज्ञान बसवले आहे. पॉवर आणि टॉर्क 8000 rpm वर 8.02 PS (7.91 hp/5.9kW) पॉवर आणि 6000 rpm वर 8.05 Nm टॉर्क असा आहे. ट्रान्समिशनसाठी ४-स्पीड गिअरबॉक्स आहे. मायलेज 70-72 किमी/लिटरपर्यंत असल्याचा दावा करण्यात आला आहे.
इंधन टाकीची क्षमता 9.1 लिटर आहे. ब्रेक्स आणि सस्पेन्शनचा विचार केला तर दोन्ही बाजूंना CBS (कम्बाइन्ड ब्रेकिंग सिस्टम) सह 130 मिमी ड्रम ब्रेक्स आहेत. समोर टेलिस्कोपीक हायड्रॉलिक सस्पेन्शन आणि मागे २-स्टेप ॲडजस्टेबल हायड्रॉलिक शॉक ॲब्सॉर्बर्ससह स्विंगआर्म दिलेला आहे.
परिमाणे आणि वजन असे आहे: लांबी 1965 मिमी, रुंदी 720 मिमी, उंची 1045 मिमी, सीटची उंची 805 मिमी आणि ग्राउंड क्लिअरन्स 165 मिमी. कर्ब वेट म्हणजे गाडीचे वजन 109- 110 किलो आहे.
रंगांमध्ये निळा, काळा आणि लाल हे रंग पाहायला मिळतात. या बाईकला 05 वर्षांची वॉरंटी आहे. तसेच ती 70000 किमी इतके मायलेज देणारी बाईक आहे. ही बाईक ठाणे आणि मुंबईच्या एक्स-शोरूममध्ये मिळेल आणि तिची किंमत 57, 012 पासून सुरू होते. ही बाईक इएमआयवर घ्यायची असेल तर ती 68, 343 रुपयांना मिळेल.
