बजाज ऑटो आणणार 125cc ते 250cc सेगमेंटमध्ये दोन नवीन मोटरसायकल ब्रँड
छायाचित्रे सत्यापित केलेली नाहीत
आर्थिक वर्ष 2027 मध्ये बजाज ऑटो दोन नवीन मोटरसायकल प्रोडक्ट लाईन्स आणणार असून, हे ब्रँड भारतासोबतच आंतरराष्ट्रीय बाजारातही विक्रीसाठी येणार आहेत.
टू-व्हीलर बाजारात आपले स्थान आणखी पक्के करण्यासाठी बजाज ऑटोने नवी योजना आखली आहे. कंपनी आर्थिक वर्ष 2027 मध्ये 125cc ते 250cc सेगमेंटमध्ये दोन नवीन मोटरसायकल प्रोडक्ट लाईन्स बाजारात आणणार आहे. बजाज ऑटोचे जॉइंट मॅनेजिंग डायरेक्टर राकेश शर्मा यांनी कंपनीच्या Q2 FY2027 च्या रिझल्टनंतर ही माहिती दिली.
हे दोन्ही नवीन ब्रँड भारतासोबतच आंतरराष्ट्रीय बाजारातही विक्रीसाठी आणले जाणार आहेत. हे ब्रँड कंपनीच्या लोकप्रिय पल्सर रेंजला पूरक ठरणार आहेत, असे सांगण्यात आले.
राकेश शर्मा यांच्या म्हणण्यानुसार, नवीन ब्रँडच्या माध्यमातून 125cc ते 250cc सेगमेंटमधील वेगवेगळ्या सब-सेगमेंटमधील कस्टमर्सना आकर्षित करण्याचा कंपनीचा प्रयत्न असेल. हे दोन्ही ब्रँड संपूर्ण इंजिन सेगमेंट कव्हर करणार नाहीत, तर वेगवेगळ्या गरजांनुसार स्वतंत्र प्रोडक्ट्स सादर करतील. यापूर्वी जुलै महिन्यात झालेल्या Q1 FY2027 च्या चर्चेदरम्यान कंपनीने 125cc सेगमेंटसाठी दोन नवीन ब्रँड आणण्याचे संकेत दिले होते. 100cc बाईक वापरणाऱ्या कस्टमर्सना पुढच्या सेगमेंटकडे वळवण्याचाही कंपनीचा विचार आहे.
गेल्या वर्षी 125cc आणि 150cc पेक्षा जास्त क्षमतेच्या मोटरसायकल सेगमेंटमध्ये बजाजचा मार्केट शेअर कमी झाला होता. कंपनीच्या काही जुन्या मॉडेल्सचे प्रोडक्ट लाइफ सायकल संपण्याच्या टप्प्यावर असल्याने विक्रीवर परिणाम झाला. त्यामुळे बजाजने पल्सर NS आणि N सीरिजवर लक्ष केंद्रित केले आहे. या दोन्ही सीरिजमधील नवीन अपडेटेड मॉडेल्सना बाजारात चांगला प्रतिसाद मिळत असल्याचे कंपनीने सांगितले. दुसरीकडे, जुन्या क्लासिक पल्सर आणि 100cc सेगमेंटमधील विक्रीमुळे कंपनीच्या एकूण मार्केट शेअरवर परिणाम झाला आहे.
अलीकडच्या काही आठवड्यांत बजाजने पल्सर 125, पल्सर 150, पल्सर N160 S, N160 SS, NS400Z, N250SS आणि NS200 यांसारखी नवीन, अपडेटेड मॉडेल्स सादर केली आहेत. कंपनीच्या माहितीनुसार, या नवीन मॉडेल्सचा 125cc पेक्षा जास्त क्षमतेच्या पोर्टफोलिओमधील वाटा ऑगस्टमध्ये 7 टक्के, सप्टेंबरमध्ये 26 टक्के आणि फेस्टिव्ह सीझनच्या पहिल्या 16 दिवसांत 33 टक्क्यांवर पोहोचला.
दरम्यान, आर्थिक वर्ष 2027 च्या दुसऱ्या तिमाहीत बजाजची परदेशातील वाहन निर्यात वर्षभराच्या तुलनेत 41 टक्क्यांनी वाढून सुमारे 7.8 लाख युनिट्सवर पोहोचली. आफ्रिकेतील निर्यातीत 83 टक्के, तर लॅटिन अमेरिकेतील निर्यातीत 44 टक्के वाढ झाली. भविष्यात नवीन सेगमेंट, नवीन देश आणि KTM सोबतच्या पार्टनरशिपच्या माध्यमातून जागतिक विस्तार करण्याची कंपनीची योजना आहे.
कमेंट
अजून कमेंट नाही. पहिली तुम्ही लिहा.