ॲमेझॉनचा ग्रेट इंडियन फेस्टिव्हल सेल 8 ऑक्टोबरपासून, मोबाईल-इलेक्ट्रॉनिक्सवर मोठी सूट
दिवाळीच्या तोंडावर ॲमेझॉनने त्यांच्या सर्वात मोठ्या सेलची तारीख जाहीर केली असून बँक ऑफर्स, प्राईम मेंबर्ससाठी खास सूट आणि सुपरफास्ट डिलिव्हरीचीही घोषणा केली आहे.
सणासुदीच्या काळात ऑनलाईन शॉपिंग करणाऱ्यांसाठी एक मोठी बातमी आहे. ॲमेझॉनने त्यांच्या भारतातील सर्वात मोठ्या शॉपिंग फेस्टिव्हलची म्हणजे 'अमेज़न ग्रेट इंडियन फेस्टिव्हल 2026'ची अधिकृत तारीख जाहीर केली आहे. हा सेल 8 ऑक्टोबर 2026 पासून सुरू होणार आहे. या सेलमध्ये स्मार्टफोन, इलेक्ट्रॉनिक्स, फॅशन, ब्यूटी प्रॉडक्ट्स, होम अप्लायन्सेस, किराणा सामान आणि इतर अनेक वस्तू वर्षभरातील सर्वात कमी किमतीत मिळणार आहेत.
खरेदी करताना एसबीआयच्या क्रेडिट आणि डेबिट कार्डवर तसेच पात्र EMI व्यवहारांवर ग्राहकांना 10 टक्के इन्स्टंट डिस्काऊंट मिळणार आहे. याशिवाय प्राईम मेंबर्सना निवडक ऑफर्सवर आणखी 10 टक्क्यांपर्यंत जास्तीची सूट मिळेल. प्राईम व्हिडिओवर वेगवेगळ्या भाषांतील आणि जॉनरमधील एक्सक्लुझिव्ह ओरिजिनल्स, सिनेमा आणि वेब सिरीज पाहायलाही मिळणार आहेत.
सेलमध्ये मोठ्या ब्रँड्सचे नवीन प्रॉडक्ट लाँचिंग होणार असून ब्लॉकबस्टर डील्स, टॉप 100 डील्स, मेगा डील्स, रात्री 8 वाजताच्या डील्स आणि नो कॉस्ट EMI असे पर्यायही उपलब्ध असतील. याशिवाय Buy More Save More, एक्सचेंज मेळा, सॅम्पल मॅनिया, अमेज़न कॉम्बो अशा वेगवेगळ्या ऑफर्समधूनही ग्राहकांना जास्त बचत करता येईल.
यंदा ग्राहकांना AI शॉपिंग फीचर्स वापरता येणार असून त्याद्वारे उत्पादनांची तुलना करणे, किमतीचा जुना इतिहास बघणे आणि आपल्याला हवी तशी शिफारस मिळवणे सोपे होणार आहे. ॲमेझॉनच्या वेगवान डिलिव्हरी नेटवर्कमुळे हजारो उत्पादने काही मिनिटांत किंवा तासाभरात पोहोचतील. 10 लाखाहून जास्त उत्पादने त्याच दिवशी, तर 40 लाखाहून जास्त उत्पादने दुसऱ्या दिवशी मिळतील. उर्वरित लाखो उत्पादने प्राईम मेंबर्सना मोफत डिलिव्हरीने मिळणार आहेत.
या मोठ्या गर्दीसाठी ॲमेझॉनने आपले नेटवर्कही खूप वाढवले आहे. भारतात 20 नवीन फुलफिलमेंट सेंटर्स, 6 नवीन सॉर्ट सेंटर्स आणि 150 नवीन लास्ट-माईल डिलिव्हरी स्टेशन्स उभारण्यात आली आहेत. यामुळे सुमारे 400 शहरांतील ऑपरेशन्समध्ये 1 लाख 60 हजारांहून जास्त तात्पुरत्या नोकऱ्या तयार झाल्या आहेत. सध्या ॲमेझॉनच्या नेटवर्कला भारतातील 17 लाखाहून जास्त विक्रेत्यांचा पाठिंबा आहे. कंपनीचा एकूण सेलर बेस 20 लाखांपेक्षा जास्त झाला असून गेल्या फक्त एका वर्षात 3 लाखांहून जास्त नवे विक्रेते प्लॅटफॉर्मवर जोडले गेले आहेत.
कंपनीने दिलेल्या माहितीनुसार, 'Amazon Now' ही सेवा दिवाळीपूर्वी 100 शहरांपर्यंत पोहोचवली जाणार आहे. सध्या ही सेवा जालंधर, तिरुपती, वारंगल, धारवाड, वेल्लोर आणि बेरहामपूर यांसारख्या अनेक बिगर-मेट्रो शहरांतही सुरू आहे. या सेवेतून ग्राहकांना किराणा सामान, ताजी फळे-भाज्या, पेये, घरातील वस्तू, पर्सनल केअर, ब्यूटी प्रॉडक्ट्स आणि छोटी इलेक्ट्रॉनिक उपकरणे थेट ऑर्डर करता येतात.
अमेझॉन इंडियाचे उपाध्यक्ष सौरभ श्रीवास्तव म्हणाले, "अमेझॉन ग्रेट इंडियन फेस्टिव्हल हा ग्राहक, विक्रेते आणि ब्रँड्सना देशातील सर्वात मोठ्या शॉपिंग उत्सवासाठी एकत्र आणून भारतीय सणांचा उत्साह साजरा करतो. या वर्षी भारतभरातील ग्राहक कोट्यवधी उत्पादनांवर वर्षातील सर्वात कमी किमती, ब्लॉकबस्टर डील्स आणि नवीन लाँचिंगची वाट पाहू शकतात. प्रीमियम तसेच व्हॅल्यू प्रॉडक्ट्सची भव्य श्रेणी काही मिनिटांत, तासांत, त्याच दिवशी किंवा दुसऱ्या दिवशी डिलिव्हर केली जाईल. विक्रेत्यांनी आखलेल्या आकर्षक डील्ससोबतच या सेल्समध्ये ग्राहकांची मोठी बचत होणार आहे."
